Encyclopedia of Prophetic Hadiths

((نڤێژه‌ك د ڤێ مزگه‌فتا منڤه‌؛ چێتر و بخێرتره‌‌ ژ هزار نڤێژان د جهێن دیڤه‌، ژ بلی مزگه‌فتا حه‌رام (ل مه‌كه‌هێ) )).

پێغه‌مبه‌ر (صه‌لات و سه‌لامێن خودێ ل سه‌ر بن) هاته‌ ده‌ڤ مه‌، ڤێجا مه‌ گۆت: ئه‌ی پێغه‌مبه‌رێ خودێ؛ مه‌ زانی دێ چاوا سلاڤ كه‌ینه‌ ته‌‌، به‌لێ پا دێ چاوا صه‌له‌واتان ده‌ینه‌ سه‌ر ته‌؟ گۆت: ((بێژن: ((اللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ، كَمَا صَلَّيْتَ عَلَى آلِ إِبْرَاهِيمَ، إِنَّكَ حَمِيدٌ مَجِيدٌ، اللَّهُمَّ بَارِكْ عَلَى مُحَمَّدٍ وَعَلَى آلِ مُحَمَّدٍ، كَمَا بَارَكْتَ عَلَى آلِ إِبْرَاهِيمَ، إِنَّكَ حَمِيدٌ مَجِيدٌ))، ئانكو: ((خودایێ من؛ صه‌له‌واتان بده‌ سه‌ر موحه‌ممه‌دی و مالباتا موحه‌ممه‌دی، هه‌روه‌كی كا چاوا ته‌ صه‌له‌وات داینه‌ سه‌ر مالباتا ئیبراهیمی، ب ڕاستی تو یێ ژ هه‌ژی سوپاسییێی و یێ خودان مه‌زناهی، خودایێ من؛ به‌ره‌كه‌تێ بڕێژه‌‌ سه‌ر موحه‌ممه‌دی و مالباتا موحه‌ممه‌دی،؛ هه‌روه‌كی كا چاوا ته‌ به‌ره‌كه‌ت ڕێژتییه‌ سه‌ر مالباتا ئیبراهیمی، ب ڕاستی تو یێ ژ هه‌ژی سوپاسییێی و یێ خودان مه‌زناهی)).

پێغه‌مبه‌ری (صه‌لات و سه‌لامێن خودێ ل سه‌ر بن) د ناڤبه‌را هه‌ردوو سوجده‌یاندا دگۆت: ((خودایێ من؛ تو گونه‌هێن من ژێببه‌ و دلۆڤانییێ ب من ببه‌ و سلامه‌تی و ڕاسته‌ڕێبوون و ڕزقی بده‌ من)).

ده‌مه‌كی ئه‌م د مزگه‌فتێڤه‌ د گه‌ل پێغه‌مبه‌ری (صه‌لات و سه‌لامێن خودێ ل سه‌ر بن) د ڕوینشتی بووین، ژ نیشكه‌كێڤه‌ زه‌لامه‌ك ل سه‌ر حێشتره‌كێ هات، حێشترا خۆ ل ناڤ مزگه‌فتێ ل سه‌ر چۆكان ڕاگرت و پاشی گرێدا، پاشی گۆته‌ وان: كیژ ژ هه‌وه‌ موحه‌ممه‌ده‌؟ و پێغه‌مبه‌ر (صه‌لات و سه‌لامێن خودێ ل سه‌ر بن) د ناڤ واندا یێ ڕوینشتی بوو و پالڤه‌دابوو، مە ژی گۆته‌ وی: ئاها ئه‌ڤ زه‌لامێ سپی یێ پالڤه‌داییه‌. ئینا وی زه‌لامی گۆته‌ پێغه‌مبه‌ری (صه‌لات و سه‌لامێن خودێ ل سه‌ر بن): ئه‌ی كوڕێ عه‌بدولموطه‌لیبی! پێغه‌مبه‌ری ژی (صه‌لات و سه‌لامێن خودێ ل سه‌ر بن) گۆته‌ وی: ((من به‌رسڤا ته‌ دا))، زه‌لامی گۆته‌ پێغه‌مبه‌ری (صه‌لات و سه‌لامێن خودێ ل سه‌ر بن): ئه‌ز دێ هنده‌ك پرسیاران ژ ته‌ كه‌م و دێ د پرسیاركرنا خۆدا ل سه‌ر ته‌ گران و نه‌خۆش كه‌م، ڤێجا ژ من توڕه‌ نه‌به‌ و بلا دلێ ته‌ ژ من نه‌مینیت و چ نه‌كه‌ دلێ خۆ! پێغه‌مبه‌ری (صه‌لات و سه‌لامێن خودێ ل سه‌ر بن) گۆتێ: ((پرسیارا ته‌ دڤێت بكه‌))، گۆت: ئه‌ز ته‌ ب خودایێ ته‌ و خودایێ یێن به‌ری ته‌ دده‌مه‌ سویندێ؛ ئه‌رێ ژ ڕاستا خودێ تو بۆ هه‌می مرۆڤان هنارتییه‌؟ گۆت: ((به‌لێ)). گۆت: ئه‌ز ته‌ ب خودێ دده‌مه‌ سویندێ، ئه‌رێ خودێ فه‌رمان ل ته‌ كرییه‌ ئه‌م د شه‌ڤه‌ك و ڕۆژه‌كێدا پێنج نڤێژان بكه‌ین؟ گۆت: ((به‌لێ)). گۆت: ئه‌ز ته‌ ب خودێ دده‌مه‌ سویندێ؛ ئه‌رێ خودێ فه‌رمان ل ته‌ كرییه‌ ئه‌م د ڤێ هه‌یڤێدا ژ سالێ ب ڕۆژی بین؟ گۆت: ((به‌لێ)). گۆت: ئه‌ز ته‌ ب خودێ دده‌مه‌ سویندێ؛ ئه‌رێ خودێ فه‌رمان ل ته‌ كرییه‌ تو ڤێ زه‌كاتێ ژ زه‌نگینێن مه‌ وه‌ربگری و ل سه‌ر هه‌ژارێن مه‌ دابه‌ش بكه‌ی؟ پێغه‌مبه‌ری (صه‌لات و سه‌لامێن خودێ ل سه‌ر بن) گۆت: ((به‌لێ)). ئینا وی زه‌لامی گۆت: من باوه‌ری ب تشتێ تو پێ هاتی ئینا و ئه‌ز هنارتیمه‌ بۆ وان كه‌سێن من ل پشت خۆ هێلاین ژ ملله‌تێ خۆ، و ئه‌ز ضه‌مامێ كوڕێ سه‌عله‌بەیمه‌ براگه‌وره‌يێ هۆزا سه‌عدێ كوڕێ به‌كری.

پێغه‌مبه‌رێ خودێ (صه‌لات و سه‌لامێن خودێ ل سه‌ر بن) دوعا دكر و دگۆت: ((خودایێ من؛ ئه‌ز خۆ ب ته‌ دپارێزم ژ سزایێ گۆڕی، ژ سزایێ ئاگرێ جه‌هنه‌مێ، ژ فتنه‌یا ژیان و مرنێ و ژ فتنه‌یا مه‌سیحێ ده‌جال)). د ڤه‌گوهاستنا موسلمیدا هاتییه‌: ((ده‌مێ ئێك ژ هه‌وه‌ ژ ته‌حیاتا دویماهیكێ ب دویماهیك هات؛ بلا خۆ ب خودێ بپارێزیت ژ چار تشتان: ژ سزایێ جه‌هنه‌مێ، ژ سزایێ گۆڕی، ژ فتنه‌یا ژیان و مرنێ و ژ خرابییا مه‌سیحێ ده‌جال)).