Encyclopedia of Prophetic Hadiths

Tɩ Weoogẽ laarab n wa Nabiyaamã nengẽ (Wẽnd pʋʋsg lɑ A tɩlgr be ɑ yĩngɑ) n wa yeel-a: wilg maam tʋʋmde, tɩ mam sã n maan-a m kẽeda arzãna, tɩ Nabiyaamã yeel-a: «Tũ Wẽnd A Ye, n ra maan lagem-n-taar ne-A ye, la f yals Pʋʋsgã sẽn yaa tɩlae wã, la f kõ Zakã sẽn yaa tɩlae wã, la f loe noore» la a yeel yã: m wẽen ne mam yõorã sẽn be Naab ning nugẽ wã, m ka na n paas baa fʋɩ woto zug ye, la a sẽn wa n loogã, Nabiyaamã (Wẽnd pʋʋsg lɑ A tɩlgr be ɑ yĩngɑ) yeelame: «ned ning sẽn wa n nong n rat n na n ges arzãn neda, bɩ a ges yãwã».

«Rẽenem b sẽn na n bʋ nebã ne taab sʋka dũni yikr raarã yaa zɩɩmẽ wã».

«Rẽ yẽnga yãmb paamda sõngr la rɩlgre, tɩ sã n ka y nin-valemsã sabab la».

«Ad arzãnã pʋgẽ, ragnoor n be tɩ b boond tɩ Ar-Rayyaan (yũ-n-tɩge), tɩ no-loεtbã tũud beenẽ n kẽed dũni yikr raarã, ning-zẽng ka kẽed beenẽ, rẽnda bãmbã, b yetame: no-loεtbã bεε? Tɩ b yik n yals, ned ka kẽed ragno-kãngã zẽng sẽn ka bãmb ye, b sã n wa kẽ n sε, p pagda ragnoorã, tɩ ned baa a yembr ka kẽed-a ye».

«Ned ning sẽn wẽen n yeel a wẽenegẽ wã: ne a Laat la a ʿƲzzaa, bɩ a yeele: "Laa ɩlaaha ɩlla Allaah= soab sẽn na n tũ sɩd-sɩd ka be, sã n pa yɩ ne Wẽnde", la ned ning sẽn yeel a tũud-n-taag: wa tɩ m maan tεntεεg ne-fo, bɩ a maan doaaga».

«Ned ning Wẽnd sẽn tʋll a soab ne sõma, A fasemd-a-la dĩinã, la ad mam yaa pʋɩta, la ad Wẽnd n kõte, la ad zamã-kãngã ka na n bãk n yas ne Wẽnd sagellã, tɩ ned ning sẽn yõsg-ba ka namsd-b ye, halɩ tɩ Wẽnd yellã wa tʋg n wa».

«Yãg-y ne kũum, sã n mikame t'a yaa sõma rẽnd yaa sõma zĩigẽ la yãmb rabd ne-a, la a sã n pa rẽ, rẽnd yaa wẽng la yãmb sẽn basd y yubliẽ wã».

«Gũus-y ne pagbã nengẽ kõom», tɩ raoa sẽn yaa Madiin nebã yeele: Wẽnd Tẽn-tʋʋmã, la sã n yaa sɩdã rog-pẽtba? La a yeele: «Ad yẽnda yaa kũum».