Encyclopedia of Prophetic Hadiths

((خۆ ژ وان هه‌ر حه‌فت گونه‌هێن مرۆڤی دبه‌نه‌ هیلاكێ دویربێخن. گۆتن: ئه‌و كیژكن ئه‌ی پێغه‌مبه‌رێ خودێ؟ گۆت: شرك و هه‌ڤپشك دروستكرن بۆ خودێ، سحر و سێره‌به‌ندی، كوشتنا وێ نه‌فسا خودێ حه‌رامكری بهێته‌ كوشتن، ئه‌و تێنه‌بیت ئه‌گه‌ر ئه‌ڤ كوشتنه‌ ب حه‌قی بیت، خوارنا ڕیبایێ، خوارنا مالێ ئێتیمی، ڕه‌ڤینا ژ به‌رووكا شه‌ڕی ل ده‌مێ جیهادێ و تاوانباركرنا ژنێن پاقژ و باوه‌ردار و بێئاگه‌ھ ب كرنا زینایێ)).

ئانكو: ((ئێك ژ هه‌وه‌ باوه‌رییێ نائینیت، هه‌تا ئه‌وا وی بۆ خۆ دڤێت؛ بۆ برایێ خۆ ژی بڤێت)).

((مسوگه‌ر كه‌سێن دادپه‌وه‌ر ل ده‌ڤ خودێ یێن ل سه‌ر هنده‌ك مینبه‌رێن ڕۆناهییێ، ئه‌ڤ كه‌سه‌ یێن ل ڕه‌خێ ڕاستێ یێ خودایێ دلۆڤان و هه‌ردوو ده‌ستێن خودێ ژی ڕاستن (ئانكو د ته‌مام و به‌ره‌كه‌تدار و بێ كێماسینه‌)، ئه‌ڤه‌ كه‌سێن دادپه‌روه‌رن د حوكمێ خۆدا و د کەسوکارێن خۆ و وان كه‌ساندا یێن ده‌ستهه‌لاتێ لێ دكه‌ن)).

((ئه‌وا خه‌لك ڤێڕا گه‌هشتی ژ گۆتنا پێغه‌مبه‌رێن ده‌ستپێكێ (ئه‌ڤ تشته‌ ژ گۆتنا وان پێغه‌مبه‌ران یا بۆ مایه‌ڤه‌ و هنده‌كان ژ هنده‌كێن دی یا ڤه‌گێڕای)، ئه‌ڤه‌یه‌ كو ئه‌گه‌ر ته‌ شه‌رم نه‌كر؛ تشتێ ته‌ دڤێت بكه‌)).

((ل ڕۆژا قیامه‌تێ خۆ تشته‌ك د ته‌ڕازییا باوه‌رداریدا ژ ڕه‌وشتێ جوان گرانتر (و سه‌نگینتر) نینه‌، و ب ڕاستی خودێ كه‌رب ژ كه‌سێ ئاخڤتنن پیس و خه‌به‌ربێژ ڤه‌دبن)).

((كاروباران ب ساناهی بێخن و ب زه‌حمه‌ت نه‌ئێخن، مزگینییێ بده‌ن و خه‌لكی نه‌ڕه‌ڤینن)).

((هه‌ر كه‌سێ باوه‌ری ب خودێ و ڕۆژا دویماهیكێ هه‌بیت؛ بلا ئاخڤتنا خێرێ بكه‌ت یان ژی بلا بێده‌نگ بیت، هه‌ر كه‌سێ باوه‌ری ب خودێ و ڕۆژا دویماهیكێ هه‌بیت؛ بلا قه‌درێ جیرانێ خۆ بگریت، هه‌ر كه‌سێ باوه‌ری ب خودێ و ڕۆژا دویماهیكێ هه‌بیت؛ بلا قه‌درێ مێهڤانێ خۆ بگریت)).

زه‌لامه‌كی گۆته‌ پێغه‌مبه‌ری (صه‌لات و سه‌لامێن خودێ ل سه‌ر بن): شیره‌ته‌كێ ل من بكه‌، گۆتێ: ((تووڕه‌ نه‌به‌)) وی چه‌ند جاران گۆتنا خۆ دووباره‌ كر، گۆت: ((تووڕه‌ نه‌به‌)).