የነብዊ ሐዲሶች ኢንሳይክሎፒዲያ

"እነዚያን በዱንያ ውስጥ ሰዎችን የሚቀጡን ሰዎች አላህ ይቀጣቸዋል።"

"ነገር አዋሳጅ ጀነት አይገባም።"

"አንድ ጉዞ ላይ ከነቢዩ (የአላህ ሶላትና ሰላም በእርሳቸው ላይ ይስፈንና) ጋር ነበርኩና ኹፋቸውን (የቆዳ ካልሲያቸውን) ላወልቅ ዝቅ አልኩ፤ እሳቸውም: ' እኔ ንፁህ እንደሆነ ነው ያደረግኳቸውና ተዋቸው።' አሉኝና በነርሱ ላይ አበሱ።"

«ሁለት ሴት ልጆች ያሏት አንዲት ሴት ልትለምነኝ መጣች። እኔ ዘንድም ከአንድ ተምር ውጪ አላገኘችም። እርሱንም ስሰጣት ለሁለት ሴት ልጆቿ ሁለት ቦታ ከፋፍላ ሰጠች። ከዚያም ተነስታ ሄደች። ነቢዩም (የአላህ ሶላትና ሰላም በእርሳቸው ላይ ይስፈንና) እኔ ዘንድ ሲገቡ ሁኔታውን ነገርኳቸው። እርሳቸውም እንዲህ አሉ: "ከእነዚህ ሴት ልጆች አንዳችን ሃላፊነት ወስዶ ለነርሱ መልካምን ላደረገ እነርሱ ለርሱ የእሳት ግርዶሽ ይሆኑለታል።"»

"አደራችሁን ጥርጣሬን ተጠንቀቁ! ጥርጣሬ እጅግ ውሸት የሆነ ወሬ ነውና። አትፈላፈሉ፣ አትሰልሉ፣ አትመቀኛኙ፣ ጀርባም አትሰጣጡ፣ አትጠላሉ (ይልቁንም) የአላህ ባሮች ሆይ! ወንድማማቾች ሁኑ።"

"በፈተና ወቅት አላህን ማምለክ ወደኔ እንደመሰደድ ነው።"

"አላህ በርሱ የላከኝ ቅናቻና እውቀት ምሳሌው መሬት ላይ እንደወረደ ብዙ ዝናብ ምሳሌ ነው። ዝናቡ ካገኘው መሬት መካከል ውሃውን የመጠጠች፣ በዛውም ደረቅ ሳርና በርካታ እርጥብ ሳሮችን ያበቀለች ለምለም መሬት አለች፤ የዘነበውን ውሃ የምታቁርና አላህ በርሷ ሰዎችን የሚጠቅምበት ከርሷም የሚጠጡባት፣ ከብቶቻቸውንና ዘራቸውንም የሚያጠጡበት ደረቅ መሬትም አለች፤ ይህቺ ዝናብ ሌላም የመሬትን ክፍል አግኝታለች። ይህም የመሬት ክፍል ወይ ውሃን አያቁር ወይ ሳር አያበቅል የሆነ ለጥ ያለ ደረቅ መሬት ነው። ይህም ምሳሌ አላህ እኔን የላከበት የሆነውን የአላህን ሃይማኖት ተገንዝቦ አላህ በዲኑ ተጠቃሚ ያደረገው፤ ተምሮም ያስተማረ ሰው ምሳሌ እና ለዚህ አላህ እኔን የላከበት ለሆነው ሃይማኖት ራሱንም ቀና ያላደረገ የአላህንም ቅን መመርያ ያልተቀበለ ሰው ምሳሌ ነው።"

"የቁርአን ባለቤት የሆነ ሰው ምሳሌ የታሰረ ግመል ባለቤት አምሳያ ነው። ከተቆጣጠራት (በአግባቡ) ይይዛታል። ከለቀቃት ግን ትሄዳለች።"