د نبوي احاديثو پوهنغونډ

د رسول الله صلی الله علیه وسلم ځینو صحابه کرامو ته د قدر شپه په وروستیو اوو شپو کې په خوب کې وښودل شوه، نو رسول الله صلی الله علیه وسلم وفرمایل: «زه ګورم چې ستاسو خوبونه د وروستیو اوو شپو په اړه سره موافق شوي دي، نو څوک چې د قدر شپه لټوي، نو په وروستیو اوو شپو کې دې ولټوي».

کله به چې ( د رمضان د میاشتې وروستۍ) لسیزه داخل شوه نو شپه به یې رڼا کړه او خپله کورنۍ به یې ( د شپې) راویښه کړه او (د عبادت لپاره به یې) ملابند کلک کړ.

"څوک چې د قدر شپه پر هغې د ایمان لرلو او ثواب په نیت - په عبادت - کې تیره کړي، د هغه تېر ګناهونه به وبخښل شي".

«د رمضان په وروستیو لسو شپو کې د قدر شپه ولټوئ».