Skip to content
417 Hadiths

Encyclopedia of Prophetic Hadiths

Filter results

13 of 417 cards

Clear filters
«سوباهی ئه‌ز دێ ڤی ئالایی كه‌مه‌ د ده‌ستێ‌ زه‌لامه‌كیدا كو خودێ دێ وی جهێ د چیتێ ل سه‌ر ده‌ستێ وی ڤه‌كه‌ت، ئه‌و حه‌ز ژ خودێ و پێغه‌مبه‌ری دكه‌ت و خودێ و پێغه‌مبه‌ر ژی حه‌ز ژ وی دكه‌ن». گۆت: خه‌لكی هه‌می شه‌ڤا خۆ ب وێ چه‌ندێڤه‌ بره‌ سه‌ری كا دێ ئالا ب كێ هێته‌ دان، ده‌مێ بوویه‌ سپێده؛‌ چوونه‌ ده‌ڤ پێغه‌مبه‌ری (صه‌لات و سه‌لامێن خودێ ل سه‌ر بن) و هه‌مییان هیڤی دكر كو ئالا ب وی بهێته‌ دان، ئینا (پێغه‌مبه‌ری صه‌لات و سه‌لامێن خودێ ل سه‌ر بن) گۆت: «عه‌لییێ كوڕێ ئه‌بو طالبی ل كیڤه‌یه‌‌؟» گۆتن: ئه‌ی پێغه‌مبه‌رێ خودێ؛ ئه‌و یێ نه‌ساخه‌ و چاڤێن وی دئێشن، گۆت: «كه‌سه‌كی فڕێكه‌نه‌ ب دویڤ ویڕا»، ئینا ئه‌و هاته‌ ئینان و پێغه‌مبه‌ری (صه‌لات و سه‌لامێن خودێ ل سه‌ر بن) تفا خۆ ل چاڤێن وی دا و دوعا بۆ كرن، چاڤێن وی چێبوون دا بێژی چ ئێش لێ نه‌بوون، ئینا ئالا دا ده‌ستێ وی. عه‌لی گۆت: ئه‌ی پێغه‌مبه‌رێ خودێ؛ ئه‌رێ ئه‌ز دێ شه‌ڕی د گه‌ل كه‌م هه‌تا وه‌كی مه‌ لێ بهێن (ببنه‌ موسلمان)؟ گۆت: «ل سه‌ر ‌خۆ هه‌ڕه‌ هه‌تا دگه‌هییه‌ ده‌ڤ وان، پاشی وان بۆ ئیسلامێ گازی بكه‌ و ئه‌و مافێ خودێ ل سه‌ر وان هه‌ی و ل سه‌ر وان فه‌ڕز كری بۆ وان ڕوهن بكه‌، چونكی ئه‌ز ب خودێ كه‌مه‌ ئه‌گه‌ر خودێ ب ڕێكا ته‌ زه‌لامه‌كێ ب تنێ ب هیدایه‌ت بینیت؛ بۆ ته‌ باشتره‌ ژ هندێ كو حێشترێن سۆر (كو گرانترین مالێ عه‌ره‌بان بوو) بۆ ته‌‌بن».
فه‌رمووده‌یه‌كا دروسته‌ بۆخاری و موسلم ڤه‌دگوهێزن
التصنيف الشرعيالصحابة وفضلهم، الطب والتداوي والرقية الشرعية، فضل الدعوة إلى الله وأحكامها، غزواته وسراياه صلى الله عليه وسلم، أحكام ومسائل الجهاد وآدابه، دلائل النبوةموضوعات الحديثالدعوة إلى الله، الصحابة رضي الله عنهممحاور التعريف بالإسلاملا يقبل الله غير دين الإسلام، عدل الإسلام
پێغه‌مبه‌ر (صه‌لات و سه‌لامێن خودێ ل سه‌ر بن) هاته‌ ده‌ڤ مه‌، ڤێجا مه‌ گۆت: ئه‌ی پێغه‌مبه‌رێ خودێ؛ مه‌ زانی دێ چاوا سلاڤ كه‌ینه‌ ته‌‌، به‌لێ پا دێ چاوا صه‌له‌واتان ده‌ینه‌ سه‌ر ته‌؟ گۆت: ((بێژن: ((اللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ، كَمَا صَلَّيْتَ عَلَى آلِ إِبْرَاهِيمَ، إِنَّكَ حَمِيدٌ مَجِيدٌ، اللَّهُمَّ بَارِكْ عَلَى مُحَمَّدٍ وَعَلَى آلِ مُحَمَّدٍ، كَمَا بَارَكْتَ عَلَى آلِ إِبْرَاهِيمَ، إِنَّكَ حَمِيدٌ مَجِيدٌ))، ئانكو: ((خودایێ من؛ صه‌له‌واتان بده‌ سه‌ر موحه‌ممه‌دی و مالباتا موحه‌ممه‌دی، هه‌روه‌كی كا چاوا ته‌ صه‌له‌وات داینه‌ سه‌ر مالباتا ئیبراهیمی، ب ڕاستی تو یێ ژ هه‌ژی سوپاسییێی و یێ خودان مه‌زناهی، خودایێ من؛ به‌ره‌كه‌تێ بڕێژه‌‌ سه‌ر موحه‌ممه‌دی و مالباتا موحه‌ممه‌دی،؛ هه‌روه‌كی كا چاوا ته‌ به‌ره‌كه‌ت ڕێژتییه‌ سه‌ر مالباتا ئیبراهیمی، ب ڕاستی تو یێ ژ هه‌ژی سوپاسییێی و یێ خودان مه‌زناهی)).
فه‌رمووده‌یه‌كا دروسته‌ بۆخاری و موسلم ڤه‌دگوهێزن
التصنيف الشرعيآداب العالم والمتعلم، الأدعية المأثورة، أذكار الصلاةموضوعات الحديثحقوق النبي ﷺ، صفة الصلاة
ده‌مه‌كی ئه‌م د مزگه‌فتێڤه‌ د گه‌ل پێغه‌مبه‌ری (صه‌لات و سه‌لامێن خودێ ل سه‌ر بن) د ڕوینشتی بووین، ژ نیشكه‌كێڤه‌ زه‌لامه‌ك ل سه‌ر حێشتره‌كێ هات، حێشترا خۆ ل ناڤ مزگه‌فتێ ل سه‌ر چۆكان ڕاگرت و پاشی گرێدا، پاشی گۆته‌ وان: كیژ ژ هه‌وه‌ موحه‌ممه‌ده‌؟ و پێغه‌مبه‌ر (صه‌لات و سه‌لامێن خودێ ل سه‌ر بن) د ناڤ واندا یێ ڕوینشتی بوو و پالڤه‌دابوو، مە ژی گۆته‌ وی: ئاها ئه‌ڤ زه‌لامێ سپی یێ پالڤه‌داییه‌. ئینا وی زه‌لامی گۆته‌ پێغه‌مبه‌ری (صه‌لات و سه‌لامێن خودێ ل سه‌ر بن): ئه‌ی كوڕێ عه‌بدولموطه‌لیبی! پێغه‌مبه‌ری ژی (صه‌لات و سه‌لامێن خودێ ل سه‌ر بن) گۆته‌ وی: ((من به‌رسڤا ته‌ دا))، زه‌لامی گۆته‌ پێغه‌مبه‌ری (صه‌لات و سه‌لامێن خودێ ل سه‌ر بن): ئه‌ز دێ هنده‌ك پرسیاران ژ ته‌ كه‌م و دێ د پرسیاركرنا خۆدا ل سه‌ر ته‌ گران و نه‌خۆش كه‌م، ڤێجا ژ من توڕه‌ نه‌به‌ و بلا دلێ ته‌ ژ من نه‌مینیت و چ نه‌كه‌ دلێ خۆ! پێغه‌مبه‌ری (صه‌لات و سه‌لامێن خودێ ل سه‌ر بن) گۆتێ: ((پرسیارا ته‌ دڤێت بكه‌))، گۆت: ئه‌ز ته‌ ب خودایێ ته‌ و خودایێ یێن به‌ری ته‌ دده‌مه‌ سویندێ؛ ئه‌رێ ژ ڕاستا خودێ تو بۆ هه‌می مرۆڤان هنارتییه‌؟ گۆت: ((به‌لێ)). گۆت: ئه‌ز ته‌ ب خودێ دده‌مه‌ سویندێ، ئه‌رێ خودێ فه‌رمان ل ته‌ كرییه‌ ئه‌م د شه‌ڤه‌ك و ڕۆژه‌كێدا پێنج نڤێژان بكه‌ین؟ گۆت: ((به‌لێ)). گۆت: ئه‌ز ته‌ ب خودێ دده‌مه‌ سویندێ؛ ئه‌رێ خودێ فه‌رمان ل ته‌ كرییه‌ ئه‌م د ڤێ هه‌یڤێدا ژ سالێ ب ڕۆژی بین؟ گۆت: ((به‌لێ)). گۆت: ئه‌ز ته‌ ب خودێ دده‌مه‌ سویندێ؛ ئه‌رێ خودێ فه‌رمان ل ته‌ كرییه‌ تو ڤێ زه‌كاتێ ژ زه‌نگینێن مه‌ وه‌ربگری و ل سه‌ر هه‌ژارێن مه‌ دابه‌ش بكه‌ی؟ پێغه‌مبه‌ری (صه‌لات و سه‌لامێن خودێ ل سه‌ر بن) گۆت: ((به‌لێ)). ئینا وی زه‌لامی گۆت: من باوه‌ری ب تشتێ تو پێ هاتی ئینا و ئه‌ز هنارتیمه‌ بۆ وان كه‌سێن من ل پشت خۆ هێلاین ژ ملله‌تێ خۆ، و ئه‌ز ضه‌مامێ كوڕێ سه‌عله‌بەیمه‌ براگه‌وره‌يێ هۆزا سه‌عدێ كوڕێ به‌كری.
فه‌رمووده‌یه‌كا دروسته‌ بۆخاری و موسلم ڤه‌دگوهێزن
التصنيف الشرعيالدعوة إلى الله، وجوب الصلاة وفضلها وحكم تاركها، وجوب الزكاة وحكم تاركها، وجوب الصيام وحكم تاركه، الإيمان بالله عز وجل، الإيمان بنبينا محمد صلى الله عليه وسلم، الإسلامموضوعات الحديثالزكاة ومكانتها، الصوم الواجب، الدعوة إلى الله، التواضع، حقوق النبي ﷺ، مكانة الصلاة وفضلهامحاور التعريف بالإسلامالتعريف بالنبي محمد صلى الله عليه وسلم، أركان الإسلام
ڕه‌وشتێ پێغه‌مبه‌رێ خودێ (صه‌لات و سه‌لامێن خودێ ل سه‌ر بن) ژ یێ هه‌می مرۆڤان جوانتر بوو.
فه‌رمووده‌یه‌كا دروسته‌ بۆخاری و موسلم ڤه‌دگوهێزن
التصنيف الشرعيالصفات الخُلُقيةموضوعات الحديثحسن الخلق، متابعة الرسول ﷺمحاور التعريف بالإسلامالتعريف بالنبي محمد صلى الله عليه وسلم
((ب ڕاستی خودایێ مه‌زن هه‌وه‌ پاشڤه‌ دبه‌ت كو سویند ب دایك و بابێن خۆ بخۆن)). عومه‌ری گۆت: ئه‌ز ب خودێ كه‌مه‌ ئه‌ڤه‌ ژ وێ ڕۆژا من گوهـ ل پێغه‌مبه‌رێ خودێ (صه‌لات و سه‌لامێن خودێ ل سه‌ر بن) بووی پاشڤه‌برن ژ ڤێ چه‌ندێ كری من ئه‌و سوینده‌ نه‌خوارییه، نه‌ ب مه‌ره‌م و نه من‌ ژ كه‌سه‌كێ دی ڤه‌گوهاستییه‌.
فه‌رمووده‌یه‌كا دروسته‌ بۆخاری و موسلم ڤه‌دگوهێزن
التصنيف الشرعيتوحيد الألوهيةموضوعات الحديثأهمية التوحيد، الشرك بالله وأقسامه، الإيمان بالله تعالى، متابعة الرسول ﷺ