Encyclopedia of Prophetic Hadiths

«Ra sɩng-y Yahuud-rãmba la Nasaar-rãmba ne sallem ningr ye, la yãmb sã n seg b yembr sor zug bɩ y pẽdg-a t'a rɩk so-sẽkã».

«Yãmb ned fãa ra wa tʋg n gãd a taoorã ne a rɩtgã n rʋʋtẽ ye, la a ra wa yẽes a we-kεεng ne a rɩtg ye, la a ra tʋg n vʋʋsd laok pʋgẽ ye».

"Ned sã n zab n sõng a ma-bi taag burkĩnd lillgri, Wẽnd na n tusa a nengã n yi Bigmã yikr raarã".

«Mam sega a ɭbraahɩɩm yʋng ning b sẽn kẽnes maamã, t'a yeele: Mʋhammad, taas f zãmã wã mam sallem, la kõ-b kibar tɩ ad arzãnã tomã yaa sõma, a koomã yaa noogo, la ad a yaa zĩ-peelle, tɩɩs ka be ye, la a tɩɩsã selb yaa "Sʋbhaanallaah, wa Alhamdu lillaah, wa laa'ɩlaaha ɩllallaah, wa Allahʋ akbarʋ= yɩlgemd be ne Wẽnde, pẽgr be ne Wẽnde, la soab ka be rẽnda Wẽnde, la Wẽnd n yɩɩd bedrem».

«Ad bũmb ninga nebã sẽn mikã, sẽn yaa nabiyaamdemã goam kʋdgã: "f sã n ka zoet yãnde, bɩ f maan f sẽn rate!"».

T'a waa Nabiyaamã nengẽ (Wẽnd pʋʋsg la A tɩlgr be a yĩnga) n yeele: Wẽnd Tẽn-tʋʋmã, ad a sʋɩɩtãan gɩdga maam ne m Pʋʋsgã la m karengã sʋka, n liibd maɑm, tɩ Wẽnd Tẽn-tʋʋma (Wẽnd pʋʋsg la A tɩlgr be a yĩnga) yeel-a: «Yãwã yaa sʋɩɩtãan b sẽn boond tɩ Hinzib, fo sã n wa paam-a f Pʋʋsgã pʋgẽ, bɩ f kos gũudum ne Wẽnd n yi-a la f tʋbs f goabgã wεεngẽ noor a tãabo», a yeelame, tɩ mam maan woto, tɩ Wẽnd rig-a n yi maam.

«Wẽnd yeelame (A Naam yɩ wagell n zẽke) Adam biig namsda Maam, a tʋʋda zamaanã, la Maam la zamaanã, bala yellã bee Mam Nugẽ, Maam n leebg yʋng la wĩndga».

«Ned ning b sẽn mong yol-yole, b mong-a-la yel-sõmde».