Encyclopedia of Prophetic Hadiths

Nabiyaamã (Wẽnd pʋʋsg la A tɩlgr be a yĩngɑ) pɩʋʋga yaad a yiibu, n yeele: «Ad b yiibã b namd-b lame, la ad b ka namsd-ba yel bedr poorẽ ye, b yiibã yembrã, yẽnda rag ka yɩ n gũusd a rʋʋdmã tɩ ra mat a mengã ye, la sã n yaa yembrã, yẽ rag n kẽnda ne tẽng-kãn-wẽendo nebã ne taab sʋka», rẽ poorẽ Nabiyaamã rɩka ra-maasre, n wedg-a yiibu, n rɩk yembr fãa n sel yaoog zugu, tɩ b yeele: Wẽnd Tẽn-tʋʋma bõe tɩ fo maan woto? T'a yeele: «tõe tɩ b boog nangã b yĩnga, tɩ b sã n na n ka kʋɩ»".

Wẽnd Tẽn-tʋʋmã (Wẽnd pʋʋsg la A tɩlgr be a yĩnga) ɑ yeelɑ ɑ Mu'ɑɑz ɭbn Gεbɑl, ɑ sẽn wɑ n tʋm-ɑ Yɑmɑnɑ: «Ad fo rabdɑ neb sẽn yɑɑ Gɑf rãmb nengẽ, lɑ fo sã n tɑ b nengẽ, bɩ f bool-bɑ n tʋg kɑset mɑɑnego, tɩ soɑb sẽn nɑ n tũ n tɩlg kɑ be rẽndɑ Wẽnde, lɑ ɑ Mʋhɑmmɑd yɑɑ Wẽnd Tẽn-tʋʋmɑ, tɩ b sã n sɑk n tũ rẽ, bɩ f kõ-b kibɑr tɩ Wẽnd mɑɑnɑ wɑkat ɑ nu tɩ yɑɑ tɩlɑe n rog-bɑ, yʋng lɑ wĩndg fãɑ, tɩ b sã n sɑk n tũ rẽ, bɩ f kõ-b kibɑr tɩ Wẽnd mɑɑnɑ doaɑg tɩ yɑɑ tɩlɑe n rog bãmb zugu, tɩ b reegd rɑkãɑgbẽ wã n kõt b tɑlsã, tɩ b sã n sɑk n tũ rẽndɑ, bɩ f gũus b arzεg yɩlmã reegre, lɑ f zoe b sẽn wẽg ɑ soɑb kãɑbgo, tɩ ɑd lill kɑ be ɑ kosgã ne Wẽnd sʋk ye».

«Neema a yiib n be, tɩ nebã wʋsg bõnd b pʋgẽ: yaa laafɩ la sẽka».

Wẽnd Tẽn-tʋʋmã (Wẽnd pʋʋsg lɑ A tɩlgr be ɑ yĩngɑ) yeela pag sẽn yi Al-ansaar-rãmbã nengẽ, a ɭbn ʿAbbaas pʋda a yʋʋra, la mam yĩma a yʋʋrã: «bõe n gɩdg foom tɩ f ka lagem tõnd n maan hagiimdã? «T'a yeele: Tõnd rag n ka tar sã n ka yʋgem a yiib bala, t'a biigã baaba la a biigã zomb yʋgemd a yembrã la a bas tõnd ne yʋgemd a to wã tɩ tõnd tar yẽnda n wiid koom, tɩ Nabiyaamã yeele: «no-loeerã sã n wa bɩ f maan ʿƲmra, bala ʿƲmrã wã no-loeerã pʋgẽ, a zema hagiimdu».

«Rasem-rãmb ka be tɩ tʋʋm sõmbs noom Wẽnd n yɩɩd rasem-kãensã ye» rat n yeel tɩ rasem piigã, la b yeel yã: Wẽnd Tẽn-tʋʋmã, baa Gɩhaadɩ Wẽnd sorã pʋga? T'a yeele: «Baa Gɩhaadɩ Wẽnd sorã pʋg ka yɩɩd-a ye, sã n ka ned sẽn yi ne a meng la a arzεka, n ka lebg ne baa fʋɩ rẽ pʋgẽ ye».

Tɩ Wẽnd Nabiyaamã (Wẽnd pʋʋsg la A tɩlgr be a yĩnga) a rag yeta keelem sasa: «Laa'ɩlaaha ɭllallaah Al-ʿazɩɩm Al-halɩɩm, Laa'ɩlaaha ɭllallaah Rabbʋ Al-ʿarš Al-ʿazɩɩm, Laa'ɩlaaha ɭllallaah Rabbʋ As-Samaawaat wa Rabbʋ Al-arḍ wa Rabbʋ Al-ʿArš Al-karɩɩm= Soab sẽn na n tũ n tɩlg ka be rẽnda Wẽnde, sẽn yaa na-zɩsgo, sẽn yaa sugr Soaba, soab sẽn na n tũ n tɩlg ka be rẽnda Wẽnde, sẽn yaa Al-arš zɩsgã Soabã, soab sẽn na n tũ n tɩlg ka be rẽnda Wẽnde, sẽn yaa saasã la Al-arš wagellã Soabã».

«B sã n rag n kõta nebã ne b yeelgã, neb n rag n na n bao (ne wẽgdo) neb a taab arzεk la b zɩɩm, la ad daliil zaoo ned ning sẽn yetɑ wã, tɩ wẽeneg be ne ned ning sẽn kɩɩsã wã».

«B sagla maam tɩ m maan suguud kõb a yopoe zugu: rĩirẽ wã, la a rɩk a nugã n tees a yõorẽ, la nus a yiibã, la rũm a yiibã, la na-kugã kɩremse, la d ra kool d futã la d zoobdã ye».