Encyclopedia of Prophetic Hadiths

((هندی دونیایه‌ یا شرین و ب كه‌سكاتییە‌، و خودێ هوین د ناڤدا یێن كرینه‌ جێگرێن ئێكدوو، دا ببینیت كا هوین دێ چ كار كه‌ن، ڤێجا خۆ ژ دونیایێ بپارێزن و خۆ ژ ژنان بپارێزن، چونكی ئێكه‌م فتنه‌یا به‌نو ئیسرائیلی تێدا كه‌فتین یا ژنان بوو)).

من ئاڤ بۆ پێغه‌مبه‌ری (صه‌لات و سه‌لامێن خودێ ل سه‌ر بن) ئاماده‌ كر دا سه‌رێ خۆ پێ بشۆت و من ب ڕێكا پارچه‌ قۆماشه‌كی په‌رده‌ بۆ گرت، ئینا ئاڤ ل ده‌ستێن خۆ كر و ئه‌و شویشتن، پاشی ب ده‌ستێ ڕاستێ ئاڤ ب سه‌ر یێ چه‌پێدا كر و عه‌وره‌تێ خۆ شویشت، پاشی ده‌ستێ خۆ ل ئه‌ردی دا و پاشی پاقژ كر (مه‌سحكر)، پاشی شویشت، پاشی ئاڤ د ده‌ڤ و دفنا خۆ وه‌ردا و سه‌روچاڤ و هه‌ردوو زه‌ندكێن خۆ شویشتن، پاشی ئاڤ ب سه‌ر سه‌رێ خۆدا كر و ب سه‌ر هه‌می له‌شێ خۆدا ئینا، پاشی ژ جهێ خۆ چوو و هه‌ردوو پێیێن خۆ شویشتن، من ژی پارچه‌كا قۆماشی داڤێ دا خۆ پێ پاقژ بكه‌ت به‌لێ وه‌رنه‌گرت، ڤێجا چوو و ده‌ستپێكر ب ده‌ستێن خۆ ئاڤ ل سه‌ر له‌شێ خۆ ڕاكر و خۆ هشك كر.

((زه‌لامه‌كی ده‌ستنڤێژ گرت و هندی نینۆكه‌كێ ژ پێیێ خۆ هێلا (ئاڤ نه‌گه‌هشتبوویێ)، پێغه‌مبه‌ری ژی (صه‌لات و سه‌لامێن خودێ ل سه‌ر بن) دیت و گۆتێ: ((بزڤڕه‌ڤه‌ و ده‌ستنڤێژا خۆ ب جوانی بگره‌))، ئه‌و ژی زڤڕی و پاشی نڤێژا خۆ كر)).

((ئه‌گه‌ر ل ڕۆژا ئه‌ینییێ ل ده‌مێ گۆتارخوین گۆتارێ دخوینیت ته‌ گۆته‌ هه‌ڤالێ خۆ: بێده‌نگ به‌؛ ئه‌ڤه‌ ته‌ گۆتنه‌كا بێمفا و به‌تال كر)).

((چ خێر و صه‌ده‌قه‌كرن مالی كێم ناكه‌ن، عه‌بد ب لێبوورینا ل خه‌لكی مه‌زنتر و ب قه‌درتر لێ دهێت و هه‌ر گاڤا كه‌سه‌ك ژ به‌ر خودێ خۆ بشكێنيت؛ خودێ دێ وی كه‌سی بلند كه‌ت)).

ئۆم سه‌له‌مه‌یێ بۆ پێغه‌مبه‌رێ خودێ (صه‌لات و سه‌لامێن خودێ ل سه‌ر بن) به‌حسێ كەنیسەیەکێ كر كو وێ یا ل ئه‌ردێ حه‌به‌شه‌ دیتی، دگۆتنێ (ماریا)، ڤێجا به‌حسێ وان وێنەیێن وێ تێدا دیتین بۆ وی كر، ئینا پێغه‌مبه‌رێ خودێ (صه‌لات و سه‌لامێن خودێ ل سه‌ر بن) گۆت: ((‌ ئه‌و ملله‌ته‌كه‌ ئه‌گه‌ر عه‌بده‌كێ باش یان زه‌لامه‌كێ باش د ناڤ واندا مربا؛ دا مزگه‌فته‌كێ ل سه‌ر گۆڕێ وی ئاڤا كه‌ن و دا ئه‌وان وێنه‌یان تێدا چێكه‌ن، ب ڕاستی ئه‌و‌ خرابترین چێكرینه‌ ل ده‌ڤ خودێ)).

((سمبێلان باش كورت بكه‌ن و ڕیهان بهێلن)).

((دونیا خۆشییه‌كا به‌روه‌خته‌، و باشترین خۆشییا دونیایێ ژی؛ هه‌ڤژینه‌كا باشه‌)).