Encyclopedia of Prophetic Hadiths

Gis naa Ammaar ibn Yaasir mu dugg ci jàkka ji daal di julli woyofal julli gi, nee na: ba mu génnee, ma jug dem ci moom, ne ko: yaw Abaa Al-Yaqsaan, woyofal nga de, mu ne ma: ndax dangaa gis ma wàññi ci ay dayoom dara?! Ma ne ko: déedéet, mu ne ma: damaa gaawantu di njëkkante ak yàqi saytaane, dégg naa Yonnente Yàlla bi yal na ko Yàlla dolli xéewal ak mucc mu wax naan: " jaam bi dana julli julli ga, te deesu ko ca bindal lu dul fukkeelu xaaj ba, juróom-ñenteel ba, juróom-ñatteel ba, juróom-ñaareel ba, juróom-benneel ba, juróomeel ba, ñenteel ba, ñatteel ba, genn wall ga".

"ku ñaan Yàlla nekk sahiid ci ag dëggu kon Yàlla dana ko jotale ca darajay ña nekk sahiid, donte dafa dee ci kaw lalam".

«wàlle amul gaafal amul, njuuma amul, Safar amul, te nanga daw ki gaana kem ni ngay dawe Gaynde».

"amul benn jullit bu musiba di dal mu wax li ko Yàlla digal: {Innaa lillaahi wa innaa ilayhi raajihuun} [Al-Baxara: 156], Yàlla defal ma aw yiw ci sama musiba bii, te wuutalal ma ko aw yiw, lu dul ne Yàlla dana ka ko wuutalal lu ko gën", nee na: ba Abuu Salamata faatoo ma ne: ana kan ci jullit ñi mooy gën Abuu Salamata? Kër gi njëkk a gàddaay jëm ca Yonente Yàlla bi yal na ko Yàlla dolli xéewal ak mucc, topp ma wax ko, Yàlla daal di ma koy wuutalal Yonente Yàlla bi.

Laaj naa Yonnente Yàlla bi yal na ko Yàlla dolli xéewal ak mucc lu baax ak lu bon, mu wax ne: "lu baax mooy rafet jikkó, lu bon mooy luy dengi-dengi ci sa dënn, nga bañ nit ñi gis ko".

"Jëf yi mi ngi aju ci yéene yi, te nit ku nekk la mu yéene rekk lay am, képp ku gàddaay ngir Yàlla ak ub Yonenteem, kooku gàddaayam dina jëm ci Yàlla ak Yonenteem, waaye képp ku gàddaay ngir àdduna jum soxlaa jot walla jigéen ju mu bëgg a takk kon gàddaayam jëm na ca la ko tax a gàddaay".

«jëf yi mi ngi aju ci yéene ja, te nit ku nekk la mu yéene rekk lay am, képp ku gàddaay ngir Yàlla ak ub Yónenteem, koo ku gàddaayam dina jëm ci Yàlla ak Yónenteem, waaye képp ku gàddaay ngir àdduna jum soxlaa jot, walla jigéen ju mu bëgg a takk; kon gàddaayam jëm na ca la ko tax a gàddaay" ci beneen nettali ci Al-Buxaarii: "jëf yi mi ngi aju ca yéene ya, te nit ku nekk la mu yéene rekk lay am».

«Yàlla sadd na misaal ci yoon wu jub, te ci ñaari wetu yoon wi am na ñaari miir yu am bunt yu ubbeeku, ci bunt ya am ay rido yu ñu yoor, te ci buntu yoon wi am na kuy woote naan: “Yéen nit ñi! Duggleen ci yoon wi, te buleen jàdd. Am beneen wootekat buy woote nekk ca kaw yoon wa, bu bëggee ubbi dara ca bunt ya, mu ne ko: toskare ñeel na la bu ko ubbi, ndax boo ko ubbee da nga ca dugg. Yoon wa mooy Lislaam, ñaari miir yi: ñooy digi Yàlla yi, (fimiy yamlu) bunt yu ubbeeku yi: mooy terey Yàlla yi, kooku di woote ci boppu yoon wi: mooy Téereb Yàlla bi, kiy woote ci kaw yoon wi: mooy kiy waarekate ci Yàlla xolu jullit bu nekk».