Skip to content
721 Hadiths

Encyclopedia of Prophetic Hadiths

Filter results

76 of 721 cards

Clear filters
Wẽnd Tẽn-tʋʋma (Wẽnd pʋʋsg la A tɩlgr be a yĩnga) wilgɑ tõnd tʋlsem doɑɑg kɑrengo (ẖʋtbatʋ alhaaǧa): Pẽgr be ne Wẽnde, d kot-A lɑ sõngre lɑ d kot-A yɑɑfgo, lɑ d kot-A gũudum n yi d yõyã wẽngɑ, Wẽnd sẽn kãnd-ɑ bũmb pɑ tõe n menes-ɑ ye, lɑ A sẽn menes-a pεεgd pɑ be ne-ɑ ye, lɑ m mɑɑn kɑset tɩ soɑb sẽn nɑ n tũ n tɩlg kɑ be rẽndɑ Wẽnde, lɑ m mɑɑn kɑset t'ɑ Mʋhɑmmɑd yɑɑ A yɑmbɑ lɑ A Tẽn-tʋʋmɑ, {Yãmb ɑ nebã! Zoe-y y Soɑb ning sẽn nɑɑnɑ yãmb n yi yõor ɑ yembrã, lɑ A nɑɑn ɑ pɑgã n yi yõorẽ wã, lɑ A sẽeg sẽn tũ ne b yiibã rɑop wʋsgo lɑ pɑgbɑ, lɑ y zoe Wẽnde Naab ning yãmb sẽn yõkd tɑɑb sεεg ne A yʋʋrã lɑ y zoe rogmã, ɑd Wẽnd yɩɩme n yɑɑ gũusdɑ ne yãmbɑ}، [Annisɑ'ʋ: 1]. { Yãmb ɑ neb nins sẽn kõ sɩd ne Wẽnde! Zoe-y Wẽnde A zoees tεkẽ lɑ y rɑ wɑ ki rẽndɑme tɩ yãmb yaɑ sɑk n tũ rãmbɑ} [Aɑlʋ ʿɭmrɑɑn: 102], {Yãmb ɑ neb nins sẽn kõ sɩd ne Wẽnde! Zoe-y Wẽnd lɑ y yeel koεεg sẽn yɑɑ tɩrgɑ (70) t'A nɑ mɑneg yãmb tʋʋmã lɑ A yɑɑf yãmb zũnuub-rãmbã lɑ sẽn tũudɑ Wẽnd lɑ A Tẽn-tʋʋmã, ɑd ɑ soɑb pɑɑmɑ pʋɩɩr sẽn yɑɑ zɩsgo} [Al-Ahzɑɑb: 70-71].
Naṣʋn Ṣahɩɩhʋn (Gom-sikdem sẽn manege) A Abʋʋ Daawʋʋd la a At-tirmizii la a An-nasaa'ɩy la ɭbn Maaǧa la a Ahmad n reeg-a.
التصنيف الشرعيالأدعية المأثورة، أحكام خطبة وصلاة الجمعة، أحكام وشروط النكاحموضوعات الحديثالذِّكْر، أحكام الأسرة، التقوى، صلاة الجمعة
«Dũni wã ka yikd halɩ tɩ zãmaanã wa tʋg n pẽneg taaba, rẽnd yʋʋmd na n wa lebga wala kiuugu, tɩ kiuug lebg wala arzũma, tɩ arzũm lebg wala raare, tɩ raar lebg wala wakato (lεεre), tɩ wakat lebg wala tama-tɩɩg vãoog yõogre».
Naṣʋn Ṣahɩɩhʋn (Gom-sikdem sẽn manege) A Ahmad n reeg-a
التصنيف الشرعيأشراط الساعةموضوعات الحديثأشراط الساعة
«Ned ning sẽn kaaga bãada, t'a kũumã ka ta, n yeel a nengẽ noor a yopoe: "As'alʋ Allaah Al-ʿazɩɩm, Rabbi Al-arš Al-ʿazɩɩm, an yʋšfɩyaka= m kota Wẽnd sẽn yaa Zɩsgã, sẽn yaa Al-arš-Zɩsgã Naabã, t'A maag f bãagã" Rẽndame tɩ Wẽnd sik-a n yi bã-kãngã»
Naṣʋn Ṣahɩɩhʋn (Gom-sikdem sẽn manege) A Abʋʋ Daawʋʋd la a At-tirmiiziy la a Ahmad n reeg-a
التصنيف الشرعيالرقية الشرعية وأحكامها
«Ned kõ n kẽ Bugmã lae, rao sẽn seet Badr la Hʋdaybiyya»
Naṣʋn Ṣahɩɩhʋn (Gom-sikdem sẽn manege) A Ahmad n reeg-a la a yẽgre bee a Muslim gaf-manegdgã pʋgẽ.
التصنيف الشرعيالصحابة وفضلهم
Raoa n sok Wẽnd Tẽn-tʋʋmã, (Wẽnd pʋʋsg la A tɩlgr be a yĩngɑ) n yeele: Wẽnd Tẽn-tʋʋmã, ad tõnd kẽeda mogre la tõnd zãada koom bilfu, d sã n yõg koom ne-a ko-yũud na n yõka tõndo, rẽ yĩnga d tõeeme n yõk ne mogrã koom bɩɩ? Tɩ Wẽnd Tẽn-tʋʋmã yeele (Wẽnd pʋʋsg la A tɩlgr be a yĩngɑ): «Ad yaa yẽ bal la koom ning sẽn tõe n tall n yɩlgã, t'a gɩf me yaa halaale».
Naṣʋn Ṣahɩɩhʋn (Gom-sikdem sẽn manege) A Abʋʋ Daawʋʋd la a At-tirmizii la a An-nasaa'ɩy la ɭbn Maaǧa la a Ahmad n reeg-a.
التصنيف الشرعيأحكام المياه
Mam rag n bee ne Nabiyaamã (Wẽnd pʋʋsg la A tɩlgr be a yĩngɑ) so-toak pʋgẽ, tɩ mam yɩ raar a yembr n pẽneg-a n yɩɩde, tɩ tõnd kẽnda, tɩ mam yeele: Wẽnd Tẽn-tʋʋmã, kõ maam kibar ne tʋʋmde, sẽn kẽesd maam arzãna, la zãagd maam Bũgmã, t'a yeele: «Sɩd la hakɩɩka f sok yel-zɩsg kibare, la ad yaa naana ne Wẽnd sẽn yols a soaba, tũ Wẽnde, n ka maan lagem-n-taar ne-A baa fʋɩ, la f yãnes ne Pʋʋsgo la f kõ Zaka, la f loe Ramadaan, la f kaag Roogã». Rẽ poorẽ t'a yeele: «M kõn n tees foom n tʋg yel-sõmã wã ragnoore: no-loeerã yaa gãngo, la doaagã kiisda tʋʋm tuuti wã wala koomã sẽn kiisd bugumã, rao Pʋʋsg yʋn-sʋka». A yeelame: rẽ poorẽ t'a kareme: «{B kɩremsã lɑkdɑme n bɑsd gãasã zĩisi} halɩ n tʋg n tãag {n tʋmdẽ wã rolbo.}». Rẽ poorẽ t'a yeele: «M kõn n kõ foom kibar ne yellã zu-raoogã la a zeng-raoogã la a yʋgem zegrã»? Tɩ m yeele: n-yee Wẽnd Tẽn-tʋʋmã, t'a yeele: «Yellã zu-raoog yaa lɩslaangã, la a zeng-raoogã yaa Pʋʋsgã, la a yʋgemdã zegrã yaa Gihaadɩ wã». Rẽ poorẽ t'a yeele: «M kõn n wilg foom ne woto tallg fãa gilli?» Tɩ mam yeele: n-yee, Wẽnd Tẽn-tʋʋmã. T'a gãd mam zelemdã n yeele: «Gãd fo wãndɩ wã». Tɩ mam yeele: Wẽnd Nabiyaamã, rẽ yĩnga b na n yõka tõnd ne d sẽn gomdã bɩɩ? T'a yeele: «Ad f ma kongo-f wε Muʿaɑz, rẽ yĩnga b fõgemda nebã Bugmẽ wã b nemsã zutu maa b yεgã zutu, tɩ sã n ka b zɩlmã sẽn kẽebã».
Ṣahɩɩhʋn bɩ Maǧmuuʿ Ṭʋrʋƙɩhɩ (A manegame tɩ b sã n lagem a sõya fãa gilli) A At-tirmiiziy la a ɭbn Maaǧa la a Ahmad n reeg-a
التصنيف الشرعيالإسلام
Wẽnd Tẽn-tʋʋmã (Wẽnd pʋʋsg la A tɩlgr be a yĩnga) a ra yɩɩme n nong doos nins sẽn tigimã la a basd zẽng sẽn ka rẽ.
Naṣʋn Ṣahɩɩhʋn (Gom-sikdem sẽn manege) A Abʋʋ Daawʋʋd la a Ahmad n reeg-a
التصنيف الشرعيآداب الدعاء
«Ned ning sẽn tõog n gũus rakaar a naase taoor tɩ Zafar na n ka ta, la rakaar a naase a poorẽ, Wẽnd maandame tɩ yẽnda yaa haraam ne Bugum».
Naṣʋn Ṣahɩɩhʋn (Gom-sikdem sẽn manege) A Abʋʋ Daawʋʋd la a At-tirmizii la a An-nasaa'ɩy la ɭbn Maaǧa la a Ahmad n reeg-a.
التصنيف الشرعيالسنن الرواتب