Enciklopedia e Hadithit të Pejgamberit

“Një grua e varfër më erdhi me dy vajzat e saj dhe unë ia dhashë tri hurma. Ajo secilës i dha nga një hurmë. Teksa ajo hurmën e mbetur e ngriti te goja për ta ngrënë, të bijat ia kërkuan hurmën për ta ngrënë, kështu që ajo hurmën që donte ta hante e ndau përgjysmë, për të dyja vajzat. Mua më mahniti gjesti i saj, andaj veprën e saj ia tregova të Dërguarit të Allahut ﷺ, i cili tha: “Allahu me këtë vepër e futi atë në Xhenet, - ose ka thënë: - me këtë vepër e liroi nga Zjarri.”

“Kushdo që përkujdeset për dy vajza, derisa të rriten, në Ditën e Kiametit do të jetë afër meje kështu,- dhe i bashkoi gishtat."

“A doni t'ju tregoj për një gjë, me të cilën Allahu jua fshin mëkatet dhe jua lartëson gradat?” - Posi, o i Dërguari i Allahut! - thanë të pranishmit. Ai tha: “Përsosja e abdesit në kohë vështirësie, hapat e shumtë për në xhami dhe pritja e namazit pas namazit, kjo konsiderohet "ribat" (qëndrim në gatishmëri ushtarake nëpër kufij).”

“Teksa një njeri po ecte nëpër një rrugë, hasi në një degë me gjemba, të cilën e largoi nga rruga. Allahu në shenjë mirënjohje për këtë, ia fali mëkatet.”

“Të bërit rojë një ditë në luftë në rrugën e Allahut është më e çmueshme sesa tërë dynjaja dhe ç'ka në të. Një copë toke sa kamxhiku, në Xhenet, është më e çmueshme sesa tërë dynjaja dhe ç'ka në të. Marshimi i robit në rrugën e Allahut është më i çmueshëm sesa tërë dynjaja dhe ç'ka në të.”

“Dinari (monedhë e artë) më i mirë që e shpenzon njeriu është dinari të cilin e shpenzon për familjen e vet, pastaj dinari që e shpenzon për kafshën e vet në rrugën e Allahut dhe dinari të cilin e shpenzon për shokët e vet në rrugën e Allahut.” Ebu Kilabe ka thënë: "(Pejgamberi)Filloi me familjen." Pastaj Ebu Kilabe tha: "Cili njeri ka shpërblim më të madh sesa ai i cili shpenzon për fëmijët e tij të vegjël, ua ruan nderin, ose Allahu u sjell dobi atyre nëpërmjet tij dhe ua plotëson nevojat."

“Allahu i Madhërishëm nuk fle e as i ka hije të flejë. Ai e ul peshoren dhe e ngre atë. Punët e bëra natën ngrihen tek Ai para punëve të ditës, dhe punët e ditës para punëve të natës. Perdja e Tij është drita, - kurse në një transmetim: zjarri, - nëse do ta largonte atë, shkëlqimi i Fytyrës së Tij do të digjte çdo krijesë që arrin shikimi i Tij.”

“Pesë namazet ditore, namazi i xhumasë deri në namazin e xhumasë tjetër dhe Ramazani deri në Ramazanin tjetër janë falje për gjynahet e bëra mes tyre, nëse njeriu ruhet prej gjynaheve të mëdha.”