Skip to content
417 Hadiths

Encyclopedia of Prophetic Hadiths

Filter results

18 of 417 cards

Clear filters
((ده‌مێ خودێ به‌حه‌شت و جه‌هنه‌م ئافراندین، جبریل (سلاڤ لێ بن) فڕێكره‌ به‌حه‌شتێ و گۆتێ: هه‌ڕه‌ به‌رێ خۆ بده‌ وێ و به‌رێ خۆ بده‌ وی تشتێ من د وێدا بۆ خه‌لكێ وێ ئاماده‌ كری. ئه‌و ژی چوو به‌رێ خۆ دایێ و پاشی زڤڕی و گۆت: ئه‌ز ب مه‌زناهییا ته‌ كه‌م؛ هه‌ر كه‌سێ گوھ ل سالوخه‌تێن وێ بیت؛ دێ وه‌كه‌ت كو ب چیته‌ تێدا، ئینا خودێ فه‌رمان كر و پاشی به‌حه‌شت ب نه‌خۆشی و ئاسته‌نگان هاته‌ دۆرپێچكرن، پاشی گۆتێ: جاره‌كا دی هه‌ڕه‌ به‌رێ خۆ بده‌ وێ و به‌رێ خۆ بده‌ وی تشتێ من د وێدا بۆ خه‌لكێ وێ ئاماده‌ كری، ئه‌و ژی چوو به‌رێ خۆ دایێ و دیت ئه‌و یا ب نه‌خۆشی و ئاسته‌نگان هاتییه‌ دۆرپێچكرن، ئینا گۆت: ئه‌ز ب مه‌زناهییا ته‌ كه‌م؛ ئه‌ز ترسیام كه‌س نه‌چیته‌ تێدا. گۆت: هه‌ڕه‌ به‌رێ خۆ بده‌ جه‌هنه‌مێ و به‌رێ خۆ بده‌ وی تشتێ من د وێدا بۆ خه‌لكێ وێ ئاماده‌ كری. ئه‌و ژی چوو به‌رێ خۆ دایێ و دیت هنده‌ك ژ وێ یا چوویه‌ سه‌ر هنده‌كا دی، ئینا زڤڕی و گۆت: ئه‌ز ب مه‌زناهییا ته‌ كه‌م؛ كه‌س ناچیته‌ تێدا، ئینا خودێ فه‌رمان كر و پاشی جه‌هنه‌م ب خۆشی و حه‌ز و شه‌هوه‌تان هاته‌ دۆرپێچكرن، پاشی گۆتێ: جاره‌كا دی هه‌ڕه‌ به‌رێ خۆ بده‌ وێ، ئه‌و ژی چوو به‌رێ خۆ دایێ و دیت ئه‌و یا ب خۆشی و حه‌ز و شه‌هوه‌تان هاتییه‌ دۆرپێچكرن، ئینا زڤڕی و گۆت: ئه‌ز ب مه‌زناهییا ته‌ كه‌م؛ ئه‌ز ترسیام كه‌س ژێ ڕزگار نه‌بیت و هه‌می بچنه‌ تێدا)).
فه‌رمووده‌یه‌كا باشه‌ ئه‌بو داوود و تیرمیزی و نه‌سائی ڤێ فه‌رمووده‌یێ ڤه‌دگوهێزن
التصنيف الشرعيذَمُّ الهوى والشَّهوات، صفات الجنة والنار، الحياة الآخرةموضوعات الحديثالصبر، الإيمان باليوم الآخرمحاور التعريف بالإسلامالجنة، النار
ئانكو: ((ب ڕاستی ڕوقیه‌ (الرُّقَى) و نڤشتی (التَّمَائِمَ) و تیوه‌له‌ (التِّوَلَةَ) شركن)).
فه‌رمووده‌یه‌كا دروسته‌ ئه‌بو داوود و ئبن ماجه و ئه‌حمه‌د ڤێ فه‌رمووده‌یێ ڤه‌دگوهێزن
التصنيف الشرعيالرقية الشرعية وأحكامها، الشركموضوعات الحديثأهمية التوحيد، الشرك بالله وأقسامه، السحر
پێغەمبەرێ خودێ (صەلات و سەلامێن خودێ ل سەر بن) وه‌عزه‌ك ل مه‌ كر كو دل ژ به‌ر ترسیان و چاڤ ژ به‌ر گریان. ڤێجا مە گۆت: ئه‌ی پێغەمبەرێ خودێ؛ هه‌ر وه‌كی دێ بێژی ئه‌ڤه‌ شیره‌تا وی كه‌سییه‌ یێ خاترا خۆ دخوازیت، ڤێجا شیره‌تێ ل مە بکە. گۆت: ((ئەز شیره‌تێ ب ته‌قوا خودێ ل هه‌وە دکەم و ب گوهداریکرن و بجهئینانا فەرمانا مه‌زن و ده‌ستهه‌لاتدارێ موسلمان، خۆ ئەگەر عەبدەکی فەرمان ل سەر وە کر و بوو مه‌زنێ هه‌وه‌. چونکی ب ڕاستی هەر کەسێ ژ هەوە پشتی من بژیت؛ دێ گه‌له‌ك ڤێكنه‌كرن و جوداهییێ بینیت. ڤێجا هه‌وه‌ ئه‌مانه‌ت سوننەتا من و سوننەتا خەلیفەیێن من یێن سه‌رڕاست، وێ ب ددانێن خۆ یێن پشتێ بگرن و پدییێن خۆ ل سه‌ر بشدینن و هشیاری كارێن داهێنایی (بیدعه‌یان) بن د دینیدا، چونكی ب ڕاستی هەر بیدعەیەکا هه‌بیت سه‌رداچوون و به‌رزه‌بوونه‌)).
فه‌رمووده‌یه‌كا دروسته‌ ئه‌بو داوود و تیرمیزی و ئبن ماجه و ئیمام ئه‌حمه‌د ڤێ فه‌رمووده‌یێ ڤه‌دگوهێزن
التصنيف الشرعيالصحابة وفضلهم، حق الإمام على الرعية، حقيقة البدعة، أهمية السنة ومكانتها، الخلافة الراشدة وسير الصحابةموضوعات الحديثأحكام الإمامة، البدعة، متابعة الرسول ﷺ، التقوى
هه‌ر تشته‌كێ من ژ پێغه‌مبه‌رێ خودێ (صه‌لات و سه‌لامێن خودێ ل سه‌ر بن) گوهـ لێ ببا دا نڤێسم دا كو ژبه‌ر بكه‌م، ڤێجا قوڕه‌یشییان ئه‌ز ژ ڤێ چه‌ندێ پاشڤه‌برم و گۆتن: ئه‌رێ تو هه‌ر تشته‌كێ ژ پێغه‌مبه‌رێ خودێ (صه‌لات و سه‌لامێن خودێ ل سه‌ر بن) گوهـ لێ دبی د نڤێسی و پێغه‌مبه‌رێ خودێ ژی (صه‌لات و سه‌لامێن خودێ ل سه‌ر بن) مرۆڤه‌ و ده‌مێ توڕه‌بوون و ده‌مێ كه‌یفخۆشییێ ژی دئاخڤیت؟ له‌وا من ده‌ست ژ نڤێسینێ كێشان و ئه‌ز ڕاوه‌ستیام، پاشی من ئه‌و چه‌نده‌ بۆ پێغه‌مبه‌ری (صه‌لات و سه‌لامێن خودێ ل سه‌ر بن) به‌حس كر، وی ژی ب تبلێن خۆ ئیشاره‌ت بۆ ده‌ڤێ خۆ كر و گۆت: ((بـنڤیسه‌، چونكی ئه‌ز ب وی خودایی كه‌مه‌ یێ نه‌فسا من د ده‌ستێ ویدا، چ تشت ژ ڤی ده‌ڤی ده‌رناكه‌ڤیت ئه‌گه‌ر حه‌قی نه‌بیت)).
فه‌رمووده‌یه‌كا دروسته‌ ئه‌بو داوود ڤێ فه‌رمووده‌یێ ڤه‌دگوهێزیت
التصنيف الشرعيمصادر الاستدلال عند أهل السنة، أهمية السنة ومكانتها، الإيمان بنبينا محمد صلى الله عليه وسلمموضوعات الحديثالحث على طلب العلم، الإيمان بالرسل عليهم السلام، حقوق النبي ﷺ، متابعة الرسول ﷺمحاور التعريف بالإسلامصدقه وأمانته، شبهات حول السنة
ئه‌ز د گه‌ل شاندا به‌نی عامرییان چوومه‌‌ ده‌ڤ پێغه‌مبه‌رێ خودێ (صه‌لات و سه‌لامێن خودێ ل سه‌ر بن)، مه‌ گۆت: تو سه‌ید و مه‌زنێ مه‌ی، گۆت: ((سه‌ید و مه‌زن ب تنێ خودێیه‌‌))، مه‌ گۆت: و تو ژ مه هه‌مییان باشتری و ژ مە هەمییان مەزنتری، گۆت: ((ب ئاخڤتنا خۆ یا ئاسایی باخڤن، یان ب هنده‌ك ئاخڤتنێن خۆ و بلا شه‌یتان هه‌وه‌ ڕانه‌كێشیت (بۆ زێده‌گاڤیكرنێ د مه‌دحكرنێدا))).
فه‌رمووده‌یه‌كا دروسته‌ ئه‌بو داوود و ئه‌حمه‌د ڤێ فه‌رمووده‌یێ ڤه‌دگوهێزن
التصنيف الشرعيآداب الكلام والصمت، الغلو في الأنبياء، الصفات الخُلُقية، توحيد الألوهية، توحيد الأسماء والصفات، الإيمان بنبينا محمد صلى الله عليه وسلمموضوعات الحديثحفظ اللسان، التواضع، أهمية التوحيد، الشرك بالله وأقسامه، حقوق النبي ﷺمحاور التعريف بالإسلامالغلو في الأنبياء
زه‌لامه‌ك هاته‌ ده‌ڤ پێغه‌مبه‌ری (صه‌لات و سه‌لامێن خودێ ل سه‌ر بن) و گۆت: ئه‌ی پێغه‌مبه‌رێ خودێ؛ ئێك ژ مه‌ هه‌ست ب تشته‌كی دكه‌ت د دل و ده‌روونێ خۆدا - تشته‌ك دهێته‌ سه‌ر دل و ده‌روونێ وی -، ئه‌گه‌ر ئه‌و خۆلی بیت ل ده‌ڤ خۆ خۆشتڤیتره‌ ژ هندێ وی تشتی ب ده‌ڤێ خۆ بێژیت، ئینا پێغه‌مبه‌ری (صه‌لات و سه‌لامێن خودێ ل سه‌ر بن) گۆت: ((اللهُ أكبرُ، اللهُ أكبرُ (ئانكو خودێ مه‌زنترینه‌)، سوپاسی بۆ وی خودایی بن یێ پیلانا وی (شه‌یتانی) بۆ وه‌سواسێ زڤڕاندی)).
فه‌رمووده‌یه‌كا دروسته‌ ئه‌بو داوود و نه‌سائی د په‌ڕتووكا (سنن الکبری)ـدا ڤێ فه‌رمووده‌یێ ڤه‌دگوهێزن
التصنيف الشرعيأمراض القلوب، الإيمان بالله عز وجل، الجن، الإيمانموضوعات الحديثالإيمان بالله تعالى
((هشیاربن (نێزیكه‌ ده‌مه‌ك دێ هێت) زه‌لامه‌ك یێ ل سه‌ر جهێ خۆ درێژ كرییه‌ و فه‌رمووده‌یه‌ك ژ فه‌رمووده‌یێن من دێ بۆ وی هێته‌ گۆتن، ئه‌و ژی دێ بێژیت: د ناڤبه‌را مه‌ و هه‌وه‌دا په‌ڕتووكا خودێیه‌، ڤێجا هه‌ر تشتێ مه‌ د وێدا دیت یێ حه‌لاله‌؛ ئه‌م ژی دێ ب حه‌لال دانین، و هه‌ر تشته‌كێ مه‌ د وێدا دیت یێ حه‌رامه‌؛ ئه‌م ژی دێ ب حه‌رام دانین، و ب ڕاستی هه‌ر تشته‌كێ پێغه‌مبه‌رێ خودێ (صه‌لات و سه‌لامێن خودێ ل سه‌ر بن) حه‌رام كربیت، وه‌كی وی تشتییه‌‌ یێ خودێ حه‌رام كربیت)).
فه‌رمووده‌یه‌كا دروسته‌ ئه‌بو داوود و تیرمیزی و ئبن ماجه ڤێ فه‌رمووده‌یێ ڤه‌دگوهێزن
التصنيف الشرعيمصادر التشريع، أهمية السنة ومكانتها، النبوة والرسالة، أشراط الساعةموضوعات الحديثمتابعة الرسول ﷺمحاور التعريف بالإسلامشبهات حول السنة
((نه‌بێژن: ئه‌وا خودێ بڤێت و فلان كه‌سی بڤێت، به‌لكی بێژن: ئه‌وا خودێ بڤێت، پاشی فلان كه‌سی بڤێت)).
فه‌رمووده‌یه‌كا دروسته‌ ب كۆما ڕێكێن وێ ئه‌بو داوود و نه‌سائی د په‌ڕتووكا (سنن الکبری)ـدا و ئه‌حمه‌د ڤێ فه‌رمووده‌یێ ڤه‌دگوهێزن
التصنيف الشرعيآداب الكلام والصمت، توحيد الألوهية، الشركموضوعات الحديثحفظ اللسان، أهمية التوحيد، الشرك بالله وأقسامه