Encyclopedia of Prophetic Hadiths

زه‌لامه‌ك هاته‌ ده‌ڤ پێغه‌مبه‌ری (صه‌لات و سه‌لامێن خودێ ل سه‌ر بن) و ده‌رباره‌ی كاره‌كی د گه‌ل ئاخڤت، پاشی گۆت: ئه‌وا خودێ بڤێت و ته‌ بڤێت. ئینا پێغه‌مبه‌ری (صه‌لات و سه‌لامێن خودێ ل سه‌ر بن) گۆت: ((ئه‌رێ ته‌ ئه‌ز كرمه‌ هه‌ڤئاست و شریك بۆ خودێ؟ بێژه‌: ئه‌وا خودێ ب تنێ بڤێت)).

((ب راستی ئه‌و تشتێ ئه‌ز پتر ژ هه‌مییان ژێ دترسم ب سه‌ر هه‌وه‌دا بهێت: شركا بچویكه‌))، گۆتن: ئه‌ی پێغه‌مبه‌رێ خودێ، شركا بچویك چ جۆره‌ شركه‌؟ گۆت: ((ڕویمه‌تییه‌‌، خودایێ مه‌زن ل ڕۆژا قیامه‌تێ ده‌مێ خه‌لكی ل سه‌ر كریارێن وان خه‌لات دكه‌ت؛ دبێژیته‌ وان: هه‌ڕنه‌ ده‌ڤ وان كه‌سێن هه‌وه‌ ل دونیایێ ڕویمه‌تی بۆ دكر و ژ به‌ر وان كارێ باش دكر، ڤێجا به‌رێ خۆ بده‌نێ كا دێ هوین چ خێر و خه‌لاتان ل ده‌ڤ وان بینن؟)).

((هه‌ر كه‌سێ خۆ وه‌كی هنده‌كێن دی لێ بكه‌ت؛ ئه‌و ژ وانه‌)).

((ب ڕاستی ژ خرابترینێ مرۆڤان ئه‌ون یێن قیامه‌ت ب سه‌ر واندا دهێت و ئه‌و د ساخ و ئه‌وێن گۆڕان (قه‌بران) دكه‌نه‌ مزگه‌فت)).

((هه‌ر كه‌سێ زیانێ بگه‌هینیته‌ موسلمانه‌كی؛ خودێ ژی دێ زیانێ گه‌هینیته‌ وی و هه‌ر كه‌سێ زه‌حمه‌ت و بارگرانییێ بۆ موسلمانه‌كی دروست بكه‌ت؛ خودێ ژی دێ زه‌حمه‌ت و بارگرانییێ بۆ دروست كه‌ت)).

كۆمه‌كا خه‌لكی (ده‌هـ كه‌س بوون) هاتنه‌ ده‌ڤ پێغه‌مبه‌رێ خودێ (صه‌لات و سه‌لامێن خودێ ل سه‌ر بن)، به‌یعه‌ت ژ نه‌ھ كه‌سان وه‌رگرت، به‌لێ ئێك ژ وان هێلا و به‌یعه‌ت ژێ وه‌رنه‌گرت. گۆتن: ئه‌ی پێغه‌مبه‌رێ خودێ، ته‌ به‌یعه‌ت ژ نه‌ھ كه‌سان وه‌رگرت و ته‌ ئه‌ڤه‌ هێلا؟ گۆت: ((چونكی نڤشتییه‌ك یا ب ویڤه‌))، ڤێجا وی زه‌لامی ده‌ستێ خۆ بره‌ وێ نڤشتییێ و ژ ستۆیێ خۆ ڤه‌كر و پڕچاند، پاشی پێغه‌مبه‌ری (صه‌لات و سه‌لامێن خودێ ل سه‌ر بن) به‌یعه‌ت ژێ وه‌رگرت و گۆت: ((هه‌ر كه‌سێ نڤشتییه‌كێ (ب مه‌ره‌ما پاراستنێ) ب خۆڤه‌ بكه‌ت، ئه‌ڤه‌ وی شرك كر)).