Encyclopedia of Prophetic Hadiths

M wʋmɑ Nɑbiyɑɑmã (Wẽnd pʋʋsg la A tɩlgr be a yĩnga), tɑoor t'ɑ nɑ pɑ mɑɑn kɑɑlem ne rɑsemɑ nu, t'ɑ yetẽ: « Mɑm lebsdɑ m meng Wẽnd nengẽ, n dɑ wɑ tɑll noang yãmb pʋgẽ ye, bɑlɑ Wẽnde -A nɑɑm zẽkame-, A yõkɑ mɑɑm n mɑɑn A zɑoa, wɑlɑ A sẽn rɩk ɑ ɭbrɑhɩɩm n mɑɑn A zɑo wã, lɑ mɑm sã n dɑ nɑ n dɩk ned mɑm zãmɑ wã pʋgẽ, m rag n dɩk ɑ Abuu Bɑkr n mɑɑn zoɑ, lɑ sẽn reng-b yãmb tɑoorã b rɑ rɩkdɑ b Nɑbiyɑɑm-dãmbɑ lɑ b nĩn-sõmbsã yɑɑdã n mɑɑnd miisɑ, bɩ yãmb rɑ rɩk yɑɑdã n mɑɑn miisɑ ye, ad mɑm gɩdgdɑ yãmb n yi rẽndɑ».

Tɩ Wẽnd Tẽn-tʋʋmã (Wẽnd pʋʋsg la A tɩlgr be a yĩnga) zama n wa a nengẽ, t'a balem neb a wae wã la a yõk a meng n bas ned a yembrã, tɩ b yeele: yaa Wẽnd Tẽn-tʋʋmã, fo reega neb a wae wã balamgo la f bas yãwã? T'a yeele: «ad a tara tɩ-yodre», t'a kẽes a nugã n tõsg-a, tɩ Wẽnd Tẽn-tʋʋm yaool n reeg a balamgã la a yeele: «ned ning sẽn wa n bob tɩ-yoadã, ad a maana lagem-n-taare».

«Longr ka be, liu-n-bogr ka be, la ad fa'aal nooma maam», la a yeele, la b yeel yã, yaa bõe la fa'aal (tẽ-sõngã) la a yeel yã: «yaa gom-yɩlenga».

«Ad Wẽnd, (A Naam yɩ wagell n zẽke), A gɩdgda yãmb y yaab-rãmbã wẽenego», t'a ʿƲmar yeele: m wẽen ne Wẽnde, mam ka leb n wẽen ne-a, halɩ mam sẽn wʋm Wẽnd Tẽn-tʋʋmã, (Wẽnd pʋʋsg la A tɩlgr be a yĩngɑ), sẽn wa n gɩdg-a wã ye, ka sẽn tũud ne yẽsgo, ka ne pu-toogo, m ka leb n yeel a baa yembre.