Skip to content
417 Hadiths

Encyclopedia of Prophetic Hadiths

Filter results

146 of 417 cards

Clear filters

Narrator

Show all narrators (62)
((ئه‌گه‌ر ئێك ژ هه‌وه‌ ده‌ستنڤێژ گرت، بلا ئاڤێ بكه‌ته‌ د دفنا خۆدا و پاشی ده‌ربێخیت، و هه‌ر كه‌سێ خۆ ب به‌ران پاقژ بكه‌ت بلا هژمارا به‌رێن خۆ بكه‌ته‌ تاك، و ده‌مێ ئێك ژ هه‌وه‌ ژ خه‌و ڕابوو؛ بلا ده‌ستێ خۆ بشۆت به‌ری بكه‌ته‌ د ئاڤا ده‌ستنڤێژێدا، چونكی ئێك ژ هه‌وه‌ نزانیت كا ب شه‌ڤ ده‌ستێ وی ل كیرێ مایه‌)). و د ڤه‌گوهاستنا موسلمیدا هاتییه‌: ((ده‌مێ ئێك ژ هه‌وه‌ ژ خه‌و ڕابوو؛ بلا ده‌ستێ خۆ نه‌كه‌ته‌ د ناڤ ئامانیدا هه‌تا سێ جاران نه‌شۆت، چونكی ئه‌و نزانیت كا ب شه‌ڤ ده‌ستێ وی ل كیرێ مایه‌)).
فه‌رمووده‌یه‌كا دروسته‌ بۆخاری و موسلم ڤه‌دگوهێزن
التصنيف الشرعيآداب النوم والاستيقاظ، الآنية، الاستنجاء وقضاء الحاجة، سنن وآداب الوضوء، صفة الوضوءموضوعات الحديثأحكام الاستنجاء والاستجمار، أحكام الوضوء
((ئه‌بول مونذیر؛ ئه‌رێ تو دزانی ئه‌و كیژ ئایه‌ته ژ په‌ڕتووكا خودێ ل ده‌ڤ ته‌‌ هه‌ی كو ژ هه‌مییان مه‌زنتره‌؟))، گۆت: من گۆتێ: خودێ و پێغه‌مبه‌رێ وی باشتر دزانن، گۆت: ((ئه‌بول مونذیر؛ ئه‌رێ تو دزانی ئه‌و كیژ ئایه‌ته ژ په‌ڕتووكا خودێ ل ده‌ڤ ته‌‌ هه‌ی كو ژ هه‌مییان مه‌زنتره‌؟))، گۆت: من گۆتێ: ﴿اللهُ لا إلَهَ إلّا هو الحَيُّ القَيُّومُ﴾ [البقرة: 255]. گۆت: ئینا ده‌ستێ خۆ ل سینگێ من دا و گۆت: ((وه‌ی ته‌ پیرۆز بیت ئه‌ڤ زانینه‌ ئه‌بول مونذیر و خودێ بۆ ته‌ به‌ره‌كه‌تێ بێخیتێ)).
فه‌رمووده‌یه‌كا دروسته‌ موسلم ڤێ فه‌رمووده‌یێ ڤه‌دگوهێزیت
التصنيف الشرعيالصحابة وفضلهم، فضل العلم، فضائل السور والآياتموضوعات الحديثالحث على طلب العلم، فضائل السور والآيات، الصحابة رضي الله عنهم
پێغه‌مبه‌ر (صه‌لات و سه‌لامێن خودێ ل سه‌ر بن) هاته‌ ژوور بۆ لایێ من و وی ده‌می من په‌رده‌یه‌ك ل سه‌ر دولابه‌كا خۆ دانا بوو و وێنه‌یێن (تشتێن خودان ڕح) ل سه‌ر بوون، ڤێجا ده‌مێ دیتی په‌رده‌ دڕاند و ڕه‌نگێ ناڤچاڤێن وی هاته‌ گوهارتن و گۆت: ((عائیشا؛ دژوارترین سزایێ مرۆڤان ل ده‌ڤ خودێ ل ڕۆژا قیامه‌تێ سزایێ وان كه‌سانه‌ یێن چاڤ ل دروستكرنا خودێ دكه‌ن (وێنه‌یان چێدكه‌ن))). عائیشایێ گۆت: ((مه‌ په‌رده‌ بڕی و مه‌ بالیفكه‌ك یان دوو بالیفك ژێ چێكرن)).
فه‌رمووده‌یه‌كا دروسته‌ بۆخاری و موسلم ڤه‌دگوهێزن
التصنيف الشرعياللباس والزينة، آداب اللباس، توحيد الربوبيةموضوعات الحديثصنع التماثيل، التصوير، الرسم باليد
پێغه‌مبه‌ر (صه‌لات و سه‌لامێن خودێ ل سه‌ر بن) كه‌سه‌كێ ئه‌زمانڕه‌ش و خه‌به‌ربێژ نه‌بوو، وی دگۆت: ((ب ڕاستی ژ باشترینێ هه‌وه‌ ئه‌و كه‌سه‌ یێ ڕه‌وشتێ وی ژ یێ هه‌می كه‌سان جوانتر بیت)).
فه‌رمووده‌یه‌كا دروسته‌ بۆخاری و موسلم ڤه‌دگوهێزن
التصنيف الشرعيالأخلاق الحميدة، الصفات الخُلُقية، الهدي النبويموضوعات الحديثحفظ اللسان، حسن الخلقمحاور التعريف بالإسلامما جاء به من الهدى، محاسن الأخلاق
زه‌لامه‌ك هاته‌ ده‌ڤ پێغه‌مبه‌ری (صه‌لات و سه‌لامێن خودێ ل سه‌ر بن) و ده‌رباره‌ی كاره‌كی د گه‌ل ئاخڤت، پاشی گۆت: ئه‌وا خودێ بڤێت و ته‌ بڤێت. ئینا پێغه‌مبه‌ری (صه‌لات و سه‌لامێن خودێ ل سه‌ر بن) گۆت: ((ئه‌رێ ته‌ ئه‌ز كرمه‌ هه‌ڤئاست و شریك بۆ خودێ؟ بێژه‌: ئه‌وا خودێ ب تنێ بڤێت)).
سه‌نه‌دا وێ یا باشه‌ رواه ابن ماجه والنسائي في الكبرى وأحمد
التصنيف الشرعيآداب الكلام والصمت، الغلو في الأنبياء، توحيد الألوهية، الشركموضوعات الحديثحفظ اللسان، أهمية التوحيد، الشرك بالله وأقسامهمحاور التعريف بالإسلامبطلان الشرك وصوره، الغلو في الأنبياء
زه‌لامه‌كی ل ده‌ڤ پێغه‌مبه‌رێ خودێ (صه‌لات و سه‌لامێن خودێ ل سه‌ر بن) ب ده‌ستێ چه‌پێ خوارن دخوار، ئینا گۆتێ: ((ب ده‌ستێ خۆ یێ ڕاستێ بخۆ))، گۆت: ئه‌ز نه‌شێم، گۆت: ((خودێ نه‌كه‌ت تو بشێی))، چ تشتان ڕێگری لێ نه‌كر ژ بلی خۆمه‌زنكرنا وی، ڤێجا پشتی هنگی نه‌شیا ده‌ستێ خۆ بۆ ده‌ڤێ خۆ بلند بكه‌ت.
فه‌رمووده‌یه‌كا دروسته‌ موسلم ڤێ فه‌رمووده‌یێ ڤه‌دگوهێزیت
التصنيف الشرعيالأخلاق الذميمة، آداب الأكل والشرب، دلائل النبوةموضوعات الحديثآداب الأكل والشرب، متابعة الرسول ﷺ، الكبر
ژ پێغه‌مبه‌ری (صه‌لات و سه‌لامێن خودێ ل سه‌ر بن) ژ وێ یا ژ خودایێ خۆ یێ مه‌زن ڤه‌دگێڕیت كو گۆتییه‌: ((عه‌بدەکی گونه‌هه‌ك كر، ئینا گۆت: خودایێ من؛ گونه‌ها من بۆ من ژێببه‌، خودایێ مه‌زن ژی گۆت: عه‌بدێ من گونه‌هه‌ك كر، پاشی زانی كو وی خودایه‌ك یێ هه‌ی و گونه‌هێ ژێدبه‌ت و مرۆڤی ژ به‌ر گونه‌هێ سزا دده‌ت. پاشی جاره‌كا دی زڤڕی و گونه‌هه‌كا دی كر، ئینا گۆت: خودایێ من؛ گونه‌ها من بۆ من ژێببه‌، خودایێ مه‌زن ژی گۆت: عه‌بدێ من گونه‌هه‌ك كر، پاشی زانی كو وی خودایه‌ك یێ هه‌ی و گونه‌هێ ژێدبه‌ت و مرۆڤی ژ به‌ر گونه‌هێ سزا دده‌ت. پاشی جاره‌كا دی زڤڕی و گونه‌هه‌ك كر، ئینا گۆت: خودایێ من؛ گونه‌ها من بۆ من ژێببه‌، خودایێ مه‌زن ژی گۆت: عه‌بدێ من گونه‌هه‌ك كر، پاشی زانی كو وی خودایه‌ك یێ هه‌ی و گونه‌هێ ژێدبه‌ت و مرۆڤی ژ به‌ر گونه‌هێ سزا دده‌ت. تشتێ ته‌ دڤێت بكه‌؛ ئه‌ز ل ته‌ بووریم و من گونه‌هێن ته‌ ژێبرن)).
فه‌رمووده‌یه‌كا دروسته‌ بۆخاری و موسلم ڤه‌دگوهێزن
التصنيف الشرعيفضل الدعاء، التوبةموضوعات الحديثالدعاء، سعة فضل الله عز وجل، التوبةمحاور التعريف بالإسلامصفات الله تعالى
هه‌ر شه‌ڤ، ده‌مێ پێغه‌مبه‌ر (صه‌لات و سه‌لامێن خودێ ل سه‌ر بن) دهاته‌ سه‌ر جهێ خۆ یێ نڤستنێ؛ دا له‌پێن ده‌ستێ خۆ گه‌هینیته‌ ئێك (وه‌كی ده‌مێ ئه‌م دوعا دكه‌ین)، پاشی دا پفكه‌ته‌ تێدا و دا ڤان سووڕه‌تان تێدا خوینیت: {قُلْ هُوَ اللهُ أَحَدٌ} و {قُلْ أَعُوذُ بِرَبِّ الْفَلَقِ} و {قُلْ أَعُوذُ بِرَبِّ النَّاسِ}، پاشی دا ده‌ستێن خۆ ب له‌شێ خۆدا ئینیت و هندی جهه‌كێ شیابا دا ڤه‌مالیت، دا ژ سه‌رێ خۆ و ناڤچاڤێن خۆ و پشكا سینگی ژ له‌شێ خۆ ده‌ستپێكه‌ت، ئه‌ڤ چه‌نده‌ ژی سێ جاران دووباره‌ دكر.
فه‌رمووده‌یه‌كا دروسته‌ بۆخاری ڤێ فه‌رمووده‌یێ ڤه‌دگوهێزیت
التصنيف الشرعيالرقية الشرعية وأحكامها، آداب النوم والاستيقاظ، فضائل السور والآياتموضوعات الحديثأذكار النوم، فضائل السور والآيات