Encyclopedia of Prophetic Hadiths

ئانكو: ((ئێك ژ هه‌وه‌ باوه‌رییێ نائینیت، هه‌تا ئه‌وا وی بۆ خۆ دڤێت؛ بۆ برایێ خۆ ژی بڤێت)).

((زه‌لامه‌ك هه‌بوو ده‌ین ددانه‌ خه‌لكی، ڤێجا دگۆته‌ وی كه‌سێ ل ده‌ڤ وی كار دكر: ئه‌گه‌ر تو (ب مه‌به‌ستا وه‌رگرتنا ده‌ینی) چوویه‌ ده‌ڤ كه‌سه‌كی و ته‌ دیت یێ ده‌ستكورته‌ و ڕه‌وشا وی نه‌یا باشه‌؛ هنگی تو ل وی ببووره‌، دا به‌لكی خودێ ژی ل مە ببووریت، پاشی گه‌هشته‌ خودێ و خودێ ل وی بووری)).

((ب ڕاستی خودێ حه‌ز ژ عه‌بدێ ته‌قوادارێ زه‌نگینێ ڤه‌شارتی دكه‌ت)).

((مسوگه‌ر خودێ چاكی ل سه‌ر هه‌می تشتان نڤیسییه‌، ڤێجا ئه‌گه‌ر هه‌وه‌ كوشتن كر؛ هوین ب جوانی بكه‌ن، و ئه‌گه‌ر هه‌وه‌ ڤه‌كوشتن كر؛ هوین جوان ڤه‌كوژن، و بلا ئێك ژ هه‌وه‌ كێركا خۆ خۆش بكه‌ت و بلا قوربانی و ڤه‌كوشتییێ خۆ ژی ڕحه‌ت بكه‌ت)).

((هه‌ر كه‌سێ دلۆڤانییێ ب خه‌لكی نه‌به‌ت؛ خودایێ مه‌زن ژی دلۆڤانییێ ب وی نابه‌ت)).

((چ باشییان ب كێم نه‌بینه‌، خۆ ئه‌گه‌ر ئه‌ڤ باشییه‌ ئه‌ڤه‌ بیت تو ب ڕویه‌كێ خۆش و ده‌ڤ گڕنژین بگه‌هییه‌ برایێ خۆ)).

((ئەگەر ئێكی حه‌ز ژ برایێ خۆ (یێ موسلمان) كر، هنگی بلا بێژیته‌ وی كو حه‌ز ژێ دكه‌ت)).

پێغه‌مبه‌ری (صه‌لات و سه‌لامێن خودێ ل سه‌ر بن) گوھ ل زه‌لامه‌كی بوو ده‌رباره‌ی شه‌رمێ (حه‌یائێ) شیره‌ت ل برایێ خۆ دكرن، ئینا گۆت: ((شه‌رم ژ باوه‌رییێیه‌)).