Encyclopedia of Prophetic Hadiths

((دێ هنده‌ك سه‌رۆك و ڕێبه‌ر په‌یدا بن كو مال و تشتێن دونیایێ بۆ خۆ دبه‌ن و دێ هنده‌ك كاران ئه‌نجام ده‌ن كو هوین ب خراب دبینن و پێ د ڕازی نینن))، گۆتن: ئه‌ی پێغه‌مبه‌رێ خودێ؛ تو فه‌رمانێ ب چ ل مه‌ دكه‌ی؟ گۆت: ((هوین وی حه‌قێ ل سه‌ر ملێن هه‌وه‌ هه‌ی ئه‌نجام بده‌ن، و داخوازا وی حه‌قێ هه‌وه‌ ل ده‌ڤ وان هه‌ی ژ خودێ بكه‌ن)).

((هه‌ر كه‌سێ ژ بن گوهدارییا (سه‌ركرده‌ی) ده‌ركه‌ڤیت، و ژ كۆمه‌لا (موسلمانان) جودا ببیت و پاشی بمریت، ئه‌و ب مرنا سه‌رده‌مێ جاهلییه‌تێ مرییه‌، و هه‌ر كه‌سێ ل بن ئالایه‌كێ نه‌دیار شه‌ڕی بكه‌ت، و ژ به‌ر ده‌مارگیرییا هۆز و عه‌شیره‌تێ و ڕه‌گه‌زێ خۆ توڕه‌ ببیت، یان گازی بۆ هندێ بكه‌ت، یان هاریكارییا كه‌سۆكارێن خۆ بكه‌ت (ل سه‌ر نه‌حه‌قییێ) و پاشی بهێته‌ كوشتن، ئه‌و كوشتنه‌كا جاهلییه‌تێیه‌، و هه‌ر كه‌سێ ل دژی ئوممه‌تا من ده‌ركه‌ڤیت و ل باش و خرابێن وێ بده‌ت، و ده‌ستان ژ كوشتنا ئیمانداران نه‌كێشیت و وه‌فادار نه‌بیت بۆ وی كه‌سێ په‌یمان د گه‌ل هه‌ی، ئه‌و نه‌ ژ منه‌ و ئه‌ز ژی نه‌ ژ وی مه‌))