Encyclopedia of Prophetic Hadiths

«B sã n rag n kõta nebã ne b yeelgã, neb n rag n na n bao (ne wẽgdo) neb a taab arzεk la b zɩɩm, la ad daliil zaoo ned ning sẽn yetɑ wã, tɩ wẽeneg be ne ned ning sẽn kɩɩsã wã».

«Ad mam sẽn yεεsd yãmb zugẽ n tʋg n yɩɩda, yaa lagm-n-ta-bila». Tɩ b yeele: yaa bõe la lagem-n-ta-bila Wẽnd Tẽn-tʋʋmã? T'a yeele: «yaa maan-tɩ-b-yã, Wẽnd yeta dũni yikr raarã, (A Naam yɩ wagell n zẽke), b sã n wa rol nebã b tʋʋmã: kẽng-y neb nins nengẽ yãmb sẽn da maan tɩ b yãt dũni wã, n tʋg n gese rẽ yĩnga yãmb na n pɑɑmɑ rolb b nengẽ bɩɩ?».

«B na n yeela Alkʋrãan soab laahr raare : karem la f rʋ, la f karem wala f sẽn da yɩ n tũnigd dũni kaanẽ wã, ad fo dargε wã tεkɑ yaa Aaya baasdg fo sẽn na n kɑrem-ɑ zĩigẽ».

M yeelame: Wẽnd Tẽn-tʋʋma, tõnd yembr fãa pag hakε sẽn zao-a yaa bõe? T'a yeele: «Yaa f rɩlg-a tɩ f sã n rɩ, la f yeelg-a tɩ f sã n yeelge, la f ra pãb nengẽ ye, la f ra yet t'a yaa rao-wẽng ye, la f ra wãag n bas-a rẽnda gãagẽ wã bala».

«Wʋsg-y wʋm-noodã wurdã yell tẽegre» Rat n yeel tɩ yaa kũumã.

«A rag n yɩɩme t'a sã n vẽeg beoogo a yeteme: M Soab A Wẽnde, d vẽega beoog ne Fo yʋʋrã, la d ta zaabr ne Fo yʋʋrã, la ne Fo yʋʋrã la d vɩ la ne Fo yʋʋrã la d kiida, la d lebgr zĩig yaa Fo nengẽ» la a sã n ta zaabre, a yetame: «D taa zaabr ne Fo yʋʋrã la d vẽega beoog ne Fo yʋʋrã, la ne Fo yʋʋrã la d vɩ la ne Fo yʋʋrã la d kiida, la d lebeng zĩig yaa Fo nengẽ». La vugri a yeelame: «Lebgr zĩig yaa Fo nengẽ».

«Ad Wẽnd gãndg n basa maam zamã wã, tudgr la yĩmbu la b sẽn modg-b tɩ b maan bũmb ningã».

«Yaa sɩda ad dũni yaa b sẽn kãab a soaba, n kãab sẽn be dũni pʋgẽ, sã n ka Wẽnd yʋʋr tẽegre, la sẽn wõnd rẽ, la bãngdã maa bãng boaadã».