Encyclopedia of Prophetic Hadiths

((بلا چ ژن بێی هه‌ڤژینێ خۆ یان مه‌حره‌مه‌كێ خۆ قویناغا دوو ڕۆژان گه‌شتێ نه‌كه‌ت، و ڕۆژی د دوو ڕۆژاندا نینه‌: ڕۆژا جه‌ژنا ڕه‌مه‌زانێ و ڕۆژا جه‌ژنا قوربانێ، نڤێژ ژی نینه‌ پشتی نڤێژا سپێدێ هه‌تا ڕۆژ هه‌لاتنێ و پشتی نڤێژا ئێڤاری هه‌تا ڕۆژ ئاڤابوونێ، و بار ناهێته‌ پێچان و گه‌شت ناهێته‌ كرن (ب مه‌ره‌ما عیباده‌تێ تایبه‌ت) ب تنێ بۆ سێ مزگه‌فتان نه‌بیت: مزگه‌فتا حه‌رام (ل مه‌كه‌هێ)، مزگه‌فتا ئه‌قصایێ و ئه‌ڤ مزگه‌فتا من (ل مه‌دینێ))).

((هندی دونیایه‌ یا شرین و ب كه‌سكاتییە‌، و خودێ هوین د ناڤدا یێن كرینه‌ جێگرێن ئێكدوو، دا ببینیت كا هوین دێ چ كار كه‌ن، ڤێجا خۆ ژ دونیایێ بپارێزن و خۆ ژ ژنان بپارێزن، چونكی ئێكه‌م فتنه‌یا به‌نو ئیسرائیلی تێدا كه‌فتین یا ژنان بوو)).

((دونیا خۆشییه‌كا به‌روه‌خته‌، و باشترین خۆشییا دونیایێ ژی؛ هه‌ڤژینه‌كا باشه‌)).

«بلا باوه‌رداره‌كی كه‌رب ژ باوه‌رداره‌كێ ڤه‌نه‌بن، ئه‌گه‌ر حه‌ز ژ ڕه‌وشته‌كێ وێ نه‌كه‌ت؛ دێ حه‌ز ژ ئێكێ دی كه‌ت».