Encyclopedia of Prophetic Hadiths

زه‌لامه‌ك هاته‌ ده‌ڤ پێغه‌مبه‌ری (صه‌لات و سه‌لامێن خودێ ل سه‌ر بن) و گۆت: ئه‌ی پێغه‌مبه‌رێ خودێ؛ ئێك ژ مه‌ هه‌ست ب تشته‌كی دكه‌ت د دل و ده‌روونێ خۆدا - تشته‌ك دهێته‌ سه‌ر دل و ده‌روونێ وی -، ئه‌گه‌ر ئه‌و خۆلی بیت ل ده‌ڤ خۆ خۆشتڤیتره‌ ژ هندێ وی تشتی ب ده‌ڤێ خۆ بێژیت، ئینا پێغه‌مبه‌ری (صه‌لات و سه‌لامێن خودێ ل سه‌ر بن) گۆت: ((اللهُ أكبرُ، اللهُ أكبرُ (ئانكو خودێ مه‌زنترینه‌)، سوپاسی بۆ وی خودایی بن یێ پیلانا وی (شه‌یتانی) بۆ وه‌سواسێ زڤڕاندی)).

((نه‌بێژن: ئه‌وا خودێ بڤێت و فلان كه‌سی بڤێت، به‌لكی بێژن: ئه‌وا خودێ بڤێت، پاشی فلان كه‌سی بڤێت)).

زه‌لامه‌ك هاته‌ ده‌ڤ پێغه‌مبه‌ری (صه‌لات و سه‌لامێن خودێ ل سه‌ر بن) و ده‌رباره‌ی كاره‌كی د گه‌ل ئاخڤت، پاشی گۆت: ئه‌وا خودێ بڤێت و ته‌ بڤێت. ئینا پێغه‌مبه‌ری (صه‌لات و سه‌لامێن خودێ ل سه‌ر بن) گۆت: ((ئه‌رێ ته‌ ئه‌ز كرمه‌ هه‌ڤئاست و شریك بۆ خودێ؟ بێژه‌: ئه‌وا خودێ ب تنێ بڤێت)).