Encyclopedia of Prophetic Hadiths

Mi nanii Annabi yo jam e kisal won e makko ko adii nde o saŋkato duuɓi joy hombo maaka: " mbeɗa moolo e Alla nde woodanta mi sehil e mon, pellet Alla Toowɗo O nanngarii kam sehil, hono no O nanngiri Ibraahiima sehil nih, somi nanngiratno gooto e leñol am he sehil ko Abu Bakri nanngirat mi sehil, adiiɓe mon ɓe hoɓe mbaɗatno genaale Annabaaɓe maɓɓe e moƴƴuɓe maɓɓe misiidaaji, wotee nanngiree genaale misiidaaji, pellet mbeɗa haɗa mon ɗuum"

«Alla ina muñana tooñoowo, haa si O jaggii mbo o ɓoccittaako » O wii: Refti O janngi: «{ko noon kadi jaggande joomo siko o jaggi gure tawo heɗe tooñi ayno jaggande muh konde muusnde sattunde}[ Huud: aaya 102]»

Nde min njooɗdino e Annabi ka misiide gorko gooto naati hombo e ngeloobo, o jusiba e misiide refti o tonngiba, refti o wi'i ɓe: hombo e mon woni muhamadu? Tawi Annabi ina ɓaari (wahi)hakkunde maɓɓe, min mbi'i: ko o gorko daneejo tuugniiɗo, gorko o wi'i: Aan ɓiy Abdul Muɗɗalibi, Nelaaɗo maaki: " mi jaabiimo ma" gorko o wi'i: komi naaɓnatooɗo ma, te mi satti- nanat ma naamnagol, woto jaggiram ɗuum e fittaandu ma? O maaki: " naamna ko feeñan ma" o wii: mbeɗa naaɓnoro ma joom ma e joom adiiɓe ma, mbela ko Alla nel ma e yimɓe ɓe fof? O maaki :"Aan Alla eey" o wii: mbeɗa naamnor ma Alla mbela ko Alla yamir ma nde min njuulata juulɗeele joy nder ñalawma e jemma? Nelaaɗo maaki"Aan Alla eey" o wii: mbeɗa naaɓnor ma Alla mbela ko Alla yamiri ma nde min koorata ndu lewru e hitaande? O maaki;" Aan Alla eey" gorko o wii: mbeɗa naamnor ma Alla mbela ko Alla yamir ma nde nanngata o sadak e alɗuɓe peccaa mbo e waasɓe? O maaki" Aan Alla eey" o wii: mi gooŋɗanii ko ngadduɗa ko, miin ko mi nelaaɗo, yimɓe am ina caggal am, ko miin woni Dammaam Ibnu Saalabata musiɗɗo Banuu Saadu Ibnu Bakrin.

" Joom men ina tello kala jemma e asmaan ɓurɗo leesɗude o si tataɓal jemma battindingal ngal heddiima, O wi'i: «Hombo noddata Mi Mi nootoo mbo? mbo torotoo Mi okka mbo? Hombo yaafnatoo Mi Mi yaafoo mbo?».