Encyclopedia of Prophetic Hadiths

"Ned sã n zab n sõng a ma-bi taag burkĩnd lillgri, Wẽnd na n tusa a nengã n yi Bigmã yikr raarã".

«Mam sega a ɭbraahɩɩm yʋng ning b sẽn kẽnes maamã, t'a yeele: Mʋhammad, taas f zãmã wã mam sallem, la kõ-b kibar tɩ ad arzãnã tomã yaa sõma, a koomã yaa noogo, la ad a yaa zĩ-peelle, tɩɩs ka be ye, la a tɩɩsã selb yaa "Sʋbhaanallaah, wa Alhamdu lillaah, wa laa'ɩlaaha ɩllallaah, wa Allahʋ akbarʋ= yɩlgemd be ne Wẽnde, pẽgr be ne Wẽnde, la soab ka be rẽnda Wẽnde, la Wẽnd n yɩɩd bedrem».

«Koom sã n ta sĩntog a yiibu rẽgd ka leb n kẽed-a ye».

Wẽnd Tẽn-tʋʋma (Wẽnd pʋʋsg la A tɩlgr be a yĩnga) ra yɩɩme t'a sã n na n tĩsi a ningda a nugã -maa a fuugã- a noorẽ, n lud a koεεga -ne rẽnda-.

«Ra wa bao-y pʋ-bεda n wa tall yamleoog ne dũni wã ye».

«Ned ning sẽn yeela "bismillaahɩ allazɩɩ lɑɑ yɑḍʋrrʋ, mɑ'ʿɑ ɩsmihii, šay'ʋn fɩll'arḍi, wɑ lɑɑ fɩs-sɑmɑɑɩ, wɑ huwɑ As-sɑmii'ʿu Al-ʿAlɩɩm.= Ne Wẽnd yʋʋrã, Naab ninga tɩ b sã n tẽeg A yʋʋrã, bũmb ka namsd-f ye, pɑ Tẽngã pʋga, pa saagã zugu, la Yẽnda yaa Wʋmda n yaa Mita" noor a tãabo, baolleg lindg ka paamd yẽnda halɩ t'a wa tʋg n vẽeg beoogo. La ned ning sẽn yeel-a noor a tãabo a sẽn wat n vẽeg beoogo, masɩɩb lingdg ka paamd-a halɩ t'a wa tʋg n ta zaabre». A yeelame: Tɩ yĩn-bogr kũum paam a Abbaan ɭbn ʿƲsmaan, tɩ raoa ning sẽn rag n wʋm hadiisã a Abbaan nengẽ wã tar a gesgo, t'a Abbaan yeel-a: yaa bõe tɩ fo get maam, m wẽen ne Wẽnd, mam ka yag zĩri n rogl a ʿƲsmaane, la a ʿƲsmaan me ka yag zĩri n roglg Nabiyaamã ye, la ad raar ning bũmbã sẽn paam maamã, mam rag n gẽeme n yĩme n ka yeel-a ye.

«Ned ning sẽn kollɑ keelem soɑbɑ, mɑa ɑ bɑsɑ bũmb tɩ lʋɩ sɑmdẽ wã, sɑm soɑbã yĩngɑ, Wẽnd kẽesd-ɑ-lɑ Al-Arsã mɑɑsmẽ dũni yikr rɑɑrã, rɑɑr ning mɑɑsem sẽn kɑ be tɩ sã n kɑ A mɑɑsmã».

«Yaa sɩda, ad sã n wa beẽ, neb n na n zĩndi tɩ mam hadiis (gomd) wa tʋg n ta a nengẽ, t’a yaa sẽn kɩll a zaoog zugu, n yetẽ : « ad tõnd ne yãmb sʋka yaa Wẽnd Gafã bal n be d sʋka, bũmb ning tõnd sẽn mik Wẽnd Gafã pʋgẽ tɩ yaa halaalã, d na n maaname tɩ yaa halaale, la d sẽn mik a pʋgẽ tɩ yaa haraam d na n maaname tɩ yẽ yaa haraam, la hadiis ka pak tõnd ye, la b bãng tɩ bũmb ning Wẽnd Tẽn-tʋʋmã (Wẽnd pʋʋsg la A tɩlg be a yĩnga) sẽn harm-a, a yaa wala Wẽnd sẽn haram bala».