Encyclopedia of Prophetic Hadiths

Nekkoon naa ak Yonnente bi -yal na ko Yàlla dolli xéewal ak mucc- cib tukki, ma nar a summi ñaari saŋam yi, mu ne ma: "bàyyileen, dama leen cee dugal ñu di ñu laab" mu masaa ca seen kaw.

«Ku jàpp te rafetal njàpp ma, ay ñaawtéefam day génn ci aw yaramam bay génn ci ay weyam».

Tegal naa Yonnente bi sangukaay, ma làqe ko ab sér, mu sotti ci ñaari loxoom, daal di leen di raxas, mu sotti ci ndayjooram ci kaw càmmooñam daal di raxas awraam, mu teg loxoom ci suuf daal di koy fomp, topp mu raxas ko, mu daal di gallaxndiku daal di saraxndiku, daal di raxas kanamam ak ñaari loxoom, mu daal di sotti ci kaw boppam, mu daal di tooyal mbooleem yaramam, mu daal di randu, daal di raxas ay tànkam, ma jox ko ab moorso te jëlu ko, mu wéy dem di fëgg ay loxoom.

Benn waay dafa jàppu daal di bàyyi barab buy tollook aw weh ci ay ndëggoom Yonnente bi-yal na ko Yàlla dolli xéewal akmucc- gis ko ne ko:"dellul te rafetal sa njàppu mi" mu dellusi,daal di julli.

Yonnente bi yal na ko Yàlla dolli xéewal ak mucc bu daan jug guddi day socc.

«jempleen Seen mustaas yi, te yar sikkim yi».

Gis naa Amr ibn Abii Hasan mu laaj Abdullah Ibn Saydin, nu Yónente bi doon jàbbee, mu laaj ndab lu def ndox, daal di jàpp njàppum Yonnente bi -yal na ko Yàlla dolli xéewal ak mucc-, mu sotti ci loxoom, raxas loxo yi ñatti yoon, mu daal di dugal loxoom ci ndab li daal di gallaxndiku daal di saraxndiku daal di fiiru ci ñàtti tanq,mu daal di dugalaat loxoom daal di raxas kanamam ñatti yoon,daal di raxas loxoom ba ci coñc yi ñaari yoon,mu dugalaat loxoom daal di masaa boppam yóbb ko ci kanam ak ci ginnaaw benn yoon,mu daal di raxas ñaari tànkam ba ci dojor yi.

Yonnente Yàlla bi -yal na ko Yàlla dolli xéewal ak mucc- da maa yónni ci jenn aajo, ma am janaba te amuma ndox, ma xalangu ci suuf si kem ni daaba di xalangoo, ma ñëw ci Yonnente bi -yal na ko Yàlla dolli xéewal ak mucc-, nettali ko loolu, mu ne ma: "doon na la doy rekk nga def nii say loxo" mu dóor ay loxoom ci suuf benn dóor, daal di masaa càmmooñam ci kaw ndayjoor bi, ak bitti ténq yi ak kanam gi.