Encyclopedia of Prophetic Hadiths

«Lɩslaamb a yiib ka be n yek taab n yõk taab nusi, rẽndame tɩ b yaafa b yiibã zũnuuba, taoor tɩ b na n ka welg taaba».

«B na n yeela Alkʋrãan soab laahr raare : karem la f rʋ, la f karem wala f sẽn da yɩ n tũnigd dũni kaanẽ wã, ad fo dargε wã tεkɑ yaa Aaya baasdg fo sẽn na n kɑrem-ɑ zĩigẽ».

M yeelame: Wẽnd Tẽn-tʋʋma, tõnd yembr fãa pag hakε sẽn zao-a yaa bõe? T'a yeele: «Yaa f rɩlg-a tɩ f sã n rɩ, la f yeelg-a tɩ f sã n yeelge, la f ra pãb nengẽ ye, la f ra yet t'a yaa rao-wẽng ye, la f ra wãag n bas-a rẽnda gãagẽ wã bala».

«Neb ka be sẽn na n zĩnd zĩigẽ, n ka tẽeg Wẽnd yʋʋrã beenẽ, rẽndame tɩ b yik wala bõang gɩfo, zĩnd-kãngã me na n yɩɩ bõn ne-ba».

«A rag n yɩɩme t'a sã n vẽeg beoogo a yeteme: M Soab A Wẽnde, d vẽega beoog ne Fo yʋʋrã, la d ta zaabr ne Fo yʋʋrã, la ne Fo yʋʋrã la d vɩ la ne Fo yʋʋrã la d kiida, la d lebgr zĩig yaa Fo nengẽ» la a sã n ta zaabre, a yetame: «D taa zaabr ne Fo yʋʋrã la d vẽega beoog ne Fo yʋʋrã, la ne Fo yʋʋrã la d vɩ la ne Fo yʋʋrã la d kiida, la d lebeng zĩig yaa Fo nengẽ». La vugri a yeelame: «Lebgr zĩig yaa Fo nengẽ».

«Yeelg-y y fu pεεlã, tɩ ad yaa yãmb futã sẽn yɩɩd sõmblem, la y mum y kũ-rãmbã ne-ba».

«Pag fãa sẽn furi, tɩ ka tũ ne a soaadbã yarda, a furã yaa zaalem -noor a tãabo- la b sã n kẽ ne-a, a tara a furã ligdi ne a sẽn paam-a wã, la biigã ba-rãmb sã n maan tak-n-taare, rẽnd lɩslaambã tẽngã naaba yẽnda la ned ning sẽn ka tara lalldã lallda».

«Zab-y ne kɩfr-rãmbã ne y arzεgs la y mens la y zεlma».