Encyclopedia of Prophetic Hadiths

«Bũmb ka paamd lɩslaamã sẽn yaa yaamse, la bãase, la yɩɩgre, la sũ-sãanga, la nango, la pakre, halɩ n tʋg n tãag gõaag sẽn kõsd-a, rẽndame tɩ Wẽnd yaaf a tʋʋm tuuti wã ne rẽ sabɑbo».

Wẽnd Tẽn-tʋʋma, (Wẽnd pʋʋsg la A tɩlgr be a yĩnga), a karema Aayae-kãngã {Yẽndɑ n sik Gɑfã fo zugu tɩ Aayɑy-rãmb mɑɑnɑ sẽn yɑɑ vẽenegɑ be ɑ pʋgẽ, lɑ yɑɑ rẽ lɑ gɑfã yẽgrã, lɑ ɑ sãndɑ mɑɑnɑ pɑ vẽeneg ye, lɑ kedgrã sẽn be b rãmb sũyẽ wã, bãmb pʋgdɑ gẽdem-gẽdmã, tɩ yɑɑ yεl bɑoobo lɑ ɑ welsgo ne bãmb yõe yɑm-leoogo, lɑ yɑool n pɑ mi ɑ võorã rẽndɑ Wẽnde, lɑ sẽn tɑɑb tẽkɑ bãngr pʋgẽ wã yetɑme: " tõnd kõo sɩd ne-ɑ, fãɑ yii tõnd Soɑbã nengẽ". Lɑ pɑ tɑgsd n getẽ rẽndɑ yɑm-bεεl rãmbɑ.} [Aalʋ ɭmraan: 7], d ma a Aɑɩsa yeelame: Wẽnd Tẽn-tʋʋma, (Wẽnd pʋʋsg la A tɩlgr be a yĩnga), yeelame: “rẽnd fo sã n yã neb nins sẽn pʋgd mɑɑnɑ sẽn pɑ vẽenegã, Alkʋrãanã pʋgẽ wã, bɩ f bãng tɩ yaa bãmb la Wẽnd sẽn pʋdã, bɩ f gũus-ba».

Wẽnd Tẽn-tʋʋm rɑ yɩɩme (Wẽnd pʋʋsg la A tɩlgr be a yĩnga) t'ɑ sã n sɑ ɑ Pʋʋsgã ɑ mɑɑndɑ Astɑgfɩrʋ-Llɑɑh noor ɑ tãɑbo, lɑ ɑ yeele:« Allɑhʋmmɑ Antɑ-Ssɑlɑɑm, wɑ minkɑ-ssɑlɑɑm, tɑbɑɑrɑktɑ zɑl-gεlɑɑlɩ wɑl-ɩkrɑɑm», ɑ Wɑlɩɩd yeelɑme: tɩ mɑm yeel ɑ Awzɑɑ'ʿy: Astɑgfɩrʋ-Llɑɑh wã yɩtɑ wãn-wãnɑ? T'ɑ yeele: yetɑme: ɑstɑgfɩrʋ-Llaɑh, ɑstɑgfɩrʋ-Llaɑh.

Tɩ Weoogẽ laarab n wa Nabiyaamã nengẽ (Wẽnd pʋʋsg lɑ A tɩlgr be ɑ yĩngɑ) n wa yeel-a: wilg maam tʋʋmde, tɩ mam sã n maan-a m kẽeda arzãna, tɩ Nabiyaamã yeel-a: «Tũ Wẽnd A Ye, n ra maan lagem-n-taar ne-A ye, la f yals Pʋʋsgã sẽn yaa tɩlae wã, la f kõ Zakã sẽn yaa tɩlae wã, la f loe noore» la a yeel yã: m wẽen ne mam yõorã sẽn be Naab ning nugẽ wã, m ka na n paas baa fʋɩ woto zug ye, la a sẽn wa n loogã, Nabiyaamã (Wẽnd pʋʋsg lɑ A tɩlgr be ɑ yĩngɑ) yeelame: «ned ning sẽn wa n nong n rat n na n ges arzãn neda, bɩ a ges yãwã».

«Ned ning sẽn zãa kom-pugli a yiibu halɩ tɩ b lebg baaligsi, a soab wata dũni yikr raarã maam ne yẽnda» la a mobg a nus-biisã taaba.

«Rẽenem b sẽn na n bʋ nebã ne taab sʋka dũni yikr raarã yaa zɩɩmẽ wã».

«Ad arzãnã pʋgẽ, ragnoor n be tɩ b boond tɩ Ar-Rayyaan (yũ-n-tɩge), tɩ no-loεtbã tũud beenẽ n kẽed dũni yikr raarã, ning-zẽng ka kẽed beenẽ, rẽnda bãmbã, b yetame: no-loεtbã bεε? Tɩ b yik n yals, ned ka kẽed ragno-kãngã zẽng sẽn ka bãmb ye, b sã n wa kẽ n sε, p pagda ragnoorã, tɩ ned baa a yembr ka kẽed-a ye».

«Ned ning sẽn wẽen n yeel a wẽenegẽ wã: ne a Laat la a ʿƲzzaa, bɩ a yeele: "Laa ɩlaaha ɩlla Allaah= soab sẽn na n tũ sɩd-sɩd ka be, sã n pa yɩ ne Wẽnde", la ned ning sẽn yeel a tũud-n-taag: wa tɩ m maan tεntεεg ne-fo, bɩ a maan doaaga».