چونكی ب ڕاستی وی ڕۆژه‌كێ نه‌گۆت: خودایێ من؛ ل ڕۆژا لێپرسینێ گونه‌هێن من ژێببه))
ژ عائیشایێ (خودێ ژێ ڕازی بیت) گۆت:
من گۆت: ئه‌ی پێغه‌مبه‌رێ خودێ؛ ل سه‌رده‌مێ نه‌زانینێ (به‌ری ئیسلامێ) ئبن جودعانی په‌یوه‌ندییێن مرۆڤایینییێ دگه‌هاندن و خوارن ددا كه‌سێ به‌له‌نگاز، ئه‌رێ ئه‌ڤه دێ چ مفای ل وی كه‌ت (بۆ قیامه‌تا وی)؟ گۆت: ((نه‌خێر چ مفای ل وی ناكه‌ت، چونكی ب ڕاستی وی ڕۆژه‌كێ نه‌گۆت: خودایێ من؛ ل ڕۆژا لێپرسینێ گونه‌هێن من ژێببه)).
قُلْتُ: يَا رَسُولَ اللهِ، ابْنُ جُدْعَانَ كَانَ فِي الْجَاهِلِيَّةِ يَصِلُ الرَّحِمَ، وَيُطْعِمُ الْمِسْكِينَ، فَهَلْ ذَاكَ نَافِعُهُ؟ قَالَ: «لَا يَنْفَعُهُ، إِنَّهُ لَمْ يَقُلْ يَوْمًا: رَبِّ اغْفِرْ لِي خَطِيئَتِي يَوْمَ الدِّينِ».
پێغه‌مبه‌ر (صه‌لات و سه‌لامێن خودێ ل سه‌ر بن) ده‌نگوباسی ل دۆر عه‌بدولڵاهێ كوڕێ جودعانی دده‌ت كو كه‌سه‌كێ مه‌زن بوو و به‌ری ئیسلامێ ژ سه‌رێن قوڕه‌یشییان بوو. ژ كارێن وی یێن باش: وی په‌یوه‌ندییێن مرۆڤایینییێ د گه‌ل مرۆڤێن خۆ دگه‌هاندن و باشی د گه‌ل وان دكر و خوارن ددا كه‌سێ به‌له‌نگاز و ژ بلی ڤان كارێن باش یێن ئیسلامێ هاندان ل سه‌ر كرنا وان كرییه، به‌لێ ئه‌ڤ كارێن وی یێن باش چ مفای ناگه‌هیننه وی بۆ ئاخره‌تا وی، ئه‌ڤه ژی ژ به‌ر كوفرا وی ب خودێ و چونكی وی ڕۆژه‌كێ نه‌گۆت: خودایێ من؛ ل ڕۆژا لێپرسینێ گونه‌هێن من ژێببه.
دیاركرنا قه‌در و بهایێ باوه‌رییێ و كو ئه‌و مه‌رجه بۆ وه‌رگرتن و قه‌بویلبوونا كریاران.
دیاركرنا بێئیفله‌حییا كوفرێ و كو ئه‌و ژ وان تشتانه یێن كریارێن باش پویچ دكه‌ت.
ل قیامه‌تێ كریارێن كافران چ مفایێ وان ناكه‌ن، ژ به‌ر كو وان باوه‌ری ب خودێ و ڕۆژا قیامه‌تێ نینه.
كریارێن مرۆڤی یێن باش كو ل سه‌رده‌مێ كوفرێ كربن دێ بۆ هێنه نڤیسین ئه‌گه‌ر موسلمان بوو و دێ ل سه‌ر هێته خه‌لاتكرن.
زێده‌تر (7)
صه‌حیحا موسلمی (1/ 196) (214).
شرح النووي على مسلم (3/87).
المفهم لما أشكل من تلخيص كتاب مسلم (1/ 459).
إرشاد الساري لشرح صحيح البخاري (4/ 170).
التنوير شرح الجامع الصغير (2/364).
فتح المنعم (2/54).
البحر المحيط الثجاج في شرح صحيح الإمام مسلم بن الحجاج (3/ 455).