Encyclopedia of Prophetic Hadiths

((ئەگەر ب تنێ ژ به‌ر گۆتن و داخوازكرنا خه‌لكی تشت ب وان هاتبا دان؛ دا هنده‌ك مرۆڤ داخوازا خوین و مالێ خه‌لكی كه‌ن، به‌لێ (ل ده‌مێ هه‌بوونا ئاریشه‌یان) به‌لگه‌ئینان ل سه‌ر سكالاكه‌رییه‌ و سویندخوارن ل سه‌ر وی كه‌سییه‌ یێ ڤێ تومەتێ ل سه‌ر خۆ ڕه‌د دكه‌ت)).

پێغه‌مبه‌رێ خودێ (صه‌لات و سه‌لامێن خودێ ل سه‌ر بن) گۆته‌ ژنه‌كا ئه‌نصاری - ئبن عه‌بباسی ناڤێ وێ ئینا بوو، به‌لێ من یێ ژبیركری‌-: «چ تشت بوویه‌ ئه‌گه‌ر كو تو د گه‌ل مه‌ نه‌هێیه‌ حه‌جێ؟» وێ ژنێ گۆت: مه‌ ب تنێ دوو حێشترێن ئاڤكێشانێ هه‌بوون، بابێ زارۆكێ من (زه‌لامێ من) و كوڕێ من ل سه‌ر ئێكێ ژ وان چوونه‌ حه‌جێ، و ئێك ژی بۆ مه‌ هێلا دا ئاڤێ پێ بكێشین، (ئینا پێغه‌مبه‌ری) گۆت: «ئه‌گه‌ر ڕه‌مه‌زان هات؛ عومرێ بكه‌، چونكی عومره‌ك د ڕه‌مه‌زانێدا به‌رامبه‌ری حه‌جه‌كێیه‌».

((چ ڕۆژ نینن كریارێن باش تێدا خۆشتڤیتر بن ل ده‌ڤ خودێ ژ ڤان ڕۆژان))، ئانكو: ده‌هكێن حاجییان، گۆتن: ئه‌ی پێغه‌مبه‌رێ خودێ، خۆ جیهادا د ڕێكا خودێ ژیدا؟ گۆت: ((خۆ جیهادا د ڕێكا خودێ ژیدا، ب تنێ ئه‌و نه‌بیت زه‌لامه‌ك ب نه‌فسا خۆ و مالێ خۆ ده‌ركه‌ڤیت و خۆ تشته‌ك ژ وان نه‌زڤڕیته‌ڤه‌)).

((ئەگەر ب تنێ ژ به‌ر گۆتن و داخوازكرنا خه‌لكی تشت ب وان هاتبا دان؛ دا هنده‌ك مرۆڤ داخوازا خوین و مالێ خه‌لكی كه‌ن، به‌لێ (ل ده‌مێ هه‌بوونا ئاریشه‌یان) به‌ڵگه‌ئینان ل سه‌ر سكالاكه‌رییه‌ و سویندخوارن ل سه‌ر وی كه‌سییه‌ یێ ڤێ تۆمه‌تێ ل سه‌ر خۆ ڕه‌د دكه‌ت)).

((فه‌رمان ل من هاتییه‌ كرن كو سوجدێ ل سه‌ر حه‌فت هه‌ستییان ببه‌م: ل سه‌ر ئه‌نییێ -و ب ده‌ستێ خۆ ئاماژه‌ كره‌ دفنا خۆ-، هه‌ردوو ده‌ستان، هه‌ردوو چۆكان و سه‌رێ تبلێن پێیان و كو جلك و پرچا خۆ كۆم نه‌كه‌م)).

پێغه‌مبه‌ری (صه‌لات و سه‌لامێن خودێ ل سه‌ر بن) د ناڤبه‌را هه‌ردوو سوجده‌یاندا دگۆت: ((خودایێ من؛ تو گونه‌هێن من ژێببه‌ و دلۆڤانییێ ب من ببه‌ و سلامه‌تی و ڕاسته‌ڕێبوون و ڕزقی بده‌ من)).