Skip to content
417 Hadiths

Encyclopedia of Prophetic Hadiths

Filter results

89 of 417 cards

Clear filters
((هه‌ر گه‌ھ و هه‌ستیكه‌ك ژ مرۆڤی خێره‌ك ل سه‌ر هه‌یه‌، ئه‌گه‌ر هه‌ر ڕۆژه‌كا ڕۆژ تێدا دهه‌لێت تو دوو كه‌سان تێدا پێكبینی؛ خێره‌. تو هاریكارییا زه‌لامی بكه‌ی د ده‌وارا ویدا، ڤێجا تو وی ل ده‌وارا وی سویار بكه‌ی یان بارێ وی هه‌لده‌یه‌ سه‌ر؛ خێره‌. گۆتنا باش خێره‌ و هه‌ر پێنگاڤه‌كا تو بۆ نڤێژێ بهاڤێژی؛ خێره‌ و تو وی تشتێ نه‌خۆشییێ بۆ خه‌لكی دروست دكه‌ت ل سه‌ر ڕێكێ لاده‌ی؛ خێره‌)).
فه‌رمووده‌یه‌كا دروسته‌ بۆخاری و موسلم ڤه‌دگوهێزن
التصنيف الشرعيفضائل الأعمال الصالحة، فضائل أعمال الجوارح، خصائص الإسلام وفضله ومحاسنه، صدقة التطوعموضوعات الحديثحفظ اللسان، الإحسان إلى الخلق، قضاء حوائج المسلمين، الاصلاح بين الناس، إماطة الأذى عن الطريق، التعاون على البر والتقوى، صدقة التطوع، صلاة الجماعةمحاور التعريف بالإسلاممحاسن الأخلاق
زه‌لامه‌كی پرسیار ژ پێغه‌مبه‌ری (صه‌لات و سه‌لامێن خودێ ل سه‌ر بن) كر: كیژ كریارا ئیسلامێ باشتره‌؟ گۆت: ((تو خوارنێ بده‌ی و سلاڤ كه‌یه‌ وی كه‌سێ تو دنیاسی و یێ تو نەنیاسی)).
فه‌رمووده‌یه‌كا دروسته‌ بۆخاری و موسلم ڤه‌دگوهێزن
التصنيف الشرعيفضائل الأعمال الصالحة، آداب السلام والاستئذان، صدقة التطوع، الإسلامموضوعات الحديثالإحسان إلى الخلق، السلام، صدقة التطوعمحاور التعريف بالإسلاممحاسن الأخلاق
((پێدڤییه‌ ل سه‌ر هه‌ر موسلمانه‌كی كو د هه‌ر حه‌فت ڕۆژاندا ڕۆژه‌كێ خۆ بشۆت، و د وێ ڕۆژێدا سه‌رێ خۆ و له‌شێ خۆ هه‌مییێ بشۆت)).
فه‌رمووده‌یه‌كا دروسته‌ بۆخاری و موسلم ڤه‌دگوهێزن
التصنيف الشرعيأحكام الغسل، سنن وآداب الغسل، فضل يوم وصلاة الجمعةموضوعات الحديثأحكام الغسل، صلاة الجمعة
((خودێ گۆت: ئه‌ی كوڕێ ئاده‌می؛ مالێ خۆ (د ڕێكا مندا) بمه‌زێخه‌، ئه‌ز ژی دێ (مال و سامانی) ده‌مه‌ ته‌)).
فه‌رمووده‌یه‌كا دروسته‌ بۆخاری و موسلم ڤه‌دگوهێزن
التصنيف الشرعيصدقة التطوعموضوعات الحديثسعة فضل الله عز وجل، صدقة التطوع، التوكل
«هه‌ر كه‌سێ هه‌ردوو نڤێژێن هوین (به‌رده‌ین) بكه‌ت، دێ چیته‌ به‌حه‌شتێ».
فه‌رمووده‌یه‌كا دروسته‌ بۆخاری و موسلم ڤه‌دگوهێزن
التصنيف الشرعيوجوب الصلاة وفضلها وحكم تاركهاموضوعات الحديثمكانة الصلاة وفضلها
((فه‌رمان ل من هاتییه‌ كرن كو سوجدێ ل سه‌ر حه‌فت هه‌ستییان ببه‌م: ل سه‌ر ئه‌نییێ -و ب ده‌ستێ خۆ ئاماژه‌ كره‌ دفنا خۆ-، هه‌ردوو ده‌ستان، هه‌ردوو چۆكان و سه‌رێ تبلێن پێیان و كو جلك و پرچا خۆ كۆم نه‌كه‌م)).
فه‌رمووده‌یه‌كا دروسته‌ بۆخاری و موسلم ڤه‌دگوهێزن
التصنيف الشرعيمكروهات الصلاة، واجبات الصلاة، صفة الصلاة، أخطاء المصلينموضوعات الحديثصفة الصلاة، مكروهات الصلاة
هنده‌ك زه‌لام هاتنه‌ ده‌ڤ سه‌هلێ كوڕێ سه‌عدێ ساعدی و ناكوكی و دووبه‌ره‌كی كه‌ڤتبوو د ناڤبه‌را واندا ل سه‌ر وێ ئێكێ كا ئه‌رێ مینبه‌را (پێغه‌مبه‌ری) ژ كیژ داری بوو، ڤێجا وان پرسیار ژێ كر، وی ژی گۆت: سویند ب خودێ ئه‌ز دزانم كا ئه‌و ژ چییه‌ و من ئه‌و ل ڕۆژا ئێكێ یا هاتییه‌ دانان دیت و ل وێ ڕۆژا پێغه‌مبه‌رێ خودێ (صه‌لات و سه‌لامێن خودێ ل سه‌ر بن) ل سه‌ر ڕوینشتی، پێغه‌مبه‌رێ خودێ (صه‌لات و سه‌لامێن خودێ ل سه‌ر بن) كه‌سه‌ك فرێكره‌ ده‌ڤ فلان ژنێ - ژنه‌كا ئه‌نصاڕی بوو سه‌هلی ناڤێ وێ گۆت - و گۆتێ: ((فه‌رمانێ ل خولامێ خۆ یێ دارتاش بكه‌ كو هنده‌ك پارچه‌ داران (مینبه‌ره‌كێ) بۆ من چێكه‌ت دا ده‌مێ ئه‌ز بۆ خه‌لكی دئاخڤم ل سه‌ر ڕوینمه‌ خوار))، وێ ژنێ ژی فه‌رمان لێ كر و وی ژی ژ دارا (طرفاء الغابة) - جهه‌كه‌ ل نێزیك مه‌دینێ بۆ لایێ شامێ - بۆ چێكر، پاشی مینبه‌ر ئینا و وێ ژنێ ژی بۆ پێغه‌مبه‌رێ خودێ (صه‌لات و سه‌لامێن خودێ ل سه‌ر بن) فرێكر، وی ژی فه‌رمان كر و ل ڤێره‌ هاته‌ دانان، پاشی من دیت پێغه‌مبه‌رێ خودێ (صه‌لات و سه‌لامێن خودێ ل سه‌ر بن) نڤێژ ل سه‌ر كر و (الله أكبر) گۆت و هێشتا ئه‌و یێ ل سه‌ر، پاشی چوو ڕكوعێ و هێشتا یێ ل سه‌ر، پاشی پاشڤه‌ هات و ل بنێ مینبه‌رێ چوو سوجدێ، پاشی زڤڕیڤه‌، ده‌مێ ب دویماهیك هاتی؛ به‌ره‌ڤ خه‌لكی زڤڕی و گۆت: ((گه‌لی خه‌لكی؛ من ئه‌ڤ چه‌نده‌ كر، ب تنێ بۆ هندێ دا‌ هوین دویڤچوونا من بكه‌ن و فێری نڤێژا من ببن)).
فه‌رمووده‌یه‌كا دروسته‌ بۆخاری و موسلم ڤه‌دگوهێزن
التصنيف الشرعيصفة الصلاة، أحكام الإمام والمأموم، أحكام المساجدموضوعات الحديثأحكام المساجد غير الحرمين، أحكام المسجد النبوي، صفة الصلاة
حومڕانێ مه‌ولایێ (عه‌بدێ ئازاكری یێ) عوسمانێ كوڕێ عه‌ففانی دبێژیت كو: وی عوسمانێ كوڕێ عه‌ففانی دیت داخواز كر هنده‌ك ئاڤ بۆ بهێته‌ ئینان دا ده‌ستنڤێژا خۆ پێ بگریت، ڤێجا ژ وی ئامانێ ئاڤ تێدا هنده‌ك ئاڤ كره‌ سه‌ر ده‌ستێن خۆ، پاشی سێ جاران ده‌ستێن خۆ شویشتن، پاشی ده‌ستێ خۆ یێ ڕاستێ كره‌ د ناڤ ئاڤێدا، پاشی ئاڤ د ده‌ڤێ خۆ وه‌ردا و كره‌ د دفنا خۆدا و هه‌لكێشا، پاشی سێ جاران سه‌روچاڤێن خۆ شويشتن ، و هه‌ردوو ده‌ستێن خۆ هه‌تا ئه‌نیشكان شویشتن، پاشی سه‌رێ خۆ مه‌سح كر، پاشی هه‌ر پێیه‌كێ خۆ سێ جاران شویشت، پاشی گۆت: من پێغه‌مبه‌ر (صه‌لات و سه‌لامێن خودێ ل سه‌ر بن) دیت وه‌كی ڤێ ده‌ستنڤێژا من نوكه‌ گرتی ده‌ستنڤێژ دگرت، و پێغه‌مبه‌ری (صه‌لات و سه‌لامێن خودێ ل سه‌ر بن) گۆت: ((هه‌ر كه‌سێ ده‌ستنڤێژه‌كا وه‌كی ڤێ ده‌ستنڤێژا من بگریت، پاشی دوو ڕكاعه‌تێن نڤێژێ بكه‌ت، وه‌سا كو خوشوع تێدا هه‌بیت و دلێ وی یێ ئاماده‌ بیت؛ هنگی خودێ دێ گونه‌هێن وی یێن بووری بۆ وی ژێبه‌ت)).
فه‌رمووده‌یه‌كا دروسته‌ بۆخاری و موسلم ڤه‌دگوهێزن
التصنيف الشرعيفضل الوضوء، صفة الوضوءموضوعات الحديثأحكام الوضوء، صلاة التطوع