((ئه‌گه‌ر زه‌لامی مه‌زاختن ل خێزانا خۆ كر و بۆ خۆ ب خێر هژماركر؛ دێ بۆ وی ب خێر و صه‌ده‌قه هێته هژمارتن))
ئه‌بو مه‌سعوود (خودێ ژێ ڕازی بیت) دبێژیت: پێغه‌مبه‌ری (صه‌لات و سه‌لامێن خودێ ل سه‌ر بن) گۆت:
((ئه‌گه‌ر زه‌لامی مه‌زاختن ل خێزانا خۆ كر و بۆ خۆ ب خێر هژماركر؛ دێ بۆ وی ب خێر و صه‌ده‌قه هێته هژمارتن)).
«إِذَا أَنْفَقَ الرَّجُلُ عَلَى أَهْلِهِ يَحْتَسِبُهَا فَهُوَ لَهُ صَدَقَةٌ».
پێغه‌مبه‌ر (صه‌لات و سه‌لامێن خودێ ل سه‌ر بن) به‌حسێ هندێ دكه‌ت كو ئه‌گه‌ر زه‌لامی مه‌زاختن ل وان كه‌سان كر ژ خێزانا خۆ یێن كو پێدڤییه ئه‌و مه‌زاختنێ لێ بكه‌ت، وه‌كی هه‌ڤژین و دایك و باب و زارۆكێن خۆ و ژ بلی وان، ئنیه‌تا وی ب ڤێ مه‌زاختنێ ژی ئه‌ڤه بیت ئه‌و خۆ نێزیكی خودایێ مه‌زن بكه‌ت و چاڤه‌رێی خێر و خه‌لاتییه ل ده‌ڤ خودێ ژ به‌ر وی تشتێ وی ل وان مه‌زاختی؛ هنگی ئه‌ڤ مه‌زاختنه دێ بۆ وی ب خێر هێته هژمارتن.
...:
بده‌ستڤه‌هاتنا خێر و خه‌لاتی ب مه‌زاختنا ل سه‌ر خێزانێ.
مه‌ره‌م و ئنیه‌تا باوه‌رداری ب وی كارێ دكه‌ت؛ ڕازیبوونا خودێ و ئه‌و خێر و خه‌لاته یێ ل ده‌ڤ خودێ هه‌ی.
پێدڤییه د هه‌ر كاره‌كێ باش یێ مرۆڤ ئه‌نجام دده‌ت ئنیه‌تا خۆ پاقژ و زه‌لال بكه‌ت و مه‌ره‌ما وی خودێ بیت، ژ ڤی كاری ژی مه‌زاختنا ل سه‌ر خێزانێیه.
زێده‌تر (10)
صه‌حیحا بۆخاری (1/ 20) (55).
صه‌حیحا موسلمی (2/ 695) (1002).
كنوز رياض الصالحين.
لمجموعة من الباحثين (5/ 334).
شرح رياض الصالحين.
لابن عثيمين (3/ 157).
نزهة المتقين بشرح رياض الصالحين.
لمصطفى الخن وغيره (1/ 293).
بهجة الناظرين شرح رياض الصالحين.
سليم الهلالي (1/ 375).