Encyclopedia of Prophetic Hadiths

Wẽnd Tẽn-tʋʋmã (Wẽnd pʋʋsg lɑ A tɩlgr be ɑ yĩngɑ) yeelame b sẽn na n lob Akaba ( Sʋtãɑnã lobr hegiidẽ wã) raar yibeoogo, t'a yaa sẽn be a yʋgemdã zugu, a yeelame « nog kug-bãaneg n kõ-ma" tɩ mam nog kug-bãaneg a yopoe n kõ-a, b zemsa wala nug-biis gãd n lobe, t'a tẽgd-b a nugẽ wã la a yetẽ: "lob-y ne bãmbã taaba" rẽ poorẽ t'a yeele: " yãmb a neba, m kengda yãmba ne maan-n-zʋʋg dĩinã pʋga, ad bũmb ning sẽn da halk sẽn reng-b yãmb taoorã yaa maan-n-zʋʋg dĩinã pʋgẽ».

«Adem biig ka pids yolg tɩ yaa wẽnga, n yɩɩd pʋg ye, seka Adem biiga, rɩ-bers sẽn na tẽeg a poorã, la sã n mikame tɩ yaa tɩlae t'a rɩ, bɩ a pʋɩ tãabo, a yembrã rɩɩb yĩngã, la yembrã yũubã yĩnga, la yembrã yaa a vʋʋsgã yĩnga».

«Bas bũmb ning sẽn maand foom sika la f maan sẽn ka maand foom sika».

«B zẽka kaal moogo n bɑs neb a tãabo, gõeta halɩ t'a wa tʋg n neke, la bi-bilfu hal t'a tʋg n ta zãmsdo, la gãeenga hɑlɩ t'a wa tʋg paam yam»

«B na n yeela Alkʋrãan soab laahr raare : karem la f rʋ, la f karem wala f sẽn da yɩ n tũnigd dũni kaanẽ wã, ad fo dargε wã tεkɑ yaa Aaya baasdg fo sẽn na n kɑrem-ɑ zĩigẽ».

«Wʋsg-y wʋm-noodã wurdã yell tẽegre» Rat n yeel tɩ yaa kũumã.

«A rag n yɩɩme t'a sã n vẽeg beoogo a yeteme: M Soab A Wẽnde, d vẽega beoog ne Fo yʋʋrã, la d ta zaabr ne Fo yʋʋrã, la ne Fo yʋʋrã la d vɩ la ne Fo yʋʋrã la d kiida, la d lebgr zĩig yaa Fo nengẽ» la a sã n ta zaabre, a yetame: «D taa zaabr ne Fo yʋʋrã la d vẽega beoog ne Fo yʋʋrã, la ne Fo yʋʋrã la d vɩ la ne Fo yʋʋrã la d kiida, la d lebeng zĩig yaa Fo nengẽ». La vugri a yeelame: «Lebgr zĩig yaa Fo nengẽ».

Rɑ-wãbdgã yaɑ yɩlgr ne noorã, n yɑɑ yɑrdɑ ne Soɑbã».