<< ni mɔgɔ min ko: tìgi foyi tɛ yen fo Ala a kelen do diɲɛɲɔgɔn t'a la, màsaya y'a ta ye tànu fana y'a ta ye a le de bɛ fɛn bɛɛ latigɛ, siyɛn tan

Kira ye kibaruyali kɛ nɛɛma ni kisi b'a ye k'a fɔ ni mɔgɔ min ko: << tìgi foyi tɛ yen fo Ala a kelen do diɲɛɲɔgɔn t'a la, màsaya y'a ta ye tànu fana y'a ta ye a le de bɛ ko bɛɛ latigɛ >>, o kɔrɔ: bàtomá foyi tɛ yen tuɲa na fo Ala a kelen do diɲɛɲɔgɔn t'a la, ani màsaya dafalen kɛrɛnkɛrɛnnen bɛ a le de ye sanuya b'a ye, ani min dɔrɔn ka kan ni tànu ni màjàmuli ye ka fàra kanu ni bonya kan, ani k'a le de ye sé màsa ye foyi t'a dɛsɛ. Ni mɔgɔ min ye nin Alakosuman n taanikasegin siyɛn tan tile kɔnɔ; o bɛ inafɔ mɔgɔ min ye jɔn naani kanhɔrɔnya iburahima den isimayila buruju la o bàraji ɲɔgɔn bɛ o ye, kisi ni nɛɛma b'u fila kan, isimayila buruju sugantira kisi b'a ye ; k'a d'a kan olu de jɔyɔrɔ ka bon ka tɛmɛ tɔw kan.