Encyclopedia of Prophetic Hadiths

«Ad Bugmã koam namsg sẽn wa n yaa faag n yɩɩda, yaa ned sẽn na n tar neooda a yiib sẽn tar yʋʋd a yiibu sẽn yaa Bugum neoodã, t'a kalkõtã kot neoodã wã keelem, tɩ yaa wala rʋk sẽn kot to-to ningã, yẽ ka tẽed tɩ ned a to namsg keelem n leb n yɩɩd-a ye, la ad yẽndã nangã n yaool n yɩɩd yol-yole».

«Dũni wã ka na n yiki halɩ tɩ raoa wa pɩʋʋg a to yaoogo, n yetẽ: kato, m sã n rag be yãwã zĩigẽ wã, ra sãoome».

«Ned ning sẽn wɑ tɩʋʋs bũmb tõnd yel-kãngã pʋgẽ, sẽn pɑ be ɑ pʋgẽ, tʋʋm-kãngɑ pɑ reegd ye».

«B na n pẽnega sɩd-kõta dũni yikr raarã ne a Soabã (A Naam yɩ wagell n zẽke) t'a Soabã maan-a sʋtra a zugu n yi zamã wã, sẽn na yɩl tɩ ned baa a yembr ka bãng a bãongã ye, t'A yεεl-a, rẽ yĩnga fo mii zũnuub-kãngã la zũnuub-kãngã? A togsd-a-la zũnuub-rãmb nins sẽn rag n zĩnd yẽ la a Soabã sʋka, tɩ yambã yeele: n-yee! M Soab A Wẽnde, halɩ tɩ sɩd-kõtã pεleng sã n wa yɩk t'a yεεse, la A sẽn yet-a (A Naam yɩlg yã) ad Mam maan-a-la sʋtr fo zug dũni la M na n yaaf-a lame n bas-f rũnda. Tɩ b kõ-a a tʋʋm sõmsã sebre. La sã n yaa kɩfr la munaafɩka, b boond-a lame zamã wã sʋka, yaa bãmbã la sẽn yags n roglg b Soabã».

«Ad fɩtna-rãmb n na n zĩndi, rẽ poorẽ fitna-rãmb n na n zĩndi, ned ning sẽn zĩ Tẽnga a pʋgẽ, yẽ sõmlem n yɩɩd sẽn kẽnda a pʋgẽ, la ned ning sẽn kẽnda a pʋgẽ, yẽ soaba sõmblem n yɩɩd sẽn yãgda a pʋgẽ, la yaa sɩda, fɩtnã wã sã n wa yɩ, ned ning sẽn tara yʋgma bɩ a pʋg a yʋgmã wã, la ned ning sẽn tara rũmsi bɩ a pʋg a rũmsã, la ned ning sẽn tara pʋʋgo bɩ a kẽng a pʋʋgẽ wã». A yeelame: tɩ raoa yeele: Wẽnd Tẽn-tʋʋmã, la ned ning sẽn ka tara yʋgma, la a ka tar rũmsi, la a ka tar pʋʋgo, a maanda wãnã? La a yeele: «A rɩk a sʋʋgã n mud a noorã ne kugri, rẽ poorẽ bɩ a põsga menga, t'a sã n tõe n põse, m Soab A Wẽnde, rẽ yĩnga m taasame bɩɩ? M Soab A Wẽnde, m taasame? M Soab A Wẽnde, m ka taase?». A yeelame: tɩ raoa yeele: Wẽnd Tẽn-tʋʋmã, kõ-m kibare, sã n mikame tɩ b modga maam n tʋg n kẽes zabd-n-taasã a yiibã yembr rulg (saf) pʋgẽ, maa sul a yiibã a yembr pʋgẽ, tɩ ned kε maam ne a sʋʋga, maa peem wa paam maam n kʋ-ma? La a yeel yã: «Ad yẽ na n tʋka fo zũnuubã la a meng zũnuuba, la a yɩ Bugum neda».

T'a waa Nabiyaamã nengẽ (Wẽnd pʋʋsg la A tɩlgr be a yĩnga) n yeele: Wẽnd Tẽn-tʋʋmã, ad a sʋɩɩtãan gɩdga maam ne m Pʋʋsgã la m karengã sʋka, n liibd maɑm, tɩ Wẽnd Tẽn-tʋʋma (Wẽnd pʋʋsg la A tɩlgr be a yĩnga) yeel-a: «Yãwã yaa sʋɩɩtãan b sẽn boond tɩ Hinzib, fo sã n wa paam-a f Pʋʋsgã pʋgẽ, bɩ f kos gũudum ne Wẽnd n yi-a la f tʋbs f goabgã wεεngẽ noor a tãabo», a yeelame, tɩ mam maan woto, tɩ Wẽnd rig-a n yi maam.

«Wẽnd yeelame (A Naam yɩ wagell n zẽke) Adam biig namsda Maam, a tʋʋda zamaanã, la Maam la zamaanã, bala yellã bee Mam Nugẽ, Maam n leebg yʋng la wĩndga».

«Ned ning b sẽn mong yol-yole, b mong-a-la yel-sõmde».