Encyclopedia of Prophetic Hadiths

زه‌لامه‌كی گۆته‌ پێغه‌مبه‌ری (صه‌لات و سه‌لامێن خودێ ل سه‌ر بن): شیره‌ته‌كێ ل من بكه‌، گۆتێ: ((تووڕه‌ نه‌به‌)) وی چه‌ند جاران گۆتنا خۆ دووباره‌ كر، گۆت: ((تووڕه‌ نه‌به‌)).

((موسلمان ئه‌وه‌ یێ موسلمانێن دی ژ ئه‌زمان و ده‌ستێ وی د پاراستی و سلامه‌ت بن، و مشه‌ختی ئه‌وه‌ یێ ژ وان تشتان دویر بكه‌ڤیت یێن خودێ پاشڤه‌برن ژێ كری)).

ئانكو: ((ئێك ژ هه‌وه‌ باوه‌رییێ نائینیت، هه‌تا ئه‌وا وی بۆ خۆ دڤێت؛ بۆ برایێ خۆ ژی بڤێت)).

((زه‌لامه‌ك هه‌بوو ده‌ین ددانه‌ خه‌لكی، ڤێجا دگۆته‌ وی كه‌سێ ل ده‌ڤ وی كار دكر: ئه‌گه‌ر تو (ب مه‌به‌ستا وه‌رگرتنا ده‌ینی) چوویه‌ ده‌ڤ كه‌سه‌كی و ته‌ دیت یێ ده‌ستكورته‌ و ڕه‌وشا وی نه‌یا باشه‌؛ هنگی تو ل وی ببووره‌، دا به‌لكی خودێ ژی ل مە ببووریت، پاشی گه‌هشته‌ خودێ و خودێ ل وی بووری)).

((هه‌ر كه‌سێ دلۆڤانییێ ب خه‌لكی نه‌به‌ت؛ خودایێ مه‌زن ژی دلۆڤانییێ ب وی نابه‌ت)).

پێغه‌مبه‌ری (صه‌لات و سه‌لامێن خودێ ل سه‌ر بن) گوھ ل زه‌لامه‌كی بوو ده‌رباره‌ی شه‌رمێ (حه‌یائێ) شیره‌ت ل برایێ خۆ دكرن، ئینا گۆت: ((شه‌رم ژ باوه‌رییێیه‌)).