Encyclopedia of Prophetic Hadiths

«Èske mwen pa ta dwe fè nou konnen pi bon nan tout aksyon nou yo, sila a ki pi pwòp nan zye Mèt nou an (Allah), ki bay plis grad, ki pi bon pou nou pase depanse lò ak lajan, epi ki pi bon pou nou pase rankontre lènmi nou yo kote nap koupe tèt yo epi yap koupe tèt nou?» Yo reponn: «Wi, sètènman.» Li di: «Se fè louwanj Allah ki pi Wo a (Dhikrullah).»

«Moun ki defann onè frè li, Allah ap repouse Dife a lwen vizaj li nan Jou Jijman an».

« Pa gen anyen ki pi lou nan balans yon kwayan nan Jou Jijman an pase yon bon konpòtman (bon karaktè); epi anverite, Allah rayi moun ki pale sal (ki gen move bouch) ak moun ki gen move konpòtman ki depase limit. »