Skip to content
721 Hadiths

Encyclopedia of Prophetic Hadiths

Filter results

8 of 721 cards

Clear filters
Filter
Pick a property to filter by
الفئة المستهدفة1
حجم المحتوى2
التخريج المتعدد3
التخريج المتعدد: مسلم
Neb sẽn yi Nabiyaamã sahaabsẽ, -Wẽnd pʋʋsg la A tɩlgr be a yĩnga-, n sok Nabiyaamã : tõnd mi n tagsda d mensẽ wã, bũmb ning sẽn yaa bedre, tõnd ned baa a ye ka tõe n gom ne a noorẽ ye, tɩ Nabiyaamã yeele : « yãmb paama yel-kãngã y sũy wã ? » tɩ b yeele: « n-yee » la Nabiyaamã yeele : «ad yaa yẽ meng la sɩd-kũunã vẽenega».
Naṣʋn Ṣahɩɩhʋn (Gom-sikdem sẽn manege) A Muslim n reeg-a
التصنيف الشرعيالإيمان بالله عز وجل، الإيمانموضوعات الحديثأهمية التوحيد، الإيمان بالله تعالى
«Wẽnd yeelɑme A nɑɑm zẽkame: Mɑm sekɑ M mengɑ n yi lɑgm-n-tɑɑrɑ rãmb lɑgm-n-tɑɑrã, ned ning sẽn tʋmɑ tʋʋmde n lɑgm bũmb zẽng ne mɑɑm ɑ tʋʋmdã pʋgẽ, m bɑsd-ɑ lɑme ne ɑ lɑgm-n-tɑɑrã».
Naṣʋn Ṣahɩɩhʋn (Gom-sikdem sẽn manege) A Muslim n reeg-a
التصنيف الشرعيأعمال القلوب، توحيد الألوهية، الشركموضوعات الحديثأهمية التوحيد، الشرك بالله وأقسامه، الإخلاص، الرياءمحاور التعريف بالإسلاموجوب إفراد الله بالعبادة، بطلان الشرك وصوره
«Ad Wẽnd ka get y naandã la y arzεkã ye, la ad A geta yãmb sũyã la y tʋʋmã.
Naṣʋn Ṣahɩɩhʋn (Gom-sikdem sẽn manege) A Muslim n reeg-a
التصنيف الشرعيفضائل أعمال القلوب، أعمال القلوب، تزكية النفوس، توحيد الأسماء والصفاتموضوعات الحديثالإخلاص، التقوىمحاور التعريف بالإسلاممحتوى للباحثين عن المعنى والروحانية، عدل الإسلام
«Ad Wẽnd yarda yãmb ne yεl a tãabo, la A kis yεl a tãabo, A yarda yãmba: tɩ y tũ-A A Yembre, la y ra maan lagem-n-taar ne-A baa fʋɩ, lɑ y gãd Wẽnd Wĩirã y gilli lɑ y rɑ weel tɑɑb ye, la ad Wẽnd kisga yãmb ne: b yeelame la a yeelame (zĩri-beedo), la kos-toogo, la arzεk yeebgo».
Naṣʋn Ṣahɩɩhʋn (Gom-sikdem sẽn manege) A Muslim n reeg-a
التصنيف الشرعيالمجتمع المسلم، توحيد الألوهية
Tõnd ra zĩime, Wẽnd Tẽn-tʋʋm kɩrengã (Wẽnd pʋʋsg la A tɩlgr be a yĩnga) la a Abuu Bakr ne a ʿƲmar ra beebe n lagem neb saare, tɩ Wẽnd Tẽn-tʋʋmã (Wẽnd pʋʋsg la A tɩlgr be a yĩnga) yik n yi tõnd sʋka, n kaoos bilf n ka wa ye, tɩ tõnd yεεs tɩ b na n wa pas-a lame tɩ tõnd ka bãng ye, tɩ tõnd yiki, la maam la rẽenem ned sẽn bir n yiki, tɩ mam yi n baood Wẽnd Tẽn-tʋʋmã (Wẽnd pʋʋsg la A tɩlgr be a yĩnga) halɩ n tʋg n ta pʋʋg sẽn yaa Madiin rãmbã pʋʋgo, yaa Banii Nagεεr rãmba neda, tɩ mam gilg pʋʋgã, tɩ tõe tɩ m yã noor n tũ n kẽ, la m ka yã ye, la mam sẽn ne ko-sor sẽn tũud lalg (võore) n kẽed pʋʋg sʋka, n yit pulg sẽn be yɩngã n watẽ, tɩ mam põd n menga n kẽ, n kẽng Wẽnd Tẽn-tʋʋmã nengẽ (Wẽnd pʋʋsg la A tɩlgr be a yĩnga), t'a yeele: «Abaa hʋrayra» tɩ mam yeel: n-yee Wẽnd Tẽn-tʋʋmã, t'a yeele: «Yaa bõe n wa ne-fo?» Tɩ mam yeele: fo ra bee tõnd sʋka, n yiki la fo kaoosame, tɩ tõnd yεεs tɩ bũmb na n wa maan foom tɩ tõnd ka bãng ye, tɩ tõnd yεεge, la maam la rẽenem n yik n wa pʋʋgẽ wã n gilgdẽ, la mam põda wala waaga sẽn põt to-to wã n kẽ, la nebã bee mam poorẽ, tɩ Nabiyaamã (Wẽnd pʋʋsg la A tɩlgr be a yĩnga) yeele: «Abaa Hʋrayra» la a rɩk a neod a yiibã n kõ maam n yeele: «Kẽng ne mam neood a yiibã woto wã, tɩ fo sẽn sεg ned ning lal-kãngã poorẽ t'a maan kaset tɩ soab ka be tɩ sã n ka Wẽnde, n tar bãng-n-wãak ne a sũurã, bɩ f noog a sũur ne Arzãna». La rẽenem ned mam sẽn sεg yaa a ʿƲmar, t'a yeele: yaa bõe neood a yiib la woto Abaa Hʋrayra? Tɩ mam yeele: Bãmbã b yiibã, yaa Wẽnd Tẽn-tʋʋmã neoodã (Wẽnd pʋʋsg la A tɩlgr be a yĩnga), a tʋmsa maam ne neood a yiibã, tɩ m sẽn sεg ned ning t'a maan kaset tɩ soab ka be tɩ sã n ka Wẽnde, n tar bãng-n-wãak ne a sũurã, bɩ m noog a sũur ne Arzãna. T'a ʿƲmar rɩk a nugã n wẽ mam yãoogã, tɩ m tar n lʋɩ m sεεgã zugu, n yeele: lebge Abaa Hʋrayrat, tɩ mam lebg n kẽng Wẽnd Tẽn-tʋʋmã nengẽ (Wẽnd pʋʋsg la A tɩlgr be a yĩnga), n tʋg n kũmdẽ, t'a ʿƲmar pʋgl maam n wa, tɩ Wẽnd Tẽn-tʋʋmã (Wẽnd pʋʋsg la A tɩlgr be a yĩnga) yeele: «Yaa bõe n tar foom yaa Abaa Hʋrayra?» Tɩ mam yeele: m sεga a ʿƲmar n kõ-a kibar ne gomd ning fo sẽn tʋms maam ne wã, t'a wẽ mam yãoogã, tɩ mam lʋɩ m kɩgbã zugu, la a yeel maam tɩ m lebge, tɩ Wẽnd Tẽn-tʋʋmã yeele: (Wẽnd pʋʋsg la A tɩlgr be a yĩnga) «ʿƲmar yaa bõe n kɩt tɩ fo maam woto?» La a yeel yã, Wẽnd Tẽn-tʋʋma, mam saamb la m ma rɩkd n yaoome n põsg fo yõorã, foom n tʋms a Abuu Hʋrayrat ne neood a yiibã, t'a sẽn sεg ned ning t'a maan kaset tɩ soab ka be tɩ sã n ka Wẽnde, n tar bãng-n-wãak ne a sũurã, bɩ a noog a sũur ne Arzãna? T'a yeele: «N-yee» T'a ʿƲmar yeele: bɩ f ra maan woto ye, tɩ ad mam yεεsda nebã na teeg rẽ, bas-b tɩ b tʋme, tɩ Wẽnd Tẽn-tʋʋmã (Wẽnd pʋʋsg la A tɩlgr be a yĩnga) yeele: «Bɩ f bas-b tʋ b tʋme».
Naṣʋn Ṣahɩɩhʋn (Gom-sikdem sẽn manege) A Muslim n reeg-a
التصنيف الشرعيتوحيد الألوهية
«Ad Wẽnd yaa yɩlgemde, la A ka reegd rẽnda yɩlgemde, la ad Wẽnd sagla sɩd-kõtbã ne bũmb ning A sẽn sagl tẽn-tʋʋmbã; n yeele: {Yãmb ɑ Tẽn-tʋʋmba! Rɩ-y rɩ-yɩlmã sẽn yaa halaal rɩɩbo, la y maan tʋʋm-sõma}, la A yeele: {Yɑɑ yãmb sẽn kõ-b sɩdɑ! Rɩ-y bõn-yɩlmɑ Tõnd sẽn rɩlg yãmbã}. Rẽ poorẽ tɩ Nɑbiyɑɑmɑ tẽeg rao yelle, sor sẽn wogle, t'a zugã bɩre n puki, t'a zẽk a nus a yiibã n tʋg saasẽ wã n yetẽ: "m Soab A Wẽnde! Sõng-ma", la a rɩtlã yaa haraam, a sẽn yelgã yaa haraam, a bõn-yũudɩ wã yaa haraam, b leb n rɩlg-a-la ne haraam, b na n reega a kos-kãngã wãn-wãna?»
Naṣʋn Ṣahɩɩhʋn (Gom-sikdem sẽn manege) A Muslim n reeg-a
التصنيف الشرعيالأربعون النووية، أسباب إجابة الدعاء وموانعه، توحيد الأسماء والصفات
«Yãmb a nebã, ad Wẽnd yaa yɩlgemde, la A ka reegd rẽnda yɩlgemde, la ad Wẽnd sagla sɩd-kõtbã ne bũmb ning A sẽn sagl tẽn-tʋʋmbã; n yeele: {Yãmb ɑ Tẽn-tʋʋmba! Rɩ-y rɩ-yɩlmã sẽn yaa halaal rɩɩbo, la y maan tʋʋm-sõma, ad Mam mii yãmb sẽn maand bũmb ninsã wã}. [23. Al-muu'minuun (Sɩd-kõtbã sʋʋra): 52 ] la A yeele: {Yɑɑ yãmb sẽn kõ-b sɩdɑ! Rɩ-y bõn-yɩlmɑ Tõnd sẽn rɩlg yãmbã lɑ y pʋʋs Wẽnd bɑrk tɩ sã n yɑɑ Yẽ lɑ y tũudã} [2. Al-baƙara (Naafã sʋʋra):172]. Rẽ poorẽ tɩ Nɑbiyɑɑmɑ tẽeg rao yelle, sor sẽn wogle, t'a zugã bɩre n puki, t'a zẽk a nus a yiibã n tʋg saasẽ wã n yetẽ: "m Soab A Wẽnde! Sõng-ma", la a rɩtlã yaa haraam, a sẽn yeelgã yaa haraam, a bõn-yũudɩ wã yaa haraam, b leb n rɩlg-a-la ne haraam, b na n reega kos-kãngã wãn-wãna?»
Naṣʋn Ṣahɩɩhʋn (Gom-sikdem sẽn manege) A Muslim n reeg-a
التصنيف الشرعيأسباب إجابة الدعاء وموانعه، توحيد الأسماء والصفات
«Yamb ka maand yamb sʋtr dũni-kãngã pʋgẽ, rẽndame tɩ Wẽnd maan-a sʋtr dũni yikr raarã».
Naṣʋn Ṣahɩɩhʋn (Gom-sikdem sẽn manege) A Muslim n reeg-a
التصنيف الشرعيالأخلاق الحميدة، توحيد الأسماء والصفات