Skip to content
721 Hadiths

Encyclopedia of Prophetic Hadiths

Filter results

36 of 721 cards

Clear filters
Tɩ Weoogẽ laarab n wa Nabiyaamã nengẽ (Wẽnd pʋʋsg lɑ A tɩlgr be ɑ yĩngɑ) n wa yeel-a: wilg maam tʋʋmde, tɩ mam sã n maan-a m kẽeda arzãna, tɩ Nabiyaamã yeel-a: «Tũ Wẽnd A Ye, n ra maan lagem-n-taar ne-A ye, la f yals Pʋʋsgã sẽn yaa tɩlae wã, la f kõ Zakã sẽn yaa tɩlae wã, la f loe noore» la a yeel yã: m wẽen ne mam yõorã sẽn be Naab ning nugẽ wã, m ka na n paas baa fʋɩ woto zug ye, la a sẽn wa n loogã, Nabiyaamã (Wẽnd pʋʋsg lɑ A tɩlgr be ɑ yĩngɑ) yeelame: «ned ning sẽn wa n nong n rat n na n ges arzãn neda, bɩ a ges yãwã».
Naṣʋn Ṣahɩɩhʋn (Gom-sikdem sẽn manege) B zemsa taab a zugu (A Al-Bʋẖaariy la a Muslim n reeg-a)
التصنيف الشرعيآداب العالم والمتعلم، وجوب الصلاة وفضلها وحكم تاركها، وجوب الزكاة وحكم تاركها، وجوب الصيام وحكم تاركه، توحيد الألوهية، الإسلام، الإيمانموضوعات الحديثالزكاة ومكانتها، الصوم الواجب، أهمية التوحيد، مكانة الصلاة وفضلهامحاور التعريف بالإسلاموجوب إفراد الله بالعبادة، أركان الإسلام
T'a ra yɩɩme (Wẽnd pʋʋsg la A tɩlgr be a yĩnga) n maan "Allaahʋ Akbarʋ" Pʋʋsg fãa sẽn yaa tɩlae la zẽng sẽn ka tɩlae, Ramadaanã pʋgẽ la zẽng sẽn ka Ramadaane, rẽnd a yetame tɩ "Allaahʋ Akbarʋ" a sẽn wat n yik n yalsã, rẽ poorẽ t'a yeel "Allaahʋ Akbarʋ" a sẽn wat n tiuul rukuẽ wã, rẽ poorẽ t'a yeel "Sami Allaahʋ lɩman Hamidah", rẽ poorẽ t'a yeel "Rabbanaa walakal hamdʋ" taoor t'a na n ka maan suguudu, rẽ poorẽ t'a yeel « Allaahʋ Akbarʋ" a sẽn wat n sulgdẽ n nɑ n maan suguudã, rẽ poorẽ t'a yeel "Allaahʋ Akbarʋ" a sẽn wat n rõogd suguudẽ wã, rẽ poorẽ t'a yeel "Allaahʋ Akbarʋ", rẽ poorẽ t'a yeel tɩ "Allaahʋ Akbarʋ" a sẽn wat n roog n yit suguudẽ wã, rẽ poorẽ t'a yeel "Allaahʋ Akbarʋ" a sẽn wat n zĩnd rakaar a yiibã n na n yikã. A maanda woto rakaar fãa gill pʋgẽ, halɩ tɩ Pʋʋsgã wa sε. Rẽ poorẽ t'a Abʋʋ Hʋrayrat yeel a sẽn wa n rat n loogã: "m wẽen ne mam yõorã sẽn be A Soab Nugẽ wã, ad maam pʋʋsgã n yɩɩd wõneg ne Wẽnd Tẽn-tʋʋmã (Wẽnd pʋʋsg la A tɩlgr be a yĩnga) Pʋʋsgã, ne yãmbɑ, lɑ ad a Pʋʋsg rag n dɑ yaa woto bala, halɩ t'a wa bas dũni".
Naṣʋn Ṣahɩɩhʋn (Gom-sikdem sẽn manege) B zemsa taab a zugu (A Al-Bʋẖaariy la a Muslim n reeg-a)
التصنيف الشرعيصفة الصلاة، أذكار الصلاةموضوعات الحديثمتابعة الرسول ﷺ، صفة الصلاة
M balma Wẽnd Tẽn-tʋʋma (Wẽnd pʋʋsg lɑ A tɩlgr be ɑ yĩngɑ) ne m na maan kaset tɩ soab ka be sẽn tũud n tɩlg tɩ pa Wẽnd ye, a Mʋhammad me yaa Wẽnd Tẽn-tʋʋma, la Pʋʋsg yalesgo, la Zak kũuni, la m wʋm la m tũ la m maan pʋ-peelem ne lɩslaam fãa.
Naṣʋn Ṣahɩɩhʋn (Gom-sikdem sẽn manege) B zemsa taab a zugu (A Al-Bʋẖaariy la a Muslim n reeg-a)
التصنيف الشرعيالأخلاق الحميدة، حكم الأمر بالمعروف والنهي عن المنكر، حق الإمام على الرعية، وجوب الصلاة وفضلها وحكم تاركها، وجوب الزكاة وحكم تاركها، الإسلامموضوعات الحديثالزكاة ومكانتها، أهمية التوحيد، النصيحة، أحكام الإمامة، مكانة الصلاة وفضلهامحاور التعريف بالإسلامأركان الإسلام
«Pʋʋsg pa be ne ned ning sẽn pa karma Gafã pakdgã ye».
Naṣʋn Ṣahɩɩhʋn (Gom-sikdem sẽn manege) B zemsa taab a zugu (A Al-Bʋẖaariy la a Muslim n reeg-a)
التصنيف الشرعيأركان الصلاةموضوعات الحديثأركان الصلاة
«B mee lɩslɑɑngã zeng-raad a nu zugu, yaa kõ sɩda tɩ soab ka be sẽn tũud n tɩlg tɩ pa Wẽnd ye, a Mʋhammad me yaa Wẽnd Tẽn-tʋʋma, la Pʋʋsgã yãnesgo, la Zak kũuni, la Roogã kaagre, la Ramadaanã no-loeere».
Naṣʋn Ṣahɩɩhʋn (Gom-sikdem sẽn manege) B zemsa taab a zugu (A Al-Bʋẖaariy la a Muslim n reeg-a)
التصنيف الشرعيوجوب الصلاة وفضلها وحكم تاركها، وجوب الزكاة وحكم تاركها، وجوب الصيام وحكم تاركه، وجوب الحج والعمرة وحكم تاركهما، الإيمان بالله عز وجل، النبوة والرسالة، الإسلامموضوعات الحديثالحج والعمرة، الزكاة ومكانتها، الصوم الواجب، أهمية التوحيد، مكانة الصلاة وفضلهامحاور التعريف بالإسلامأركان الإسلام
tɩ Wẽnd Tẽn-tʋʋmã (Wẽnd pʋʋsg lɑ A tɩlgr be ɑ yĩngɑ) a rag n zẽkda a nus a yiibã n zems a bãgdã, t'a sã n pak Pʋʋsgã, la a sã n maan Allaah Akbarʋ n na n kẽng Rukuuẽ wã, la a sã n leb n roog a zugã n yi Rukuuẽ wã, a zẽkda a nus a yiibã yεsa, n yeele: «Samiʿa Allahu lɩman hamɩdah, Rabbanaa walakal-hamdʋ» la a ra yɩɩme n ka maand woto Suguudẽ wã ye.
Naṣʋn Ṣahɩɩhʋn (Gom-sikdem sẽn manege) B zemsa taab a zugu (A Al-Bʋẖaariy la a Muslim n reeg-a)
التصنيف الشرعيسنن الصلاة، صفة الصلاة، أذكار الصلاةموضوعات الحديثسنن الصلاة، صفة الصلاة
Raoa n wa Wẽnd Tẽn-tʋʋma nengẽ (Wẽnd pʋʋsg la A tɩlgr be a yĩnga) n yaa Nagid neda, t'a zugã yaa sẽn zũndgi, tõnd wʋmda a koεεgã rãamde, la d ka wʋmda a sẽn yetã ye, halɩ t'a wa tʋg n pẽneg Wẽnd Tẽn-tʋʋma (Wẽnd pʋʋsg la A tɩlgr be a yĩnga), n mik tɩ yaa lɩslaangã sẽn yaa a soab la a soakda, tɩ Wẽnd Tẽn-tʋʋma (Wẽnd pʋʋsg la A tɩlgr be a yĩnga) yeel-a: «yaa wakat a nu wĩndg la yʋngo». T'a yeele: zẽng sẽn ka bãmbã n zao mam zug bɩɩ? T'a yeele: «ayo, sã n ka fo na n pʋʋsa ne f yam raabo, la Ramadaan kiuug no-loeere» T'a yeele: rẽ yĩnga zaoo mam zug zẽng sẽn ka rẽ bɩɩ? T'a yeele: «ayoo, sã n ka f na n loee ne f yamleoogo», tɩ Wẽnd Tẽn-tʋʋma (Wẽnd pʋʋsg la A tɩlgr be a yĩnga) togs-a Zaka, t'a yeele: la zẽng sẽn ka Zakã n zao mam zug bɩɩ? T'a yeele: «ayoo, sã n ka f na n kõo ne f yamleoogo». A yeelame: tɩ raoa gũd kuidg n teesdẽ la a yetẽ: m wẽend ne Wẽnde, m kõn n paas bũmb woto zugu, m kõn n boog me. Tɩ Wẽnd Tẽn-tʋʋma (Wẽnd pʋʋsg la A tɩlgr be a yĩnga) yeele: «A põsame t'a sã n sɩdge».
Naṣʋn Ṣahɩɩhʋn (Gom-sikdem sẽn manege) B zemsa taab a zugu (A Al-Bʋẖaariy la a Muslim n reeg-a)
التصنيف الشرعيوجوب الصلاة وفضلها وحكم تاركها، صلاة التطوع، وجوب الزكاة وحكم تاركها، صدقة التطوع، وجوب الصيام وحكم تاركه، الإسلامموضوعات الحديثالزكاة ومكانتها، الصوم الواجب، صيام التطوع، صدقة التطوع، مكانة الصلاة وفضلها، صلاة التطوعمحاور التعريف بالإسلامأركان الإسلام
Wẽnd Tẽn-tʋʋmã (Wẽnd pʋʋsg la A tɩlgr be a yĩngɑ) wilga maam -tɩ mam tallã be a tal a yiibã sʋka- Sahdã wala a sẽn wilgd maam sʋʋrã Alkʋrãanẽ wã: «At-tahɩyaatʋ Lɩllaahɩ, waṣ-ṣalawaatʋ waṭ-ṭaybaatʋ, assalaamʋ alayka Ayyʋhannabɩyʋ wa rahmatʋllaahɩ wabarakaatʋhʋ, assalaamʋ alaynaa wa ʿalaa ʿɩbaadɩllaah Aṣ-ṣaalɩhɩɩna, ashadʋ anlaa-ɩlaaha ɩllallaahʋ, wa Ashadʋ anna Mʋhammadan Abdʋhʋhʋʋ wa rasʋlʋʋhʋʋ». La wɑɑ Al-bʋhɑɑri lɑ Muslim pʋgẽ gom-biis ɑ tɑɑbɑ, yeelɑme: «Ad Wẽnde, Yẽ la Tɩlgrã (Assalaamu) rẽnd yãmb yembr fãɑ sã n zĩnd Pʋʋsgẽ wã, bɩ a yeele: «At-tahɩyaatʋ lɩllaahɩ, waṣṣalawaatʋ waṭ-ṭaybaatʋ, Assalaamu Alayka Ayyʋhannabiiyʋ wa rahmatʋllaah wabarakaatʋhʋʋ, Assalaamʋ ʿAlaynaa, wa ʿalaa ʿɩbaadɩllaah Aṣ-ṣaalɩhɩɩna», rẽnd a sã n yeel-a a yel-sõmdã tata Wẽnd yamb sõng fãa sẽn be saasẽ la tẽngẽ, ashadʋ anlaa-ɩlaaha ɩllallaahʋ, wa Ashadʋ anna Mʋhammadan Abdʋhʋʋ wa rasʋʋlʋhʋʋ, rẽ poorẽ, a tũus yẽ sẽn rat n na n bõos bũmb ning fãa, n kose»
Naṣʋn Ṣahɩɩhʋn (Gom-sikdem sẽn manege) B zemsa taab a zugu (A Al-Bʋẖaariy la a Muslim n reeg-a)
التصنيف الشرعيصفة الصلاة، أذكار الصلاةموضوعات الحديثأركان الصلاة، صفة الصلاة