Encyclopedia of Prophetic Hadiths

((خودایێ من؛ تو قه‌برێ من نه‌كه‌ په‌یكه‌ره‌ك عیباده‌ت بۆ بهێته‌ كرن، خودێ نه‌فره‌ت یێن ل وان كه‌سان كرین یێن قه‌برێن پێغه‌مبه‌رێن خۆ كرینه‌ مزگه‌فت)).

((ب ڕاستی ئه‌و په‌یمانا د ناڤبه‌را مه‌ و واندا هه‌ی‌؛ نڤێژه‌، ڤێجا هه‌ر كه‌سێ وێ بهێلیت؛ ئه‌ڤه‌ مسوگه‌ر ئه‌و كافر بوو)).

((طیه‌ره‌ شركه‌، طیه‌ره‌ شركه‌، طیه‌ره‌ شركه‌ -سێ جاران گۆت-))، و كه‌س ژ مه‌ نینه‌ هنده‌ك جاران ئه‌ڤ هه‌سته‌ بۆ په‌یدا نه‌بیت، به‌لێ خودایێ مه‌زن ب خۆ هێلانا ب هیڤییا ویڤه‌ وێ چه‌ندێ ژ ناڤ دبه‌ت.

((هه‌ر كه‌سێ سویند ب تشته‌كێ دی ژ بلی خودێ بخۆت، ئه‌ڤه‌ وی كوفر یان شرك كر)).

((هه‌ر كه‌سێ پشكه‌كا وی زانستێ ستێرزانییێ فێربیت كو ب ڕێكا وی بانگه‌شه‌یا زانینا غه‌یبێ دهێته‌ كرن؛ ئه‌ڤه‌ ئه‌و فێری پشكه‌كا سحر و سێره‌به‌ندییێ بوو، ڤێجا چه‌ند ل سه‌ر زێده‌ بكه‌ت؛ دێ ل سه‌ر فێربوونا سحرێ ژی زێده‌ كه‌ت)).

((ب راستی ئه‌و تشتێ ئه‌ز پتر ژ هه‌مییان ژێ دترسم ب سه‌ر هه‌وه‌دا بهێت: شركا بچویكه‌))، گۆتن: ئه‌ی پێغه‌مبه‌رێ خودێ، شركا بچویك چ جۆره‌ شركه‌؟ گۆت: ((ڕویمه‌تییه‌‌، خودایێ مه‌زن ل ڕۆژا قیامه‌تێ ده‌مێ خه‌لكی ل سه‌ر كریارێن وان خه‌لات دكه‌ت؛ دبێژیته‌ وان: هه‌ڕنه‌ ده‌ڤ وان كه‌سێن هه‌وه‌ ل دونیایێ ڕویمه‌تی بۆ دكر و ژ به‌ر وان كارێ باش دكر، ڤێجا به‌رێ خۆ بده‌نێ كا دێ هوین چ خێر و خه‌لاتان ل ده‌ڤ وان بینن؟)).

د گه‌شته‌كێدا ئه‌ز د گه‌ل پێغه‌مبه‌ری (صه‌لات و سه‌لامێن خودێ ل سه‌ر بن) بووم، ڤێجا ڕۆژه‌كێ ل ده‌مێ ئه‌م ب ڕێكێ دچووین ئه‌ز نێزیكی وی بووم، من ژی گۆت: ئه‌ی پێغه‌مبه‌رێ خودێ؛ بۆ من كاره‌كی بێژه‌ من ببه‌ته‌ به‌هه‌شتێ و من ژ ئاگرێ جه‌هنه‌مێ دویر بێخیت، گۆت: ((ب ڕاستی ته‌ پرسیارا تشته‌كێ مه‌زن ژ من كر و ئه‌و تشته‌كێ ب ساناهییه‌ بۆ وی كه‌سێ خودێ ل به‌ر وی ب ساناهی لێ كربیت: ئه‌و تشت ئه‌ڤه‌یه‌ تو عیباده‌تێ خودێ ب تنێ بكه‌ی و چ شریك و هه‌ڤالان بۆ دروست نه‌كه‌ی، تو نڤێژان بكه‌ی و زه‌كاتێ بده‌ی و ڕۆژییێن هه‌یڤا ڕه‌مه‌زانێ بگری و حه‌جێ بكه‌ی. پاشی گۆت: ئه‌رێ ئه‌ز به‌رێ ته‌ نه‌ده‌مه‌ ده‌رگه‌هێن خێر و باشییێ: ڕۆژی په‌رجان و پارێزه‌ره‌، خێر و صه‌ده‌قه‌كرن ژی گونه‌هێ پویچ دكه‌ت و دڤەمرینیت هه‌روه‌كی چاوا ئاڤ ئاگری دڤەمرینیت، نڤێژا مرۆڤی ل نیڤا شه‌ڤێ ژی ژ ده‌رگه‌هێن خێرێیه‌))، پاشی ئه‌ڤ ئایه‌ته‌ خواند: ﱡتَتَجَافَىٰ جُنُوبُهُمۡ عَنِ ٱلۡمَضَاجِعِ يَدۡعُونَ رَبَّهُمۡﱠ هه‌تا گه‌هشتییه‌: ﱡيَعۡمَلُونَﱠ، ئانكو: ((ته‌نشتێن ڤان يێن باوه‌رییێ ب ئايه‌تێن خودێ دئينن ژ نڤينان بلند دبن، ب شه‌ڤێ ڕادبن نڤێژان بۆ خودايێ خۆ دكه‌ن)). پاشی گۆت: ((ئه‌رێ ئه‌ز بۆ ته‌ نه‌بێژم كا سه‌رێ كاری هه‌مییێ و ستوینا وی و بلندترین پله‌یا وێ ژی كیژكه‌؟))، من گۆتێ: به‌لێ ئه‌ی پێغه‌مبه‌رێ خودێ، گۆت: ((سه‌رێ كاری ئیسلامه‌، ستوینا وی نڤێژه‌، بلندترین پله‌یا وێ ژی جیهاده‌))، پاشی گۆت: ((ئه‌رێ ما ئه‌ز بۆ ته‌ وی تشتی ژی نه‌بێژم یێ ئه‌ڤ تشته‌ هه‌می پێ ته‌مام دبن؟))، من گۆتێ: به‌لێ ئه‌ی پێغه‌مبه‌رێ خودێ، گۆت: ((ئه‌زمانێ خۆ گرت، و گۆت: ئاها ڤی بگره‌))، من گۆتێ: ئه‌ی پێغه‌مبه‌رێ خودێ، ئه‌رێ ما دێ سه‌را وی تشتێ ئه‌م ب ئه‌زمانێ خۆ دبێژین لێپرسین د گه‌ل مه‌ هێته‌ كرن؟ گۆت: ((دایكا ته‌ ب ته‌ بێژیت موعاز، ئه‌رێ ما تشته‌كێ دی هه‌یه خه‌لكی ل سه‌ر ڕویێ وان - یان ل سه‌ر دفنا وان بخشینیته‌ د ناڤ ئاگرێ جه‌هنه‌مێدا ژ بلی وان تشتێن ژ ئه‌زمانێ وان ده‌ردكه‌ڤن!)).