જે વ્યક્તિ કુરઆન પઢવામાં નિષ્ણાંત હોય, તે સન્માનિત અને નેક ફરિશ્તાઓ સાથે હશે, અને જે વ્યક્તિ કુરઆન પઢવામાં નિષ્ણાંત ન હોય અને અટકી અટકીને કુરઆન પઢે, અને તેને કુરઆન પઢવામાં કઠિનાઈ થતી હોય, તેના માટે બમળો સવાબ છે

આ હદીષમાં કુરઆનને સચોટ રીતે યાદ કરવા, આખિરતમાં ખૂબ જ સવાબ પ્રાપ્ત કરવા અને કુરઆનની ખૂબ જ તિલાવત કરવા પર ઊભાર્યા છે, અને આમ કરવાવાળાઓ માટે ઉચ્ચ દરજ્જાનું વર્ણન કર્યું છે.

ઈમામ કાઝી ઇયાઝ રહિમહુલ્લાહએ કહ્યું: આ હદીષનો અર્થ તે નથી કે કુરઆનને અટકી અટકીને પઢનાર માટે કુરઆનને સારી રીતે પઢવાવાળા માટે વધુ સવાબ છે, પરંતુ કુરઆનને સારી રીતે પઢવાવાળો શ્રેષ્ઠ છે, અને તેનો સવાબ પણ વધારે છે; કારણકે તે સન્માનિત ફરિશ્તાઓ સાથે હશે, અને તેના માટે ઘણા સવાબ અને ઇનામો છે, અને આ મહત્ત્વતા અન્ય વ્યક્તિ માટે વર્ણન કરવામાં નથી આવી, અને જે વ્યક્તિએ અલ્લાહની કિતાબને યાદ કરવા, તેમાં મહારત પ્રાપ્ત કરવા, ખૂબ તિલાવત કરવા, અને તેના જ્ઞાન પર સંપૂર્ણ ધ્યાન ન આપ્યું હોય તે કેવી રીતે તે વ્યક્તિ પર પ્રાથમિકતા મેળવી શકે છે, જેણે સંપૂર્ણ રીતે આ દરેક બાબતોનું ધ્યાન રાખ્યું હોય.