Skip to content
721 Hadiths

Encyclopedia of Prophetic Hadiths

Filter results

21 of 721 cards

Clear filters
M yãa a ʿAmr ɭbn Abɩɩ Hasan t'a sokd a ʿAbdʋllaah ɭbn Zayd, Nabiyaamã (Wẽnd pʋʋsg la A tɩlgr be a yĩnga) koomã yõgb sẽn rag n yaa to-to, t'a kɩt b wa ne laok koom sẽn be a pʋgẽ, t'a maan Nabiyaamã (Wẽnd pʋʋsg la A tɩlgr be a yĩnga) koomã yõgb n wilg-ba, t'a kiig laokã koom a nugẽ n pek-ba, rẽ poorẽ t'a kẽes a nugã laokã pʋga, n toog noor a tãabo, n wugsi la a pursi, la a fõoge la a fẽege, noor a tãabo, rẽ poorẽ t'a kẽes a nugã, n pek-a noor a tãabo, rẽ poorẽ t'a le tʋm a nugã koomẽ wã n pek a nengã noor a tãabo, rẽ poorẽ t'a leb n tʋm n pek a nus a yiibã n tʋg n tãag kãntɩɩsã noor a yiib-yiibu, rẽ poorẽ t'a kẽes a nus a yiibã laokã pʋga n saag a zugã, rẽnd a sɩngame ne zugã sɩngr taoorã, halɩ n tʋg n tãag kãarẽ wã, rẽ poorẽ t'a pek a nao a yiibã, n tʋg n tãag na-kug a yiibã.
Naṣʋn Ṣahɩɩhʋn (Gom-sikdem sẽn manege) B zemsa taab a zugu (A Al-Bʋẖaariy la a Muslim n reeg-a)
التصنيف الشرعيصفة الوضوءموضوعات الحديثأحكام الوضوء
Wẽnd Tẽn-tʋʋmã tʋmsa maam (Wẽnd pʋʋsg lɑ A tɩlgr be ɑ yĩngɑ) tɩ m tʋg n maneg yelle, tɩ Gεnaab paam maam la m ka paam koom ye, tɩ mam gãand n bilm tomã pʋgẽ wala rũng sẽn bilm to-to ningã wã, rẽ poorẽ tɩ mam wa Nabiyaamã nengẽ (Wẽnd pʋʋsg lɑ A tɩlgr be ɑ yĩngɑ) n togs-a mam sẽn maan rẽ wã, t'a yeele: «ad ra seka foom tɩ fo maan ne f nus a yiibã woto» rẽ poorẽ t'a rɩk a nus a yiibã n wẽ Tẽngã vugri, n saag a goabgã ne rɩtgã la a nus tal a yiibã kudgu la a nengã.
Naṣʋn Ṣahɩɩhʋn (Gom-sikdem sẽn manege) B zemsa taab a zugu (A Al-Bʋẖaariy la a Muslim n reeg-a)
التصنيف الشرعيصفة التيممموضوعات الحديثأحكام التيمم
mam ra soodame, maam la Nabiyaamã (Wẽnd pʋʋsg la A tɩlgr be a yĩnga) laok a yembr pʋgẽ, tɩ tõnd d yiibã fãa tar Gεnaabo, la a ra yɩɩme n sagend maam, tɩ mam sẽgne n sẽbe, t'a saagd maam tɩ mam tar Pekre, la a ra yiisda a zugã n kõt maam t'a bee miisrã pʋgẽ n maan ɭɩtɩkaafe, tɩ mam pekd a zugã, tɩ mam yaa Pekr soaba.
Naṣʋn Ṣahɩɩhʋn (Gom-sikdem sẽn manege) B zemsa taab a zugu (A Al-Bʋẖaariy la a Muslim n reeg-a)
التصنيف الشرعيالحيض والنفاس والاستحاضة، أحكام الغسل، الاعتكاف، العشرة بين الزوجينموضوعات الحديثالاعتكاف، أحكام الغسل، أحكام الحيض والنفاس
Ad mam yãta Pekre, tɩ ka wãagdẽ ye, rẽ yĩnga, mam basda Pʋʋsg bɩɩ? Tɩ Nabiyaamã yeele: «ayo, ad rẽnda yaa bãaga, la bas Pʋʋsgã sẽn zems rasem-rãmb nins fo sẽn rag n yãt Pekrã tεka, rẽ poorẽ bɩ f so la f pʋʋse».
Naṣʋn Ṣahɩɩhʋn (Gom-sikdem sẽn manege) B zemsa taab a zugu (A Al-Bʋẖaariy la a Muslim n reeg-a)
التصنيف الشرعيالحيض والنفاس والاستحاضةموضوعات الحديثأحكام الاستحاضة
Mam rag n bee ne Nabiyaamã (Wẽnd pʋʋsg lɑ A tɩlgr be ɑ yĩngɑ), t'a wa tʋg n ta neb tãmpʋʋrẽ, n rʋʋde, t'a yaa sẽn yãse, tɩ mam lake, t'a yeele: «pẽnege», tɩ mam pẽnege, halɩ n tʋg n wa yals a kɩrẽngẽ wã, t'a yõk koom n saag a no-wʋʋd a yiibã.
Naṣʋn Ṣahɩɩhʋn (Gom-sikdem sẽn manege) B zemsa taab a zugu (A Al-Bʋẖaariy la a Muslim n reeg-a)
التصنيف الشرعيالاستنجاء وقضاء الحاجة، المسح على الخفين ونحوهماموضوعات الحديثآداب قضاء الحاجة، حكام المسح على الخفين والجوربين