Encyclopedia of Prophetic Hadiths

Benn kaw-kaw dafa ñëw ci Yonnente bi -yal na ko Yàlla dolli xéewal ak mucc-, ne ko: tegtal ma jëf joo xam ne su ma ko defee dinaa dugg àjjana, mu ne ko: "dangay jaamu Yàlla te doo ko bokkaale ak dara, di taxawal julliy farata, di joxe asaka, di woor weeru koor" mu ne ko: giñ naa ci ki sama bakkan nekk ci loxoom duma dolli ci lii dara, ba mu demee Yonnente bi -yal na ko Yàlla dolli xéewal ak mucc- daal di wax ne : "ku bëgg a xool nit ku bokk ci waa àjjana, na xool waa jii".

«li ñuy njëkk a àtte ci diggante nit ñi ëllëg bis-pénc mooy dereet ».

"Àjjana am na ab buntu bu ñuy woowe Rayyaan, woorkat yi ñoo cay dugg ëllëg bis-pénc, kenn du ca dugg ku dul ñoom, dañuy wax naan: ana woorkat yi, ñu jug kenn du ca dugg ku dul ñoom, bu ñu duggee ñu tëj ko, keneen du ca dugg".

«ku giñ daal di wax: giñ naa ci Laata ak Hussaa, na wax: laa ilaaha illal-Laahu, ku wax àndandoom ne ko: kaay ñu kàrt na saraxe».

"ku wattu fukki aaya yi njëkk ci saaru Al-Kahf, kon ñu aar ko ci Dajjaal" ci geneenug nettali: "ci mujjug saaru Al-Kahf".

«ku Yàlla nàmm ci moom aw yiw dana ko dégg-loo diine, man nag ab séddalekat kepp laa, waaye Yàlla mooy joxe, te xeet wii du deñ di taxaw ci mbiri Yàlla, ku wuute ak ñoom it du leen lor, ba baa mbiri Yàlla di ñëw».

"ñaar a ngi ci nit ñi ag kéefar la: jam ci askan yi, ak yuuxu ku dee".

"deeleen gaawal néew bi, ndax bu dee ku baax la ci yiw ngeen ko jëme, bu dee du loolu nag, kon aw ay la wu ngeen teg ci seen doq yi".