Skip to content
417 Hadiths

Encyclopedia of Prophetic Hadiths

Filter results

72 of 417 cards

Clear filters
«هه‌ر كەسێ پشتی هەر نڤێژەکا فەڕز ئایەتول کورسییێ بخوینیت، چ تشت نابنه‌ ڕێگر ل بەر چوونا وی بۆ به‌حەشتێ ب تنێ مرن نەبیت».
فه‌رمووده‌یه‌كا دروسته‌ نه‌سائی ڤێ فه‌رمووده‌یێ د په‌ڕتووكا (سنن الکبری)ـدا ڤه‌دگوهێزیت
التصنيف الشرعيفضائل السور والآيات، أذكار الصلاةموضوعات الحديثفضائل السور والآيات، سنن الصلاة
((ئه‌گه‌ر هوین چوونه‌ د نڤێژێدا؛ ڕێزێن خۆ ڕاست بكه‌ن، پاشی بلا ئێك ژ هه‌وه‌ ببيته‌ پێشنڤێژێ هه‌وه‌، ڤێجا ئه‌گه‌ر پێشنڤێژی (تكبيرة الإحرام) كر (ئانكو گۆت: الله أكبر)؛ هوین ژی وێ بێژن، و ئه‌گه‌ر فاتیحه‌ خواند و گه‌هشته‌: غَيْرِ الْمَغْضُوبِ عَلَيْهِمْ وَلا الضَّالِّينَ} [الفاتحة: 7]، هوین بێژن: ئامین؛ ئه‌گه‌ر هوین ڤێ بكه‌ن؛ خودێ دێ به‌رسڤا دوعایا هه‌وه‌ ده‌ت، و ئه‌گه‌ر پێشنڤێژی گۆت (الله أكبر) و چوو ڕكوعێ؛ هوین ژی وه‌بكه‌ن، چونكی پێشنڤێژ به‌ری هه‌وه‌ دچیته‌ ڕكوعێ و به‌ری هه‌وه‌ ژی ڕادبیت))، پاشی پێغه‌مبه‌رێ خودێ (صه‌لات و سه‌لامێن خودێ ل سه‌ر بن) گۆت: ((ڤێجا ئه‌و ده‌مێ كێم یێ پێشنڤێژ به‌ری هه‌وه‌ دچیته‌ ڕكوعێ دێ بۆ هه‌وه‌ هێته‌ قه‌ره‌بووكرن ب وێ پاشكه‌ڤتنا هه‌وه‌ پشتی پێشنڤێژ ڕادبیت و ب ڤێ چه‌ندێ ده‌مێ ڕكوعا هه‌وه‌ و یا پێشنڤێژی دێ وه‌ك ئێك بیت))، و ئه‌گه‌ر پێشنڤێژی گۆت: (سَمِعَ اللهُ لِمَنْ حَمِدَهُ)، هوین بێژن: (اللَّهُمَّ رَبَّنَا لَكَ الْحَمْدُ)، ئه‌گه‌ر مه‌ئمومان ئه‌و گۆت، خودایێ مه‌زن دێ گوهـ ل دوعا و گۆتنا وان بیت، چونكی خودایێ مه‌زن ل سه‌ر ئه‌زمانێ پێغه‌مبه‌رێ خۆ گۆتییه‌: (سَمِعَ اللهُ لِمَنْ حَمِدَهُ). پاشی ئه‌گه‌ر پێشنڤێژی گۆت (الله أكبر) و چوو سوجدێ؛ هوین ژی وەبکەن، پێشنڤێژ به‌ری هه‌وه‌ دچیته‌ سوجدێ و به‌ری هه‌وه‌ ژی سه‌رێ خۆ ڕادكه‌ت))، پاشی پێغه‌مبه‌رێ خودێ (صه‌لات و سه‌لامێن خودێ ل سه‌ر بن) گۆت: ((ڤێجا ئه‌و ده‌مێ كێم یێ پێشنڤێژ به‌ری هه‌وه‌ دچته‌ سوجدێ دێ بۆ هه‌وه‌ هێته‌ قه‌ره‌بووكرن ب وێ پاشكه‌ڤتنا هه‌وه‌ پشتی پێشنڤێژ ڕادبیت و ب ڤێ چه‌ندێ ده‌مێ سوجدا هه‌وه‌ و یا پێشنڤێژی دێ وه‌ك ئێك بیت، و ده‌مێ ڕوینشتنا بۆ ته‌حیاتێ؛ بلا ده‌سپێكا ئاخڤتنا هه‌وه‌ ئه‌ڤه‌ بیت هوین بێژن: (التَّحِيَّاتُ الطَّيِّبَاتُ الصَّلَوَاتُ لِلهِ، السَّلَامُ عَلَيْكَ أَيُّهَا النَّبِيُّ وَرَحْمَةُ اللهِ وَبَرَكَاتُهُ، السَّلَامُ عَلَيْنَا وَعَلَى عِبَادِ اللهِ الصَّالِحِينَ، أَشْهَدُ أَنْ لَا إِلَهَ إِلَّا اللهُ وَأَشْهَدُ أَنَّ مُحَمَّدًا عَبْدُهُ وَرَسُولُهُ) )).
فه‌رمووده‌یه‌كا دروسته‌ موسلم ڤێ فه‌رمووده‌یێ ڤه‌دگوهێزیت
التصنيف الشرعيأركان الصلاة، واجبات الصلاة، صفة الصلاة، أذكار الصلاة، أحكام الإمام والمأمومموضوعات الحديثصفة الصلاة، صلاة الجماعة
ئه‌م ل ده‌ڤ پێغه‌مبه‌رێ خودێ (صه‌لات و سه‌لامێن خودێ ل سه‌ر بن) بووین، نه‌هـ یان هه‌شت یان حه‌فت كه‌س بوون، گۆت: ((ئه‌رێ ما هوین به‌یعه‌تێ ناده‌نه‌ پێغه‌مبه‌رێ خودێ؟)) مه‌ به‌ری هنگی به‌یعه‌ت دابوو، مه‌ گۆت: ئه‌ی پێغه‌مبه‌رێ خودێ مه‌ به‌یعه‌ت یا دایه‌ ته‌، پاشی گۆت: ((ئه‌رێ ما هوین به‌یعه‌تێ ناده‌نه‌ پێغه‌مبه‌رێ خودێ؟)) مه‌ گۆت: مه‌ به‌یعه‌ت یا دایه‌ ته‌، پاشی بۆ جارا سێیێ گۆت: ((ئه‌رێ ما هوین به‌یعه‌تێ ناده‌نه‌ پێغه‌مبه‌رێ خودێ؟)) ڤه‌گوهێزه‌ر دبێژیت: مه‌ ژی ده‌ستێن خۆ درێژ كرن و مه‌ گۆت: مه‌ به‌یعه‌ت یا دایه‌ ته‌ ئه‌ی پێغه‌مبه‌رێ خودێ، ئه‌رێ ڤێجارێ ئه‌م به‌یعه‌تێ ل سه‌ر چ بده‌ینه‌ ته‌؟ گۆت: ((ل سه‌ر هندێ كو خودێ بپه‌رستن و چ شریكان بۆ چێنه‌كه‌ن، هه‌ر پێنج نڤێژێن خۆ د ده‌مێ واندا بكه‌ن، و گوهدارییێ بكه‌ن -پاشی ب ده‌نگه‌كێ نزم په‌یڤه‌ك گۆت- و چ تشتان ژ خه‌لكی نه‌خوازن)). ڤه‌گوهێزه‌ر دبێژیت: ب ڕاستی من هنده‌ك ژ وان كه‌سان دیتن قامچییێ ئێك ژ وان ژ ده‌ستی دكه‌ڤت (ده‌مێ ل سه‌ر پشتا ده‌واری) و داخواز ژ كه‌سێ نه‌دكر بكه‌ته‌ د ده‌ستێ ویدا (به‌لكی ئه‌و بخۆ ژ سه‌ر پشتا ده‌واری دهاته‌ خوارێ و هه‌لدگرت).
فه‌رمووده‌یه‌كا دروسته‌ موسلم ڤێ فه‌رمووده‌یێ ڤه‌دگوهێزیت
التصنيف الشرعيالأخلاق الحميدة، الزهد والورع، حق الإمام على الرعية، وجوب الصلاة وفضلها وحكم تاركها، توحيد الألوهيةموضوعات الحديثالزهد وقِصَر الأمل، أهمية التوحيد، أحكام الإمامة، التوكل، مكانة الصلاة وفضلهامحاور التعريف بالإسلاموجوب إفراد الله بالعبادة
((چ نڤێژ بۆ وی كه‌سی نینن‌ یێ سووڕه‌ت فاتیحه‌ تێدا نه‌خوینیت)).
فه‌رمووده‌یه‌كا دروسته‌ بۆخاری و موسلم ڤه‌دگوهێزن
التصنيف الشرعيأركان الصلاةموضوعات الحديثأركان الصلاة
((ئيسلام ل سه‌ر پێنج ستوینان هاتییه‌ ئاڤاكرن: شاهده‌دان كو ژ ئه‌لڵاهی پێڤه‌تر چ خودایێن ژ هه‌ژی په‌رستنێ نینن و موحه‌ممه‌د پێغه‌مبه‌رێ خودێیه‌، كرنا نڤێژێ، دانا زه‌كاتێ، چوونا حه‌جێ و گرتنا ڕۆژییێن هه‌یڤا ڕه‌مه‌زانێ)).
فه‌رمووده‌یه‌كا دروسته‌ بۆخاری و موسلم ڤه‌دگوهێزن
التصنيف الشرعيوجوب الصلاة وفضلها وحكم تاركها، وجوب الزكاة وحكم تاركها، وجوب الصيام وحكم تاركه، وجوب الحج والعمرة وحكم تاركهما، الإيمان بالله عز وجل، النبوة والرسالة، الإسلامموضوعات الحديثالحج والعمرة، الزكاة ومكانتها، الصوم الواجب، أهمية التوحيد، مكانة الصلاة وفضلهامحاور التعريف بالإسلامأركان الإسلام
((هندى د ناڤبه‌را مرۆڤى و شرك و كوفرێدايە؛ هێلانا نڤێژێیه‌)).
فه‌رمووده‌یه‌كا دروسته‌ موسلم ڤێ فه‌رمووده‌یێ ڤه‌دگوهێزیت
التصنيف الشرعيوجوب الصلاة وفضلها وحكم تاركها، الكفر، الشركموضوعات الحديثترك الصلاة، الكفر وأنواعه
((خودایێ مه‌زن گۆت: من نڤێژ (ئانكو سووڕه‌تا فاتیحه‌) د ناڤبه‌را خۆ و عه‌بدێ خۆ دا كرییه‌ دوو پشك، و بۆ عه‌بدێ منه‌ چ تشتێ ئه‌و بخوازیت. ڤێجا ئه‌گه‌ر عه‌بدی گۆت: {الْحَمْدُ لِلَّهِ رَبِّ الْعَالَمِينَ}، خودایێ مه‌زن دبێژیت: عه‌بدێ من حه‌مد و سوپاسییا من كر. ئه‌گه‌ر گۆت: {الرَّحْمَنِ الرَّحِيمِ}، خودایێ مه‌زن دبێژیت: عه‌بدێ من په‌سن و مه‌دحێن من كرن. ئه‌گه‌ر گۆت: {مَالِكِ يَوْمِ الدِّينِ}، خودێ دبێژیت: عه‌بدێ من ئه‌ز ب مه‌زن دانام -و جاره‌كێ ژی گۆت: عه‌بدێ من كارێ خۆ ب من سپارد-، ڤێجا ئه‌گه‌ر گۆت: {إِيَّاكَ نَعْبُدُ وَإِيَّاكَ نَسْتَعِينُ}، خودێ دبێژیت: ئه‌ڤه‌ د ناڤبه‌را من و عه‌بدێ مندایه‌ و بۆ عه‌بدێ منه‌ چ تشتێ ئه‌و بخوازیت. ڤێجا ئه‌گه‌ر گۆت: {اهْدِنَا الصِّرَاطَ الْمُسْتَقِيمَ صِرَاطَ الَّذِينَ أَنْعَمْتَ عَلَيْهِمْ غَيْرِ الْمَغْضُوبِ عَلَيْهِمْ وَلا الضَّالِّينَ}، خودێ دبێژیت: ئه‌ڤه‌ بۆ عه‌بدێ منه‌ و بۆ عه‌بدێ منه‌ چ تشتێ ئه‌و بخوازیت)).
فه‌رمووده‌یه‌كا دروسته‌ موسلم ڤێ فه‌رمووده‌یێ ڤه‌دگوهێزیت
التصنيف الشرعيفضائل السور والآيات، أركان الصلاة، تفسير الآياتموضوعات الحديثفضائل السور والآيات، أركان الصلاة
زه‌لامه‌كێ كۆره‌ هاته‌ ده‌ڤ پێغه‌مبه‌ری (صه‌لات و سه‌لامێن خودێ ل سه‌ر بن) و گۆت: ئه‌ی پێغه‌مبه‌رێ خودێ؛ كه‌س نینه‌ ده‌ستێ من بگریت و من بینیته‌ مزگه‌فتێ، ڤێجا داخواز ژ پێغه‌مبه‌رێ خودێ (صه‌لات و سه‌لامێن خودێ ل سه‌ر بن) كر ئه‌و ده‌ستویرییێ بده‌ته‌ وی ل مالا خۆ نڤێژێ بكه‌ت، پێغه‌مبه‌ری ژی (صه‌لات و سه‌لامێن خودێ ل سه‌ر بن) ده‌ستویری دا وی، به‌لێ پشتی ئه‌وی زه‌لامی پشتا خۆ دایه‌ پێغه‌مبه‌ری (صه‌لات و سه‌لامێن خودێ ل سه‌ر بن) و چووی، پێغه‌مبه‌ری (صه‌لات و سه‌لامێن خودێ ل سه‌ر بن) گازی وی كر و گۆتێ: ((ئه‌رێ ته‌ گوھ ل بانگی هه‌یه‌؟))، گۆت: به‌لێ، گۆت: ((پا د به‌رسڤێ وه‌ره‌)).
فه‌رمووده‌یه‌كا دروسته‌ موسلم ڤێ فه‌رمووده‌یێ ڤه‌دگوهێزیت
التصنيف الشرعيالأذان والإقامة، فضل صلاة الجماعة وأحكامها، صلاة أهل الأعذارموضوعات الحديثأحكام الأذان والإقامة، صلاة الجماعة، صلاة أهل الأعذار