Encyclopedia of Prophetic Hadiths

<< ni duniya wili waati surunyara ne ka kuma bɛ lase cɛ dɔ ma k'a sɔrɔ a sɛmɛnen a ka sìgilan na a b'a fɔ: Ala ka gafe de bɛ aw ni ne cɛ, n'an ye halala min sɔrɔ o kɔnɔ an b'o kɛ halala ye n'an ye haramu min sɔrɔ a kɔnɔ an b'o de kɛ haramu ye, i k'a dɔn Ala ka ciden ye min haramuya o b'i na fɔ Ala de y'o haramuya >>.

<< i k'a dɔn lahidu min bɛ an ni u cɛ o ye seli de ye, ni min m'o waleya o kafiriya la>>.

<< ni mɔgɔ min ye dolofilɛ dɔnni dɔ minɛ, o ye kɔrɔtɛ dɔnni fan dɔ minɛ, a ye fɛn fàra fɛn kan >>.

<< Ala bɛ mɔgɔ dɔ kɛrɛnkɛrɛn ne màntonw la mɔgɔ tɔw cɛla Kiyamadon, sɛbɛnfɛn bikɔnɔntɔn ni kɔnɔntɔn bɛ di a ma, sɛbɛnfɛn kelen wo kelen bɛ i ko ɲɛ ka filɛli dan, o kɔfɛ Ala b'a fɔ: yali i bɛ fɛn nankari ni na wa? Ne ka sɛbɛnnikɛla tàngalenw y'i tɔɲɔ wa? A b'a fɔ Ayi yaa ne tìgi, Ala b'a fɔ yali lujura dɔ b'i bolo wa? A b'a fɔ Ayi yaa ne tìgi, Ala b'a fɔ o kuma bila ɲumanya dɔ b'i ye anw yɔrɔ, tɔɲɔni foyi tɛ i ye bi fana, sɛbɛnfɛn dɔ bɛ bɔ a b'a kɔnɔ: n bɛ seereya ko tìgi foyi tɛ yen fo Ala wa n bɛ seereya ko Mamadu y'a ka jɔn n'a ka ciden ye, Ala b'a fɔ na n'i ka baarasumalan ye, a b'a fɔ: yaa ne tigi ni ye mun pàpàra ye ani ni sɛbɛnfɛn ninnu? Ala b'a fɔ: i tɛ tɔɲɔ, kira ko sɛbɛnfɛnw bɛ da kaman kelen na ka pàpàra da kaman kelenna,sɛbɛnfɛnw bɛ fɛgɛya, pàpàra bɛ girinya, fɛn foyi tɛ girinya Ala tɔgɔ ma >>.

Kɔ dɔ fɔra kira ye kisi b'a ye, a ko: << ni kɔ n bɛ kɛ dɔnni taali tuma de la>> ne ko : yaa Ala ka ciden, dɔnni bɛ taa cogodi, k'a sɔrɔ anw bɛ ka kurana kalan k'an denw kalan a la, anw denw fana bɛna u denw kalan a la fo ka see kiyama don ma? Kira ko: << i bá bɔnɛra i la ziyadi, ne tun b'i bisigi mɔgɔlafamuyalen dɔ ye Madina dugu kɔnɔ, yali e m'a ye ni yahudiya ni nasara ninnu bɛ ka tawurata ni bibulu kalan, n ka u tɛ ka baara kɛ ni u kɔnɔ fɛn si ye wa !?>>