Encyclopedia of Prophetic Hadiths

((چ نڤێژ بۆ وی كه‌سی نینن‌ یێ سووڕه‌ت فاتیحه‌ تێدا نه‌خوینیت)).

((ئيسلام ل سه‌ر پێنج ستوینان هاتییه‌ ئاڤاكرن: شاهده‌دان كو ژ ئه‌لڵاهی پێڤه‌تر چ خودایێن ژ هه‌ژی په‌رستنێ نینن و موحه‌ممه‌د پێغه‌مبه‌رێ خودێیه‌، كرنا نڤێژێ، دانا زه‌كاتێ، چوونا حه‌جێ و گرتنا ڕۆژییێن هه‌یڤا ڕه‌مه‌زانێ)).

پێغه‌مبه‌رێ خودێ (صه‌لات و سه‌لامێن خودێ ل سه‌ر بن) گۆته‌ ژنه‌كا ئه‌نصاری - ئبن عه‌بباسی ناڤێ وێ ئینا بوو، به‌لێ من یێ ژبیركری‌-: «چ تشت بوویه‌ ئه‌گه‌ر كو تو د گه‌ل مه‌ نه‌هێیه‌ حه‌جێ؟» وێ ژنێ گۆت: مه‌ ب تنێ دوو حێشترێن ئاڤكێشانێ هه‌بوون، بابێ زارۆكێ من (زه‌لامێ من) و كوڕێ من ل سه‌ر ئێكێ ژ وان چوونه‌ حه‌جێ، و ئێك ژی بۆ مه‌ هێلا دا ئاڤێ پێ بكێشین، (ئینا پێغه‌مبه‌ری) گۆت: «ئه‌گه‌ر ڕه‌مه‌زان هات؛ عومرێ بكه‌، چونكی عومره‌ك د ڕه‌مه‌زانێدا به‌رامبه‌ری حه‌جه‌كێیه‌».

((هه‌ر تشته‌كێ مرۆڤ پێ سه‌رخۆش بیت؛ عه‌ره‌قه‌ و هه‌ر تشته‌كێ سه‌رخۆشكه‌ر بیت یێ حه‌رامه‌، و هه‌ر كه‌سێ بمریت و د دونیایێدا ئه‌وی عه‌ره‌ق ڤه‌دخوار و بووبوو مودمنێ عه‌ره‌قێ (به‌رده‌وام ڤه‌دخوار)و ژێ ته‌وبه‌ نه‌كر؛ ئه‌و ل ئاخره‌تێ ڤه‌ناخۆت )).

((هندى د ناڤبه‌را مرۆڤى و شرك و كوفرێدايە؛ هێلانا نڤێژێیه‌)).

((خودایێ من؛ تو قه‌برێ من نه‌كه‌ په‌یكه‌ره‌ك عیباده‌ت بۆ بهێته‌ كرن، خودێ نه‌فره‌ت یێن ل وان كه‌سان كرین یێن قه‌برێن پێغه‌مبه‌رێن خۆ كرینه‌ مزگه‌فت)).

پێغه‌مبه‌ر (صه‌لات و سه‌لامێن خودێ ل سه‌ر بن) ده‌مێ چووبا تاره‌تێ دگۆت: ((خودایێ من؛ ئه‌ز خۆ ب ته‌ دپارێزم ژ شه‌یتانێن نێر و مێ)).

کو زەلامەکی پرسیار ژ پێغەمبەرێ خودێ (صەلات و سەلامێن خودێ ل سەر بن) کر و گۆت: تو چ دبێژی ئەگەر من نڤێژێن فەڕز کرن و ڕۆژییێن ڕەمەزانێ گرتن، حەلال حەلال کر و حەرام حەرام کر و من چ تشت ل سەر ڤانه‌ زێدە نەكرن، ئەرێ دێ چمە بەحشتێ؟ گۆت: ((بەلێ)).