Encyclopedia of Prophetic Hadiths

((مسوگه‌ر ئێك ژ نیشانێن قیامه‌تێ ئه‌ڤه‌یه‌ زانین نه‌مینیت و نه‌زانین زێده‌ بیت، زینا زێده‌ بیت، ڤه‌خوارنا عه‌ره‌قێ زێده‌ بیت، زه‌لام كێم بن و ئافره‌ت ببنه‌ گه‌له‌ك، هه‌تا وی ڕاده‌ی هه‌ر پێنجی ئافره‌ت دێ زه‌لامەك ب كارێن وان ڕابیت و سه‌رپه‌رشتییا كارێن وان كه‌ت)).

پێغه‌مبه‌ر (صه‌لات و سه‌لامێن خودێ ل سه‌ر بن) ل سه‌ر ده‌واری بوو و موعاز ل پشت وی یێ سویار بوو، ئینا گۆت: ((ئه‌ی موعازێ كوڕێ جه‌به‌لی))، گۆت: ئه‌ز یێ ل بن فه‌رمانا ته‌ ئه‌ی پێغه‌مبه‌رێ خودێ و به‌رده‌وام دێ د به‌رسڤا ته‌دا هێم و من داخوازا به‌خته‌وه‌رییێ یا كری ب به‌رسڤدانا ته‌، گۆت: ((ئه‌ی موعاز))، گۆت: ئه‌ز یێ ل بن فه‌رمانا ته‌ ئه‌ی پێغه‌مبه‌رێ خودێ و به‌رده‌وام دێ د به‌رسڤا ته‌دا هێم و من داخوازا به‌خته‌وه‌رییێ یا كری ب به‌رسڤدانا ته‌، سێ جاران ئه‌ڤه‌ گۆت، پاشی پێغه‌مبه‌ری (صه‌لات و سه‌لامێن خودێ ل سه‌ر بن) گۆت: ((هه‌ر كه‌سێ ب دروستی و ژ دل شاهده‌ بده‌ت كو ژ ئه‌لڵاهی پێڤه‌تر چ خودایێن ژ هه‌ژی په‌رستنێ نینن و كو موحه‌ممه‌د پێغه‌مبه‌رێ خودێیه‌؛ خودێ دێ وی ل سه‌ر ئاگری حه‌رام كه‌ت))، گۆت: ئه‌ی پێغه‌مبه‌رێ خودێ؛ ئه‌رێ ما ئه‌ز ڤی ده‌نگوباسی نه‌گه‌هینمه‌ خه‌لكی و دا پێ كه‌یفخۆش بن و ببیته‌ مزگینییه‌ك بۆ وان؟ گۆت: ((ئه‌گه‌ر ته‌ گۆتێ؛ دێ خۆ هێلنه‌ ب هیڤییا هندێڤه‌)). ده‌مێ مرنا موعازی نێزیك بووی؛ ئه‌ڤ تشته‌ گۆت، بۆ هندێ دا گونه‌هكار نه‌بیت.

ئانكو: ((ئێك ژ هه‌وه‌ باوه‌رییێ نائینیت، هه‌تا ئه‌وا وی بۆ خۆ دڤێت؛ بۆ برایێ خۆ ژی بڤێت)).

((ب ڕاستی خودێ ژ عه‌بدی ڕازی دبیت ده‌مێ تشته‌كی دخۆت و سوپاسییا خودێ دكه‌ت ل سه‌ر وی تشتی یان تشته‌كی ڤه‌دخۆت و سوپاسییا خودێ دكه‌ت ل سه‌ر وی تشتی)).

((كاروباران ب ساناهی بێخن و ب زه‌حمه‌ت نه‌ئێخن، مزگینییێ بده‌ن و خه‌لكی نه‌ڕه‌ڤینن)).

ئه‌م ل ده‌ڤ عومه‌ری بووین، ئینا گۆت: ((ئه‌م یێن هاتینه‌ پاشڤه‌برن كو بارێ خۆ گران بكه‌ین)).

پێغه‌مبه‌ری (صه‌لات و سه‌لامێن خودێ ل سه‌ر بن) بێهنخۆشی ڕه‌د نه‌دكر.

زه‌لامه‌ك هاته‌ ده‌ڤ پێغه‌مبه‌ری (صه‌لات و سه‌لامێن خودێ ل سه‌ر بن) و گۆت: ئه‌ی پێغه‌مبه‌رێ خودێ؛ نینه‌ گونه‌هه‌كا مه‌زن و گونه‌هه‌كا بچویك هه‌بیت، من هه‌می یێن كرین و ئه‌نجامداین، گۆت: ((ئه‌رێ ما تو شاهده‌ ناده‌ی كو ژ ئه‌لڵاهی پێڤه‌تر چ خودایێن ژ هه‌ژی په‌رستنێ نینن و كو موحه‌ممه‌د عه‌بدێ خودێ و پێغه‌مبه‌رێ وییه‌ (أَشْهَدُ أَنْ لَا إِلَهَ إِلَّا اللهُ وَأَشْهَدُ أَنَّ مُحَمَّدًا عَبْدُهُ وَرَسُولُهُ)؟))، سێ جاران ئه‌ڤه‌ گۆت. وی زه‌لامی گۆت: به‌لێ، گۆت: ((ئه‌ڤ (شاهده‌دانه‌) دهێته‌ سه‌ر ڤان (گونه‌هان و ژێدبه‌ن و ناهێلن)).