Encyclopedia of Prophetic Hadiths

« Mwen te dèyè pwofèt la (Se pou lapè ak Benediksyon Allah kouvril) sou yon bourik yo te rele ‘Ufayr. Li te dim: "O Mou'az ! Èske ou konnen ki dwa Allah genyen sou sèvitè li yo, epi ki dwa sèvitè yo genyen sou Allah ?" Mwen te reponn: "Allah ak Mesaje li a konnen pi byen." Li te di: "Dwa Allah sou sèvitè yo, se pou yo adorel san yo pa asosye anyen avèk li. Epi, dwa sèvitè yo sou Allah, se pou Li pa pini moun ki pa asosye anyen avè l." Mwen te di: "O Mesaje Allah ! Èske mwen pa dwe bay moun yo bon nouvèl sa a?" Li te reponn: "Pa bay yo bon nouvèl sa a, paske yap vin apiye sou li (yap vin neglijan nan aksyon yo)." »

Epi Mesaje Allah a (lapè ak benediksyon Allah sou li) te sòti vin jwenn yon gwoup nan konpanyon li yo ki te chita an won, li di yo: «Poukisa nou chita la a?» Yo reponn li: «Nou chita pou nou fè louwanj pou Allah epi dil mèsi paske Li te gide nou nan Islam nan epi Li te fè nou favè sa a.» Li mande yo: «Èske se sou non Allah pa gen lòt rezon ki fè nou chita la a sof sa?» Yo reponn: «Nou fè sèman sou Allah,pa gen lòt rezon ki fè nou chita la a sof sa!» Lè sa a li di yo: «Konnen byen se pa paskem te doute de nou ki fèm te fè nou fè sèman, men se pito zanj Jibril ki te vin kotem epi li fèm konnen Allah Toupwisan an fyè de nou epi Lap vante tèt Li avèk nou devan zanj yo.»

"Pi bon lajan (dinar) yon moun ka depanse, se lajan li depanse pou fanmi li. Aprèsa, se lajan li depanse pou bèt li (mwayen transpòl) pou sèvi senyè toupwisan an epi se lajan li depanse pou zanmil (konpayon li) kap sèvi nan chemen Allah." Abou Kilaba (yon moun ki tap rapòte pawòl la) di: "Pwofèt la te kòmanse ak fanmi an apremye." Aprè sa, li di ankò: "Ki moun ki ka gen yon pi gwo rekonpans pase yon gason kap depanse lajan li poul pran swen ti pitit li yo, pou Allah ka pwoteje yo, poul fè yo jwenn avantaj, epi poul fè yo pa nan bezwen (mande moun)?"

«Anverite, moun ki aji ak jistis yo ap bò kote Allah sou fotèy ki fèt ak limyè, sou bò dwat Sila ki gen Tout Mizèrikòd la (Sila ki gen Pouvwa ak Grandè a), epi tou 2 men li yo se men dwat. Se yo menm ki aji avèk jistis nan jijman yo, nan fanmi yo, epi nan tout sa ki sou responsablite yo.»

Yon Mesye te mande Pwofèt la (ke lapè ak benediksyon Allah sou li): « Ki aksyon nan Islam ki pi bon? » Li reponn: « Se pouw bay moun manje, epi pouw bay Salam moun ou konnen ak moun ou pa konnen. »

« Sètènman, pami sa moun yo te rive jwenn nan pawòl premye pwofesi a se: Si ou pa gen wont, fè sa ou vle. »

«Anverite, Allah satisfè ak sèvitè a lè li manje yon repa epi li fè lwanj pou li pou sa, oswa lè li bwè yon bwason epi li fè lwanj pou li pou sa.»

«Nou pap antre nan Paradi a jiskaske nou gen lafwa, epi nou pap gen lafwa jiskaske nou renmen youn lòt. Èskem pa dwe di nou yon bagay, si nou fè li, nap renmen youn lòt? Simaye Salam nan mitan nou.»