Encyclopedia of Prophetic Hadiths

«ku giñ ci ku dul Yàlla weddi na walla bokkaale na».

«bu sa làmmiñ deñ di tooy ci tudd Yàlla».

«jëf yi juróom-benn la, nit ñi yitam ñent la ñu, ñaar yuy waral, ak yu tolloo, ak benn bu baax ñu ful fo ba mu mat fukk yunimel, ak wenn yiw wuñu ful bamu mat juróom-ñaari téeméer, budee ñaar yiy waral nag mooy: ku faatu te bokkaalewul Yàlla ak dara dana dugg àjjana, ku faatu nag te bokkaale Yàlla ak dara dana dugg sawara. Yi tolloo nag mooy: ku yéene jëf lu baax ba xolam yég ko, Yàlla xam loolu ci moom, dees na ko bindal wenn yiw, ku def lu ñaaw it dees na ko bindal benn bu ñaaw, ku def lu baax ñu bindal ko fukk yu mel ni moom, ku joxe ci yoonu Yàlla yiw wu nekk dees na ko def juroom-ñaari téeméer. Nit ñi nag ñii dañu leen a yaatalal ci àdduna, xatalal leen ca allaaxira, ñii ñu xatalal leen ci àdduna yaatalal leen ca allaaxira, ñii ñu xatalal leen ci àdduna ak ca allaaxira, ñii ñu yaatalal leen ci àdduna ak ca allaaxira».

Gis naa Ammaar ibn Yaasir mu dugg ci jàkka ji daal di julli woyofal julli gi, nee na: ba mu génnee, ma jug dem ci moom, ne ko: yaw Abaa Al-Yaqsaan, woyofal nga de, mu ne ma: ndax dangaa gis ma wàññi ci ay dayoom dara?! Ma ne ko: déedéet, mu ne ma: damaa gaawantu di njëkkante ak yàqi saytaane, dégg naa Yonnente Yàlla bi yal na ko Yàlla dolli xéewal ak mucc mu wax naan: " jaam bi dana julli julli ga, te deesu ko ca bindal lu dul fukkeelu xaaj ba, juróom-ñenteel ba, juróom-ñatteel ba, juróom-ñaareel ba, juróom-benneel ba, juróomeel ba, ñenteel ba, ñatteel ba, genn wall ga".

«bàyyil li la leerul te jëm ca la la leer, ndaxte dëgg ag dal la, fen nag ag jax-jaxi la".

"ku amul kóolute amul ag ngëm, ku amul kóllare amul ag ngëm".

Jenn waay ñëw na ci Yonente bi yal na ko Yàlla dolli xéewal ak mucc ne ko: assalaamu halaykum, mu fay ko mu daldi toog, Yonnente bi ne: "fukk" keneen daal di ñëw ne: assalaamu halaykum wa rahmatu Laah, mu fay ko mu toog, mu wax ne: "ñaar fukk" topp keneen ñëw daal di ne: assalaamu halaykum wa rahmatul Laahi wabarakaatuhu, mu fay ko mu toog, mu ne: "fanweer".

«amul kenn kuy def bàkkaar, jug daal di laab, daal di julli, daal di jéggalu Yàlla, lu dul ne Yàlla dina ko jéggal», mu daal di jàng aaya jii: {ak ña nga xam ne bu ñu defee ñaawteef mbaa ñu tooñ seen bopp dañuy tudd Yàlla daal di jéggalu seen bàkkaar} [ Aali-Imraan: 135].