Encyclopedia of Prophetic Hadiths

«ئه‌رێ ئه‌ز هه‌وه‌ ئاگه‌هدار نه‌كه‌م ب باشترین كریارا هه‌وه‌ و پاقژترینا وان ل ده‌ڤ شاهێ هه‌وه‌ (كو خودێیه‌) و بلندترینا وان د پله‌یێن هه‌وه‌دا، كو باشتر بیت بۆ هه‌وه‌ ژ مه‌زاختنا زێڕ و زیڤی و باشتر بیت بۆ هه‌وه‌ ژ هندێ كو هوین بگه‌هنه‌ دوژمنێ خۆ، ڤێجا هوین ل ستۆیێن وان بده‌ن و ئه‌و ل ستۆیێن هه‌وه‌ بده‌ن؟» گۆتن: به‌لێ. گۆت: «زكرێ خودایێ مه‌زن».

((هه‌ر وه‌ستییانه‌ك، نه‌خۆشییه‌ك، خه‌مه‌ك، كۆڤانه‌ك، ئازاره‌ك یان ته‌نگاڤییه‌ك بگه‌هیته‌ موسلمانی، هه‌تا ئه‌و سترییا دچیته‌ د پێیێ وی ژیڕا؛ بۆ ڤێ هه‌مییێ خودێ دێ گونه‌هێن وی ژێبه‌ت)).

عه‌ره‌به‌كێ ده‌شتێ (ئه‌عرابی) هاته‌ ده‌ڤ پێغه‌مبه‌ری (صه‌لات و سه‌لامێن خودێ ل سه‌ر بن) و گۆت: كاره‌كی نیشا من بده‌، ئه‌گه‌ر من ئه‌نجام دا؛ پێ بچمه‌ به‌حه‌شتێ؟ گۆت: ((خودێ بپه‌رێسه‌ و چ شریكان بۆ چێنه‌كه‌، نڤێژێن فه‌ڕز دروست بكه‌‌، زه‌كاتا واجب بده‌، ڕۆژییێن ڕه‌مه‌زانێ بگره‌)). گۆت: ئه‌ز ب وی كه‌مه‌ یێ نه‌فسا من د ده‌ستیدا؛ ئه‌ز تشته‌كی ل سه‌ر ڤانه‌ زێده‌ ناكه‌م. پاشی ده‌مێ ئه‌و زه‌لام چووی، پێغه‌مبه‌ری (صه‌لات و سه‌لامێن خودێ ل سه‌ر بن) گۆت: ((هه‌ر كه‌سێ بڤێت به‌رێ خۆ بده‌ته‌ زه‌لامه‌كی ژ ئه‌هلێ به‌حه‌شتێ، بلا به‌رێ خۆ بده‌ته‌ ڤی زه‌لامی)).

((هه‌ر كه‌سێ خودێ خێر و باشی بۆ بڤێت؛ دێ شاره‌زا كه‌ت د دینیدا، ئه‌ز ب تنێ دابه‌شكه‌رم و خودێیه‌ دده‌ت، ئه‌ڤ ئوممه‌ته‌ ژی دێ به‌رده‌وام ل سه‌ر فه‌رمانا خودێ ڕابیت و ئه‌وێن سه‌رپێچییا وان دكه‌ن چ زیانێ ل وان ناكه‌ت، هه‌تا فه‌رمانا خودێ دهێت)).

«بلا كه‌س ژ هه‌وه‌ ل ده‌مێ میزكرنێ ئه‌ندامێ خۆ ب ده‌ستێ ڕاستێ نه‌گریت و بلا ب ده‌ستێ ڕاستێ پیساتییا خۆ پاقژ نه‌كه‌ت و بلا د ناڤ ئامانیدا هه‌ناسێ نه‌ده‌ت».

((هه‌ر كه‌سێ به‌ڕه‌ڤانییێ ژ كه‌سایه‌تی و كه‌ڕامه‌تا برایێ خۆ بكه‌ت؛ خودێ ژی ل ڕۆژا قیامه‌تێ دێ ڕویێ وی ژ ئاگرێ جه‌هنه‌مێ پارێزیت)).

((ئه‌وا خه‌لك ڤێڕا گه‌هشتی ژ گۆتنا پێغه‌مبه‌رێن ده‌ستپێكێ (ئه‌ڤ تشته‌ ژ گۆتنا وان پێغه‌مبه‌ران یا بۆ مایه‌ڤه‌ و هنده‌كان ژ هنده‌كێن دی یا ڤه‌گێڕای)، ئه‌ڤه‌یه‌ كو ئه‌گه‌ر ته‌ شه‌رم نه‌كر؛ تشتێ ته‌ دڤێت بكه‌)).

((ئه‌و هاته‌ ده‌ڤ پێغه‌مبه‌ری (صه‌لات و سه‌لامێن خودێ ل سه‌ر بن) و گۆت: ئه‌ی پێغه‌مبه‌رێ خودێ، ب ڕاستی شه‌یتان یێ كه‌ڤتییه‌ د ناڤبه‌را من و نڤێژ و قورئان خواندنا مندا و ل به‌ر من تێكدده‌ت، ئینا پێغه‌مبه‌رێ خودێ (صه‌لات و سه‌لامێن خودێ ل سه‌ر بن) گۆت: ((ئه‌و شه‌یتانه‌كه‌ ناڤێ وی خینزه‌به‌، ئه‌گه‌ر ته‌ هه‌ست پێ كر؛ ئێكسه‌ر خۆ ب خودێ بپارێزه‌ ژ وی و سێ جاران تفكه‌‌ لایێ خۆ یێ چه‌پێ))، گۆت: من ژی ئه‌و كار كر و خودێ ئه‌و (شه‌یتانه‌) ژ من دویر ئێخست)).