Skip to content
732 Hadiths

Encyclopedia of Prophetic Hadiths

Filter results

7 of 732 cards

Clear filters

التصنيف الشرعي

"su ngeen wakkirlu woon ci Yàlla dëgg-dëggi wakkirlu, kon dana leen wërsëgal kem ni muy wërsëgale picc yi, day xëy nekk ku woos xiif di gont biir bi fees dell".
Wér na Imaam Ahmad ak At-Tirmisiyyu ak An-Nasaa-yyu ak Ibnu Maaja ak Ibnu Hibbaan ci Sahiiham ak Al-Haakim ñoo ko soloo.
التصنيف الشرعيفضائل أعمال القلوب، الأربعون النووية
"bu sa làmmiñ deñ di tooy ci tudd Yàlla".
Wér na Ahmad, ak At-Tirmisiyyu, ak Ibn Maaja ak Ibn Hibbaan ñoo ko soloo.
التصنيف الشرعيفضل الذكر، الأربعون النووية
Maa ngi leen di dénk ragal Yàlla, ak dégg ak topp, donte ab jaam moo leen jiite, képp ku dund ci yéen dana gis wuute gu bari, maa ngi leen di dénk sama sunna si ak sunnay njiit yu jub yi tey jubal, ŋànkleen ci ak séen i dégéj, maa ngi leen di moytandikuloo bir yi ñu sos; ndax bidaa yépp ag cànkute la".
Wér na Abóo Daawuda soloo na ko, ak At-tirmisiy.
التصنيف الشرعيالصحابة وفضلهم، الأربعون النووية، حق الإمام على الرعية، أهمية السنة ومكانتها
"doomu Aadama feesalul lenn ndab lu yées biiram, doy na sëkk doomu Aadama ji lekk gu mu taxawale ndiggam li, bu manut a ñàkk, kon na def biiram ñatti xaaj benn ba ngir lekkam, beneen ba ngir naanam, ñatteelu xaaj ba ngir noyyeem".
Wér na Imaam Ahmad ak At-Tirmisiyyu ak An-Nasaa-yyu ak Ibnu Maaja ñoo ko soloo
التصنيف الشرعيالأربعون النووية، ذَمُّ الهوى والشَّهوات
"Bàyyil looy sikk-sàkka jëm ci loo sikk-sàkkawul".
Wér na At-Tirmisiyyu ak An-Nasaa-iyyu ñoo ko soloo.
التصنيف الشرعيالتعارض والترجيح، الأربعون النووية
"laaj nga lu màgg, waaye lu yomb la ci ku Yàlla yombalal: dangay jaamu Yàlla te doo ko bokkaale ak dara, di taxawal julli, di joxe asaka, di woor weeru koor, di aj Màkka, topp mu ne: ndax duma la tegtal bunti yiw yi, woor ab pakk la, saraxe day far njuumte kem ni ndox di faye sawara, ak jullig nit ki ci digg guddi gi, topp mu jàng: {séen wet ya day sori lal ya} ba egg {li ñuy def}, topp mu ne: ndax duma la xibaar bopp mbir mi ak kenoom ak njobbaxtalu jégénam, ma ne ko: ahakay yaw Yonente Yàlla bi, mu ne: boppu mbir mi mooy lislaam, kenoom mooy julli, njobbaxtalu jégénam mooy jihaad, topp mu ne: ndax duma la xibaar li jiital loolu lépp, ma ne ko ahakay yaw Yonnente Yàlla bi! Mu jàpp ci làmmiñam daal di ne: téyeel sa lii, ma ne ko: yaw Yonente Yàlla bi! Mo ndax dees nuy jàppe li nuy wax, mu wax ne: na la sa yaay ñàkk rekk, mo ndax dara dana këpp nit ñi ca seen kanam ya walla mu ne ca seen gémmiñ ya lu dul seen góobiti làmmiñ"!
Wér na At-tirmisiy soloo na ko.
التصنيف الشرعيالأربعون النووية، الإسلام
"Yaw ngóor si dinaa la xamal ay waat: wattul Yàlla kon Yàlla dina la sàmm, nanga bàyyi xel Yàlla kon mu féete la fépp, booy ñaan ñaanal Yàlla, booy sàkku ndimbal na nga dimbandikoo Yàlla, te nga xam ne bu ñépp daje woon ngir jariñ la ci dara duñu ko man lu dul lu Yàlla dogal ci yaw ba noppi, bu ñépp daje woon it ngir lor la ci dara duñu ko man lu dul lu Yàlla dogal ci yaw ba noppi; ndax teggi nañu bindukaay ya, te àlliwo ya wow na".
Wér na At-Tirmisiyyu moo ko soloo ak ñeneen.
التصنيف الشرعيالأربعون النووية، الإيمان بالقضاء والقدر، توحيد الربوبية