Encyclopedia of Prophetic Hadiths

<< i k'a dɔn Ala ko:ni mɔgɔ min ye ne ka jɔn ɲuman (waliyu)dɔ tɔɔrɔ n b'o kɛlɛ, wa ne ka jɔn tɛ gɛrɛ ne la ni fɛn ye min kadi ne ye ka tɛmɛ n ye min faridaya a kan, ne ka jɔn ma kɛ a bɛ ka gɛrɛ ne la ni nafilaseli ye fo n b'a kànu, ni n y'a kànu : n bɛ k'a tulo ye a bɛ lamɛli kɛ ni o min ye, n bɛ k'a ɲɛ ye a bɛ yeli kɛ ni min ye, a n'a tɛgɛ a bɛ tàli kɛ ni o min ye, a n'a sen a bɛ tagama ni o min ye, n'a ye n deli n b'a sɔn, n'a ye tàngali ɲini n fɛ n b'a tànga>>.

A ka kan hadamaden ka sarakati bɔ a kolotuguda kelen kelenna bɛɛ ye, wa tile bɔ-o-bɔ n’i tilenna mɔgɔ fila ni ɲɔgɔn cɛ, o fana ye saraka ye, ka mɔgɔ dɛmɛ ka yɛlɛn bagan bala(sanfɛ) o fana ye saraka ye, walima k’a ka bololaminɛ d’a ma, a yɛlɛlen kɔ; o fana ye saraka ye, kuma ɲuman fɔ, o fana ye saraka ye, sen tako kelen-o-kelen ka taa misiri la, o fana ye saraka ye, ani ka mɔgɔo tɔɔrɔ fɛn ta ka bɔ sira kan, o fana ye saraka ye.

I k'a dͻn Ala ye màsà sanuman de ye w'a tɛ foyi labi fo fɛn sanuman, wa i k'a dͻn Ala ye muuminuw yaamaruya ni fɛn ye a ye cidenw yaamaruya ni min ye, Ala ko - a ka se kͻrͻtara - : Eh aw cidenw aw ye dumunikɛ kabͻ fɛn sanumanw la, aw ka baara ɲuman kɛ; Ala ko tuguni : Ee aw limaniyajͻnw aw ye dumunikɛ kabͻ fɛn sanumanw la, ne y'aw garisɛgɛ min na, o kͻfɛ, a ye cɛ dͻ kofͻ a be taama sira jan fɛ, a kunsiw ɲagasalen do, gͻngͻn b'a kan, a b'a bolo bamba kataa sanfɛ: Ee ne tigi Ala! Ee ne tìgì Ala ! O b'a sͻrͻ a ka balo ye haraamu ye, aminiji ye haraamu ye, a donfini ye haraamu ye, a yɛrɛ balola haraamu dela, a fo tumanjumɛn o ka dugawu bɛna jaabi sa?